Hybrid Car Registration In UP: ഫെഡറേഷൻ ഓഫ് ഓട്ടോമൊബൈൽ ഡീലേഴ്‌സ് അസോസിയേഷൻ്റെ കണക്കനുസരിച്ച് മഹാരാഷ്ട്ര കഴിഞ്ഞാൽ രാജ്യത്തെ ഏറ്റവും വലിയ പാസഞ്ചർ വാഹന വിപണികളിലൊന്നാണ് ഉത്തർപ്രദേശ്. 2023 മാർച്ചിൽ യു പി സർക്കാർ രണ്ട്/ മുച്ചക്ര വാഹനങ്ങൾ, ഇ-ബസുകൾ, ഇ-ഗുഡ്സ് കാരിയർ എന്നിവയുൾപ്പെടെയുള്ള ഇലക്ട്രിക് വാഹനങ്ങൾക്ക് (ഇവികൾ) സീറോ രജിസ്ട്രേഷൻ ചെലവ് എന്ന നയം സംസ്ഥാനം പ്രഖ്യാപിച്ചിരുന്നു. ഇന്ത്യയിൽ ഹൈബ്രിഡ് വാഹനങ്ങൾക്ക് അർഹതപ്പെട്ട ഇളവുകൾ നൽകണമെന്ന ആവശ്യം ഉയർന്നു വരുമ്പോളാണ് ഇത്തരമൊരു നയം യു പി സർക്കാർ പ്രഖ്യാപിച്ചത്.
ഭാവിയുടെ പ്രായോഗിക വാഹനങ്ങളെന്നു വാഴ്ത്തപ്പെടുന്ന ഹൈബ്രിഡ് കാറുകളെ കൂടുതൽ ജനകീയമാവുന്നതിൽ നിന്നും അകറ്റി നിർത്തുന്നത് അവയുടെ ഉയർന്ന വിലയാണ്. ഉത്തർപ്രദേശ് സർക്കാർ കൊണ്ടു വന്ന സ്ട്രോങ് ഹൈബ്രിഡ് വാഹനങ്ങൾക്ക് റജിസ്ട്രേഷൻ ചാർജ് കുറക്കാനുള്ള തീരുമാനം വലിയ തോതിൽ ചർച്ചയാവുന്നുണ്ട്. സർക്കാരിന്റെ ഇത്തരമൊരു തീരുമാനത്തിൽ വേറെയും ചില കാര്യങ്ങൾ ഒളിച്ചിരിപ്പുണ്ട്. സർക്കാരിന്റെ തീരുമാനം ഹൈബ്രിഡ് കാറുകൾ വാങ്ങാൻ ഉദ്ദേശിക്കുന്നവർക്ക് വലിയ ആശ്വാസമാണ്. എന്നാൽ എല്ലാ തരം ഹൈബ്രിഡ് കാറുകൾക്കും ഇളവുകൾ ബാധകമല്ലെന്നാണ് ഉത്തർപ്രദേശ് സർക്കാർ പറയുന്നത്.
20 ലക്ഷം രൂപയിൽ കുറവ് വിലയുള്ള സ്ട്രോങ്ങ്‌ ഹൈബ്രിഡ് കാറുകളെ മാത്രമേ ഈ പദ്ധതിയിൽ ഉൾപ്പെടുത്തുകയുള്ളൂ. ജൂലൈ 5 ന് പ്രഖ്യാപിച്ച പ്രൊമോഷണൽ സ്കീമിൻ്റെ പ്രയോജനം ലഭിക്കാൻ ഹൈബ്രിഡ് വാഹനങ്ങൾ വിൽക്കുന്ന വാഹന നിർമ്മാതാക്കൾക്ക് ഹൈബ്രിഡ് കാറുകളുടെ രജിസ്ട്രേഷൻ നികുതി ഒഴിവാക്കിയത് നടപ്പിലാക്കാൻ കാലതാമസം നേരിടേണ്ടിവരുമെന്ന് ദി ഇക്കണോമിക് ടൈംസ് റിപ്പോർട്ട് ചെയ്തിരുന്നു.കേന്ദ്ര ഗവൺമെൻ്റിൻ്റെ ഫാസ്റ്റർ അഡോപ്ഷൻ ആൻഡ് മാനുഫാക്ചറിംഗ് ഓഫ് ഇലക്ട്രിക് വെഹിക്കിൾസ് (ഫെയിം II) പദ്ധതി പ്രകാരം സാക്ഷ്യപ്പെടുത്തിയ വാഹനങ്ങൾക്ക് മാത്രമേ സംസ്ഥാന പദ്ധതി പ്രകാരമുള്ള ആനുകൂല്യങ്ങൾ ബാധകമാകൂവെന്ന് ജൂലൈ 9 ന് അയച്ച കത്തിൽ സംസ്ഥാന ഗതാഗത അതോറിറ്റി നിർമ്മാതാക്കളെ അറിയിക്കുകയുണ്ടായി.
Hybrid Car Registration In UP
നിലവിൽ മുകളിൽ സൂചിപ്പിച്ച മാനദണ്ഡങ്ങളിലുള്ള കാറുകളായ ഗ്രാൻഡ് വിറ്റാരയുടെയും അർബൻ ക്രൂയിസർ ഹൈറൈഡറിൻ്റെയും ശരാശരി രജിസ്ട്രേഷൻ ചെലവ് യുപിയിൽ ഏകദേശം 1.80 ലക്ഷം രൂപയാണ്. ഇന്നോവ ഹൈക്രോസ്, ഇൻവിക്ടോ വാങ്ങുന്നവർക്ക് ഓൺ-റോഡ് വിലയിൽ 3 ലക്ഷം രൂപ വരെ കുറവുണ്ടാകും. ഇത് സംസ്ഥാനത്തിൻ്റെ നിലവിലുള്ള EV നയത്തിലെ ഭേദഗതിയായതിനാൽ, രജിസ്ട്രേഷൻ ചെലവിലെ ഇളവ് 2025 ഒക്ടോബർ വരെ സാധുവായിരിക്കും. കൂടാതെ, ഹൈബ്രിഡ് വാഹനങ്ങളുടെ മൊത്തത്തിലുള്ള ആവശ്യം രാജ്യത്തുടനീളം ഉയർന്നതല്ല. യുപിയിലെ ശക്തമായ ഹൈബ്രിഡ് വാഹനങ്ങളുടെയും പിഎച്ച്ഇവികളുടെയും രജിസ്ട്രേഷന് സബ്‌സിഡി നൽകാൻ സർക്കാർ വലിയ ബഡ്ജറ്റ് അവതരിപ്പിക്കില്ല.
ബിസിനസ് സ്റ്റാൻഡേർഡിന് നൽകിയ അഭിമുഖത്തിൽ, ഹൈബ്രിഡ് കാറുകളുടെ രജിസ്ട്രേഷൻ നികുതി ഒഴിവാക്കാനുള്ള യുപി സർക്കാരിൻ്റെ തീരുമാനത്തെ മാരുതി ചെയർമാൻ ആർ സി ഭാർഗവ സ്വാഗതം ചെയ്തു. കാർബൺ പുറന്തള്ളൽ കുറയ്ക്കുക എന്ന ലക്ഷ്യം ഫലപ്രദമായി കൈവരിക്കുന്നതിന് ഇന്ത്യയിൽ ഹൈബ്രിഡ് വാഹനങ്ങളുടെ നികുതി കുറയ്ക്കുന്നത് കൂടുതൽ നല്ലതാണെന്ന് അദ്ദേഹം പറഞ്ഞു. മലിനീകരണം കുറയ്ക്കുന്നതിനുള്ള ശ്രമത്തിൽ ഹൈബ്രിഡ് വാഹനങ്ങൾ ഇലക്ട്രിക് കാറുകളേക്കാൾ കൂടുതൽ ഗുണകരമാണെന്ന് ഭാർഗവ പറഞ്ഞു.
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.