acteress sada shares the wildlife pictures: തെന്നിന്ത്യൻ താരം സദ സയ്യിദ് അഭിനയ ലോകത്ത് നിന്നും മാറി നിന്നുവെങ്കിലും ഇപ്പോഴും നിരവധി ആരാധകർ അവർക്കുണ്ട്. ആദ്യ ചിത്രമായ ജയം രവിയുടെ ജയം, വിക്രം ചിത്രമായ അന്ന്യൻ, മാധവൻ അഭിനയിച്ച എതിരി തുടങ്ങിയ ചിത്രങ്ങളിലെല്ലാം നായികയായി മികച്ച പ്രകടനമാണ് താരം കാഴ്ചവച്ചിരുന്നത്.
ചലച്ചിത്ര മേഖലയിൽ സജീവമല്ലാത്ത താരങ്ങൾ സമൂഹ മാധ്യമങ്ങളിൽ വൈറലാവുന്നത് കണ്ടിട്ടുണ്ട്. സദയും സമൂഹ മാധ്യമങ്ങളിൽ സജീവമാണ്. താരത്തിന്റെ പുതിയ പാഷനാണ് ആരാധകരിൽ ഏറെ ചർച്ച ചെയ്യുന്നത്. സദയുടെ ശ്രദ്ധ മുഴുവനും വൈൽഡ് ലൈഫ് ഫോട്ടോഗ്രാഫിയിലാണ് . ഈ മേഖലയിൽ ഒരു പ്രൊഫഷണലായി മാറിക്കഴിഞ്ഞുവെന്നത് സമൂഹമാധ്യമങ്ങളിൽ നിന്ന് വ്യക്തമാവുന്നു.
ഫോട്ടോസ് എടുക്കുന്നതിനായി രാജ്യത്തെ പ്രധാനപ്പെട്ട എല്ലാ വന്യജീവി സങ്കേതങ്ങളും താരം സന്ദർശിച്ചു. പുള്ളിപ്പുലി, കടുവ, മയിൽ, വ്യത്യസ്‌തയിനം പക്ഷികൾ, ജലജീവികൾ തുടങ്ങിയവയുടെയെല്ലാം അതിമനോഹരമായ ചിത്രങ്ങൾ സദ സമൂഹ മാധ്യമങ്ങളിൽ പങ്കുവെച്ചിട്ടുണ്ട്. വനമേഖലകളിലേക്ക് നടത്തുന്ന യാത്രകളെല്ലാം വിവരിച്ചുകൊണ്ടാണ് സമൂഹമാധ്യമങ്ങളിൽ പോസ്‌റ്റുകൾ പങ്കുവെക്കുന്നത്.
acteress sada shares the wildlife pictures
ഇൻസ്റ്റാഗ്രാം പ്രൊഫൈൽ ഡിസ്ക്രിപ്ഷനിൽ നിന്നും താരം തികഞ്ഞ മൃഗസ്നേഹിയാണെന്ന് മനസ്സിലാവും.
വെറുമൊരു ഫോട്ടോഗ്രാഫർ എന്നതിലുപരി അവർ ചില മൂല്യങ്ങൾ കൂടി പകർന്ന് നൽകുന്നുണ്ട്. അതിന് മികച്ച ഉദാഹരണമാണ് കൂട്ടിൽ കഴിയുന്ന കുഞ്ഞുങ്ങളെ പരിപാലിക്കുന്ന തള്ള പക്ഷിയുടെ ദൃശ്യം. ഇണ ചേരുന്ന തവളകളുടെ ചിത്രവും മനോഹരമായി ക്യാമറയിൽ പതിപ്പിച്ചിട്ടുണ്ട്.
ചിത്രങ്ങളോടൊപ്പം പങ്കു വെക്കുന്ന കുറിപ്പുകളും ഹൃദ്യമാണ്.
Athira is a seasoned content writer with 3+ years of experience crafting engaging articles, blog posts, and website content. With a background in journalism and a passion for storytelling, Her writing style is informative, conversational, and entertaining. When not writing, she enjoys hiking and exploring new ideas.