കേരള ബ്ലാസ്റ്റേഴ്സ് ( Kerala Blasters ) ഇന്ത്യൻ സൂപ്പർ ലീഗിൽ (ISL) നടന്ന അഞ്ചാം റൗണ്ട് പോരാട്ടത്തിൽ വിജയം നേടിയിരുന്നു. കൊൽക്കത്തൻ ക്ലബ്ബായ മുഹമ്മദൻ എസ്സിയെ(muhammadans SC) ഒന്നിനെതിരെ 2 ഗോളുകൾക്കായിരുന്നു ബ്ലാസ്റ്റേഴ്സ് പരാജയപ്പെടുത്തിയിരുന്നത്. എന്നാൽ ആറാം റൗണ്ട് പോരാട്ടത്തിൽ ക്ലബ്ബിനെ കാത്തിരിക്കുന്നത് വളരെ പ്രധാനപ്പെട്ട ഒരു മത്സരമാണ്. ചിരവൈരികളായ ബംഗളൂരു എഫ്സിയാണ് (Bengaluru FC) കേരള ബ്ലാസ്റ്റേഴ്സിന്റെ എതിരാളികൾ.(Coach Stahre About Next Match)
നാളെ വൈകീട്ട് കൊച്ചി കലൂർ ജവഹർലാൽ നെഹ്റു മന്താരാഷ്ട്ര സ്റ്റേഡിയത്തിൽ വെച്ചുകൊണ്ടാണ് ഈ മത്സരം നടക്കുക. ചിരവൈരികൾക്കെതിരെയുള്ള മത്സരം അഭിമാന പോരാട്ടമാണ്. വിജയിക്കുക എന്നുള്ളത് ആരാധകരെ സംബന്ധിച്ചിടത്തോളം വളരെ പ്രധാനപ്പെട്ട കാര്യമാണ്. എന്നാൽ അത് ഒരിക്കലും എളുപ്പമാവില്ല. കാരണം ബംഗളൂരു തകർപ്പൻ ഫോമിലാണ് ഇപ്പോൾ കളിച്ചുകൊണ്ടിരിക്കുന്നത്. പോയിന്റ് പട്ടികയിൽ ഒന്നാം സ്ഥാനത്ത് അവരാണ്.
കളിച്ച അഞ്ചുമത്സരങ്ങളിൽ നാലിലും അവർ വിജയിച്ചിട്ടുണ്ട്. ഒരു മത്സരം അവർ സമനില വഴങ്ങി. ഒരൊറ്റ ഗോൾ പോലും ഈ സീസണിൽ അവർ വഴങ്ങിയിട്ടില്ല എന്നതാണ് ഏറ്റവും പ്രധാനപ്പെട്ട കാര്യം. അതുകൊണ്ടുതന്നെ അവരെ പരാജയപ്പെടുത്തുക എന്നത് ബുദ്ധിമുട്ടേറിയ കാര്യമായിരിക്കും. അതിനെക്കുറിച്ച് ബ്ലാസ്റ്റേഴ്സ് (kerala blasters) പരിശീലകനായ മികയേൽ സ്റ്റാറേ (Stahre) ചില കാര്യങ്ങൾ പറഞ്ഞിട്ടുണ്ട്.അത് ഇങ്ങനെയാണ്.
Mikael Stahre 🗣️ “We are facing a team that is number one in the table, so it is completely different game from last match but similarity is that we have to win this matcha as well.” #KBFC pic.twitter.com/xAEQBWfp8I
— KBFC XTRA (@kbfcxtra) October 24, 2024
Coach Stahre About Next Match
‘പോയിന്റ് പട്ടികയിൽ ഒന്നാം സ്ഥാനത്ത് ഇരിക്കുന്ന ടീമിനെയാണ് ഞങ്ങൾക്ക് നേരിടേണ്ടത്. അതുകൊണ്ടുതന്നെ കഴിഞ്ഞ മത്സരത്തെ അപേക്ഷിച്ച് നോക്കുമ്പോൾ ഇത് തീർത്തും വ്യത്യസ്തമായ ഒരു മത്സരമായിരിക്കും. പക്ഷേ ഒരേയൊരു സാമ്യത മാത്രമാണ് ഉള്ളത്. കഴിഞ്ഞ മത്സരത്തിൽ വിജയിച്ചതുപോലെ ഈ മത്സരത്തിലും ഞങ്ങൾക്ക് വിജയിക്കേണ്ടതുണ്ട് ‘ഇതാണ് ബ്ലാസ്റ്റേഴ്സ് കോച്ച് പറഞ്ഞിട്ടുള്ളത്.
കഴിഞ്ഞ സീസണിൽ കൊച്ചിയിൽ വച്ച് നടന്ന മത്സരത്തിൽ ബ്ലാസ്റ്റേഴ്സ് ഇവർക്കെതിരെ വിജയം നേടിയിരുന്നു. എന്നാൽ ഇത്തവണത്തെ ഡ്യൂറൻഡ് കപ്പിൽ (Durand Cup) ബ്ലാസ്റ്റേഴ്സിനെ പുറത്താക്കിയത് ഇതേ ബംഗളൂരു തന്നെയാണ്. അതിന് പ്രതികാരം തീർക്കുക എന്ന ലക്ഷ്യത്തോടുകൂടിയായിരിക്കും ബ്ലാസ്റ്റേഴ്സ് നാളെ കളിക്കളത്തിലേക്ക് ഇറങ്ങുക.
Read Also : അവിശ്വസനീയമാണ് ഈ ആരാധകരുടെ ആവേശം, ടീമിന് വേണ്ടി തന്റെ മുഴുവൻ മികവും പുറത്തെടുക്കുമെന്ന് പ്രീതം കോട്ടാൽ
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.