Action Movie Kill In Amazon Prime: ബോളിവുഡിൽ ‘ആനിമലിനും , ജോൺ വിക്കിനും ശേഷം ഏറ്റവുധികം വയലൻസുമായി എത്തിയ ആക്ഷൻ ത്രില്ലർ ‘കിൽ’ ഒടിടി പ്ലാറ്റ്ഫോമിൽ എത്തിയിരിക്കുന്നു. എന്നാൽ ഇന്ത്യയിൽ ചിത്രം ഇപ്പോൾ ലഭ്യമായിട്ടില്ല. മൂന്നാം ആഴ്ചയിൽ തന്നെ ഒടിടിയിൽ എത്തിയ സിനിമ വിദേശത്തുള്ള ചലച്ചിത്ര പ്രേമികൾക്ക് മാത്രമായാണ് ആദ്യഘട്ടത്തിൽ ലഭിക്കുക.
ആമസോൺ പ്രൈം വിഡിയോയിൽ വാടകയ്ക്കാണ് സിനിമ ഇപ്പോൾ കാണാനാകുക. സ്ട്രീം ചെയ്യുന്നതിന് കാഴ്‌ചക്കാർ 24.99 ഡോളർ നൽകണം. കൂടാതെ, ആപ്പിളിൽ വിഡിയോ ഓൺ ഡിമാൻഡ് വഴിയും കിൽ ലഭ്യമാണ്. ഇന്ത്യയിൽ സെപ്റ്റംബർ മാസമാകും ചിത്രം ഒടിടി റിലീസിനെത്തുക. ഹോട്ട്സ്‌റ്റാർ ആണ് സ്ട്രീമിങ് പാർട്ണർ.
Action Movie Kill In Amazon Prime
തിയേറ്ററുകളിൽ ചിത്രം എപ്പോഴും നിറഞ്ഞ സദസ്സുകളിൽ ഓടിക്കൊണ്ടിരിക്കുകയാണ്. ഇതുവരെ 43 കോടിയോളമാണ് സിനിമ കലക്ട് ചെയ്തത്. കരൺ ജോഹർ അവതരിപ്പിക്കുന്ന ചിത്രം സംവിധാനം ചെയ്തിരിക്കുന്നത് നിഖിൽ നാഗേഷ് ഭട്ടാണ്. അമൃത് എന്ന ആർമി കമാൻഡോ ഓഫിസറായി ലക്ഷ്യ അഭിനയിക്കുന്നു.
ഫാനി എന്ന വില്ലനായി എത്തുന്നത് രാഘവ് ആണ്. തന്യ, അഭിഷേക് ചൗഹാൻ തുടങ്ങിയവർക്ക് പുറമേ ആശിഷ് വിദ്യാർത്ഥി ഒരു പ്രധാന വേഷത്തിൽ എത്തിയിട്ടുണ്ട്.ഛായാഗ്രാഹണം നിർവഹിച്ചത് റാഫി മെഹമൂദാണ്. സംഗീതം വിക്രം മാൻട്രസ്. സിനിമ ഇഷ്‌ടപ്പെട്ട ‘ ബോളിവുഡ് ജോൺ വിക്ക്’ ടീം ‘കിൽ’ ഹോളിവുഡിൽ റീമേക്ക് ചെയ്തേക്കുമെന്ന് റിപ്പോർട്ടുകൾ ഉണ്ട്.
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.