Honey Rose New Production Company: തന്റെ പിറന്നാൾ ദിനത്തിൽ സിനിമാ പ്രൊഡക്ഷൻ കമ്പനിയുടെ പ്രഖ്യാപനവുമായി എത്തിയിരിക്കുകയാണ് നടി ഹണി റോസ്. ഹണി റോസ് വർഗീസ് എന്ന പേരിന്റെ ചുരുക്കെഴുത്തായ എച്ച്ആർവി പ്രൊഡക്ഷൻസ് എന്നാണ് പ്രൊഡക്ഷൻ കമ്പനിയ്ക്ക് പേരിട്ടിരിക്കുന്നത്. തന്റെ ജീവിതത്തിൽ വലിയൊരു സ്ഥാനം വഹിച്ചത് സിനിമയാണെന്നും തനിക്ക് പ്രേക്ഷകർ നൽകിയ സ്നേഹത്തിന് എത്ര നന്ദി പറഞ്ഞാലും മതിയാകില്ലെന്നും താരം പറഞ്ഞു.
ജീവിതത്തിൽ നേട്ടങ്ങൾ തന്ന സിനിമയെ വലിയൊരു തലത്തിലേക്ക് കൊണ്ടുപോവുക എന്റെ ഉത്തരവാദിത്തമാണ്. അതുകൊണ്ട് പുതിയ പ്രതിഭകൾക്ക് അവസരം നൽകുക എന്നതാണ് ലക്ഷ്യം. ഹണി കൂട്ടിച്ചേർത്തു. സിനിമ എന്നത് പലരുടെയും സ്വ‌പ്നവും ഭാവനയും അഭിലാഷവുമാണെന്നും ഏകദേശം 20 വർഷമായി ഈ ഇൻഡസ്ട്രിയുടെ ഭാഗമായി നിൽക്കാൻ കഴിഞ്ഞത് ഒരുഅനുഗ്രഹമായി തോന്നുന്നുവെന്നും പറഞ്ഞു.
Honey Rose New Production Company
പ്രമുഖ മാധ്യമത്തിന് നൽകിയ അഭിമുഖത്തിലാണ് താരം മനസ്സ് തുറന്നത്. ” സിനിമ എന്റെ യൗവനത്തിലും ജീവിതത്തിലും അറിവിലും സൗഹൃദങ്ങളിലും മനോഹരമായ പങ്ക് വഹിച്ചിട്ടുണ്ട്. അതുകൊണ്ട് തന്നെ ഈ ഇൻഡസ്ട്രിയോടുള്ള കടപ്പാട് എന്ന നിലയിൽ കൂടുതൽ വലിയ ഉത്തരവാദിത്തങ്ങൾ ഏറ്റെടുക്കേണ്ടത് എന്റെ കടമയും ദൈവകല്പിതവുമാണെന്ന് തോന്നുന്നു. ജന്മദിനത്തിൽ (ഒപ്പം അധ്യാപക ദിനത്തിലും) ഹൃദയം നിറഞ്ഞ നന്ദിയോടെ പുതിയ സംരംഭമായ ഹണി റോസ് വർഗീസ് (എച്ച്ആർവി) പ്രൊഡക്ഷൻസിൻറെ ലോഗോ അനാച്ഛാദനം ചെയ്യാൻ ഞാൻ ആഗ്രഹിക്കുകയാണ്.
സിനിമ പ്രേമികളിൽ നിന്ന് എനിക്ക് ലഭിച്ച സ്നേഹത്തിൽ എനിക്ക് ഒരുപാട് കഥാപാത്രങ്ങൾ ചെയ്യാൻ സാധിച്ചു. ഇത്തരം പിന്തുണ തുടരുമെന്ന് ഞാൻ അഭ്യർത്ഥിക്കുകയും പ്രതീക്ഷിക്കുകയും ചെയ്യുന്നു. കൂടുതൽ ഉയരങ്ങളിലേക്ക് കൊണ്ടുപോകുന്ന പുതിയതും രസകരവും അതിശയിപ്പിക്കുന്നതുമായ കഥകൾ പറയുകയും ചെയ്യുക എന്നതാണ് എച്ച്ആർവി പ്രൊഡക്ഷൻസിലൂടെ എന്റെ ആഗ്രഹവും ലക്ഷ്യവും.” ഹണി റോസ് പറഞ്ഞു. പുതിയ പ്രൊഡക്ഷൻ സംബന്ധിച്ച വിവരങ്ങൾക്കും വാർത്തകൾക്കുമായി കാത്തിരിക്കുകയാണ് ആരാധകർ
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.