Home Remedies For Diarrhea: കുടലിന് പോഷകങ്ങൾ ആഗിരണം ചെയ്യാൻ കഴിയാതെ വരുമ്പോഴാണ് വയറിളക്കം സാധാരണയായി ഉണ്ടാവാറുള്ളത്.ഇത് സംഭവിക്കുമ്പോൾ, ഭക്ഷണം ശരിയായി ദഹിക്കാതെ ശരീരത്തിലൂടെ കടന്നുപോവുന്നു. വയറിളക്കം എല്ലാ പ്രായത്തിലുമുള്ള ഏറ്റവും സാധാരണമായ രോഗങ്ങളിൽ ഒന്നാണ്. ശിശുക്കൾ ,അമ്മമാർ മുതൽ പ്രായമായവർക്കും വരെ, ക്രമരഹിതമായ ഇടവേളകളിൽ വെള്ളമോ അയഞ്ഞതോ ആയ മലം പതിവായി കടന്നുപോകുന്നതാണ് വയറിളക്കം.
വയറിളക്കത്തിന് നിരവധി കാരണങ്ങളുണ്ട്. അലർജി , ഭക്ഷ്യവിഷബാധ, അണുബാധ, സമ്മർദ്ദം എന്നിവ. അതുപോലെ, വയറിളക്കം സാധ്യമായ പല കാരണങ്ങളിൽ ഒന്നിൻ്റെ ഒരു ലക്ഷണം മാത്രമാണ്. എന്നാൽ വയറിളക്കം അത്രവലിയ ഗുരുതരമായ പ്രശ്നമല്ല,വയറിളക്കം മൂലമുള്ള പ്രശ്നങ്ങൾക്കുള്ള പരിഹരമാർഗങ്ങൾ നമുക്ക് വീട്ടിൽ തന്നെ ചെയ്യാൻ കഴിയും. അതിനായി ഒട്ടനവധി മാർഗങ്ങളുമുണ്ട്. നമ്മുടെ വീട്ടിൽ കിട്ടുന്ന ഏത്തപ്പഴം തൊലി കളഞ്ഞ് പേസ്റ്റ് രൂപത്തിലാക്കുക. അതിനുശേഷം, ഈ പേസ്റ്റിലേക്ക് അര ടീസ്പൂൺ നെയ്യ് ചേർക്കുക. ഈ മിശ്രിതം ഒരു കഷ്ണം ജാതിക്ക, ഏലക്കാപ്പൊടി എന്നിവയോടൊപ്പം ദിവസത്തിൽ രണ്ടുതവണ കഴിക്കണം.
Home Remedies For Diarrhea
അടുത്തതായി ചെറുചൂടുള്ള തൈരും നെയ്യും ചേർത്ത് കുറച്ച് അരി മിക്സ് ചെയ്യുക. ഈ വീട്ടുവൈദ്യം വയറിളക്കം ഒഴിവാക്കാൻ സഹായിക്കും. കൂടാതെ തുല്യ അളവിലുള്ള തൈരും വെള്ളവും മിക്സ് ചെയ്ത് അതിലേക്ക് കുറച്ച് വറ്റൽ ഇഞ്ചി ചേർക്കുക. വയറിളക്കത്തിൻ്റെ ലക്ഷണങ്ങൾ ലഘൂകരിക്കാൻ ഈ വീട്ടുവൈദ്യം ദിവസത്തിൽ രണ്ടുതവണ കുടിക്കുക. ഇഞ്ചി, പഞ്ചസാര, ചെറുചൂടുള്ള വെള്ളം എന്നിവ വയറിളക്കം തടയും. നെയ്യ്, ഇഞ്ചി, പഞ്ചസാര എന്നിവ ഉത്തമ പരിഹാരമാണ്. ഒരു പാത്രത്തിൽ ചെറിയ അളവിൽ നെയ്യ് എടുക്കുക. ഇതിലേക്ക് കുറച്ച് വറ്റല് ഇഞ്ചി, പൊടിച്ച ജാതിക്ക, പ്രകൃതിദത്ത പഞ്ചസാര എന്നിവ ചേർക്കുക.
നന്നായി യോജിപ്പിച്ച് ഈ മിശ്രിതം ദിവസത്തിൽ രണ്ടോ മൂന്നോ തവണ കഴിക്കുക. പെരുംജീരകം, ഇഞ്ചിപ്പൊടി എന്നിവ വളരെ ഫലപ്രദമാണ്. ദിവസത്തിൽ ഒന്നോ രണ്ടോ തവണ പൊടികൾ എളുപ്പത്തിൽ ചവച്ചരച്ച് വയറിളക്കം ഒഴിവാക്കാം. ഒപ്പം വയറിളക്കം തടയാൻ ഒരു കപ്പ് കട്ടൻ ചായയിൽ ചെറുനാരങ്ങാനീരും പുതുതായി അരച്ച ഏലക്കയോ ജാതിക്കയോ ചേർക്കുക. നിങ്ങൾക്ക് ലൂസ് മോഷൻ ഉള്ളപ്പോഴെല്ലാം ഈ മിശ്രിതം കുടിക്കുന്നതും അത്യുത്തമമാണ്. ആപ്പിളിന് നിരവധി ആരോഗ്യ ഗുണങ്ങളുണ്ട്. അതുകൊണ്ട് ഒരു ആപ്പിൾ എടുത്ത് നെയ്യിൽ വേവിക്കുക. ജാതിക്കയും ഏലക്കായും ചേർത്ത് നിങ്ങൾക്ക് ഇത് കൂടുതൽ ഫലപ്രദമാക്കാം. ഇത് കഴിച്ച് ലൂസ് മോഷൻ ഒഴിവാക്കുക. ഈ വഴികൾ പിന്തുടരുന്നതിലൂടെ നിരന്തരമയുണ്ടാവുന്ന വയറിളക്കം നമുക്ക് പെട്ടന്നുതന്നെ മാറ്റാൻ എളുപ്പമാണ്.
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.
