Durant Cup Goals Of Noah Sadaoui And Kwame Peprah: ഡ്യൂറൻഡ് കപ്പിന്റെ ഗ്രൂപ്പ് ഘട്ടത്തിലെ ആദ്യത്തെ മൂന്നു മത്സരങ്ങളും പൂർത്തിയാക്കിയ ബ്ലാസ്റ്റേഴ്‌സ് ആരാധകർക്ക് പ്രതീക്ഷകൾ നൽകുന്നുണ്ട്. മൂന്നു മത്സരങ്ങളിൽ രണ്ടെണ്ണത്തിൽ ക്ലബിന്റെ റെക്കോർഡ് ഗോൾവേട്ടയാണ് ബ്ലാസ്റ്റേഴ്‌സ് നടത്തിയത്. കഴിഞ്ഞ ദിവസം നടന്ന മത്സരത്തോടെ ഗ്രൂപ്പ് ജേതാക്കളായി ക്വാർട്ടർ ഫൈനൽ ഏറെക്കുറെ ഉറപ്പിക്കുമെന്ന സ്ഥിതിയിലാണ് ബ്ലാസ്റ്റേഴ്‌സുള്ളത്.
മുംബൈ സിറ്റിയുടെ റിസർവ് ടീമിനെ ക്ലബിന്റെ റെക്കോർഡ് ഗോൾവേട്ടയിൽ ആദ്യമത്സരത്തിൽ ബ്ലാസ്റ്റേഴ്‌സ് തോൽപ്പിച്ചിരുന്നു. എട്ടു ഗോളുകളാണ് ബ്ലാസ്റ്റേഴ്‌സ് ആ മത്സരത്തിൽ നേടിയത്. അതിനു ശേഷം പഞ്ചാബിനോട് സമനില വഴങ്ങിയ കേരള ബ്ലാസ്റ്റേഴ്‌സ് ഇന്നലെ നടന്ന അവസാനത്തെ ഗ്രൂപ്പ് മത്സരത്തിൽ സിഐഎസ്എഫ് ടീമിനെതിരെ ഏഴു ഗോളുകളുടെ വിജയമാണ് സ്വന്തമാക്കിയത്. എഫ്‌സി ഗോവയിൽ നിന്നും ബ്ലാസ്റ്റേഴ്‌സിലെത്തിയ നോവ സദൂയി ഹാട്രിക്ക് നേട്ടമാണ് മത്സരത്തിൽ സ്വന്തമാക്കിയത്.
ഇതോടെ ഈ വർഷത്തെ ഡ്യൂറൻഡ് കപ്പിൽ ഏറ്റവുമധികം ഗോൾ നേടിയ താരങ്ങളിൽ നോവ ആറു ഗോളുകളുമായി ഒന്നാം സ്ഥാനത്തെത്തി. മൂന്നു മത്സരങ്ങളിൽ നിന്നും ഒരു ഹാട്രിക്കോടെ നാല് ഗോളുകൾ നേടിയ ക്വാമേ പെപ്ര രണ്ടാം സ്ഥാനത്തു നിൽക്കുന്നു. നോവ സദൂയിയും ക്വാമേ പെപ്രയും മുന്നേറ്റനിരയിൽ നടത്തുന്ന ഈ പ്രകടനം ടീമിന് ആത്മവിശ്വാസം നൽകുന്നതാണ്. ലഭിച്ച അവസരങ്ങൾ കൃത്യമായി മുതലെടുക്കാൻ കഴിഞ്ഞിരുന്നെങ്കിൽ ഗോളുകളുടെ എണ്ണം ഇനിയും വർധിച്ചേനെ.
Durant Cup Goals Of Noah Sadaoui And Kwame Peprah
📊 Durand Cup 2024 Top Scorers 👇
— KBFC XTRA (@kbfcxtra) August 11, 2024
1) Noah Sadaoui: 6 goals 🇲🇦
2) Kwame Peprah: 4 goals 🇬🇭#KBFC pic.twitter.com/yrwlLDfprc
ഈ മത്സരങ്ങൾ ഐഎസ്എല്ലിൽ കൂടുതൽ ഒത്തിണക്കത്തോടെ കളിക്കാൻ ഇവരെ സഹായിക്കുമെന്നാണ് പ്രതീക്ഷിക്കുന്നത്. അതേസമയം ഈ വിജയത്തിൽ മതിമറക്കാൻ ആരാധകർക്ക് കഴിയില്ല. കാരണം ബ്ലാസ്റ്റേഴ്‌സ് മികച്ച വിജയം സ്വന്തമാക്കിയതെല്ലാം കരുത്ത് കുറഞ്ഞ ടീമുകൾക്കെതിരെയാണ്. ഡ്യൂറൻഡ് കപ്പിന്റെ അടുത്ത ഘട്ടത്തിലും ഐഎസ്എല്ലിലും ഇതിനേക്കാൾ മികച്ച ടീമുകളാണ് ഉണ്ടാവുകയെന്നതിനാൽ അതിനനുസരിച്ചുള്ള തയ്യാറെടുപ്പുകൾ ടീം നടത്തേണ്ടതുണ്ട്.
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.