Actor Shivaraj Kumar Celebrated Birthday At Kerala: തന്റെ ഇക്കൊല്ലത്തെ ജന്മദിനം കേരളത്തിലെ കുട്ടനാട്ടിൽ ആഘോഷിക്കുകയാണ് കന്നട സിനിമാ താരം ശിവരാജ് കുമാർ. കുടുംബാംഗങ്ങൾക്കും സുഹൃത്തുക്കൾക്കും ഒപ്പമാണ് താരം കേരളത്തിലെത്തിയത്.
സ്പൈസ് റൂട്ട്സ് ലക്ഷ്വറി ക്രൂയീസിലാണ് ശിവരാജ് കുമാറിന് സൗകര്യമൊരുക്കിയിട്ടുള്ളത് . ട്രിപ്പ്‌ അഡ്വൈസറിന്റെ ട്രാവലർ ചോയ്സ് അവാർഡ് 2024ൽ നേടിയ ക്രൂയിസാണിത്.
കായൽ കാഴ്ചകൾ ആസ്വദിച്ചും ലക്ഷ്വറി സൗകര്യത്തോടെ യാത്ര ചെയ്തും പിറന്നാൾ ആഘോഷിക്കും. പ്രിയതാരത്തിന് ജന്മദിനാശംസകൾ നേരാൻ രണ്ട് മിനി ബസ്സിലായി നിരവധി ആരാധകരാണ് കർണാടകയിൽ നിന്ന് കുട്ടനാട്ടിൽ എത്തിയത്. കുടുംബത്തിനൊപ്പം രാത്രി കേക്ക് മുറിച്ചാണ് താരം ജന്മദിനാഘോഷങ്ങൾക്ക് തുടക്കം കുറിച്ചത്. ഭാര്യ ഗീത,മക്കളായ നിവേദിത, നിരുപമ എന്നിവരും താരത്തിനൊപ്പമുണ്ട്.
Actor Shivaraj Kumar Celebrated Birthday At Kerala
കുടുംബാംഗങ്ങളും ചില സുഹൃത്തുക്കളും ഇവരുടെ കൂടെയുണ്ട്. ചമ്പക്കുളം പള്ളി, കാവാലം എന്നിവിടങ്ങൾ സന്ദർശിച്ചു. കേരള സ്റ്റൈൽ മട്ടൺ ബിരിയാണിയാണ് ജന്മദിന സ്പെഷലായി ആവശ്യപ്പെട്ടത്. ഇന്നലത്തെ സ്പെഷൽ കേരള മീൽസായിരുന്നു. നാളെ കുമരകം,ആലപ്പുഴയിലെ ഉൾനാടൻ ഗ്രാമങ്ങൾ തുടങ്ങിയവ സന്ദർശിക്കും. ശിവരാജ് കുമാർ കുട്ടനാട്ടിൽ എത്തുന്നത് രണ്ടാം തവണയാണ്. 2023ൽ തിരുവനന്തപുരത്ത് ഒരു ചിത്രത്തിന്റെ ഷൂട്ടിങ്ങിനായി എത്തിയപ്പോൾ സ്പൈസ് റൂട്ട്സ് ലക്ഷ്വറി ക്രൂയീസിന്റെ ബോട്ടിൽ ഒരു ദിവസം താമസിക്കാനുള്ള അവസരം ലഭിച്ചിരുന്നു.
കുടുംബത്തെയും കൂട്ടി ഇനിയും വരുമെന്നു പറഞ്ഞായിരുന്നു അന്ന് താരം നാട്ടിലേക്ക് തിരിച്ചത്. ഒടുവിൽ കുടുംബവുമായി അദ്ദേഹമെത്തി. ജയിലർ, ക്യാപ്റ്റൻ മില്ലർ തുടങ്ങിയ തമിഴ് സിനിമകളിൽ ശ്രദ്ധേയമായ കഥാപാത്രങ്ങൾ ചെയ്ത് പാൻ ഇന്ത്യൻ തലത്തിൽ താരം ശ്രദ്ധിക്കപ്പെട്ടിരുന്നു. ഭൈരതി രണഗൾ, ഉത്തരക്കാണ്ട തുടങ്ങിയ ഒരുപിടി കന്നഡ ചിത്രങ്ങൾ പുറത്തിറങ്ങാനുമുണ്ട്.
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.