കേരള ബ്ലാസ്റ്റേഴ്‌സ് ആരാധകരുടെ പ്രിയപ്പെട്ട പരിശീലകനാണ് ഇവാൻ വുകോമനോവിച്ച്. മോശം ഫോമിലായിരുന്ന ഒരു ടീമിനെ വളരെ സ്ഥിരതയോടെ കളിപ്പിക്കാൻ അദ്ദേഹത്തിന് കഴിഞ്ഞിരുന്നു. മൂന്നു സീസണുകളിൽ ടീമിനെ പ്ലേ ഓഫിലെത്തിച്ച ഇവാൻ വുകോമനോവിച്ചിന് കീഴിൽ ബ്ലാസ്റ്റേഴ്‌സ് ഒരു കിരീടം പോലും നേടിയിട്ടില്ലെങ്കിലും ആരാധകർക്ക് അദ്ദേഹം പ്രിയങ്കരനാണ്.(Ivan Vukomanović Got A Chance In Malayalam Movie)
വളരെ അപ്രതീക്ഷിതമായാണ് ഇവാൻ വുകോമനോവിച്ച് കേരള ബ്ലാസ്റ്റേഴ്‌സ് വിടുന്നത്. നാലാമത്തെ സീസണിലും അദ്ദേഹം ടീമിനൊപ്പം ഉണ്ടാകുമെന്നാണ് ആരാധകരെല്ലാം പ്രതീക്ഷിച്ചതെങ്കിലും കഴിഞ്ഞ സീസൺ അവസാനിച്ചതോടെ ഇവാൻ ക്ലബിൽ നിന്നും പടിയിറങ്ങി. അദ്ദേഹത്തിന് പകരക്കാരനായി സ്വീഡിഷ് പരിശീലകൻ മൈക്കൽ സ്റ്റാറെ എത്തുകയും ചെയ്‌തിരുന്നു.
നിലവിൽ ഒരു ടീമിനെയും ഇവാൻ പരിശീലിപ്പിക്കുന്നില്ല. അതിനിടയിൽ കഴിഞ്ഞ ദിവസം സൗദി അറേബ്യയിലെ റിയാദിൽ വന്ന അദ്ദേഹം പ്രധാനപ്പെട്ടൊരു കാര്യം വെളിപ്പെടുത്തുകയുണ്ടായി. ഒരു മലയാള സിനിമയിൽ താൻ അഭിനയിക്കാനുള്ള സാധ്യതയുണ്ടെന്നാണു ഇവാൻ പറഞ്ഞത്. അതുമായി ബന്ധപ്പെട്ട ചർച്ചകൾ നടക്കുന്നുണ്ടെന്നും പ്രോജക്റ്റ് തയ്യാറാക്കുകയാണെന്നും ഇവാൻ വ്യക്തമാക്കി.
Question: There are rumours that you will be one of actors in a Malayalam movie, is it true?
— KBFC XTRA (@kbfcxtra) October 19, 2024
Ivan Vukomanović 🗣️“Yes there is a possibility, there were talks, we are still in a way of preparing that project so we'll see what will happen.” [MEDIAONE] #KBFC pic.twitter.com/d0A6mLm3WA
Ivan Vukomanović Got A Chance In Malayalam Movie
കേരള ബ്ലാസ്റ്റേഴ്‌സ് പരിശീലകനായിരുന്ന സമയത്ത് ഒരു പരസ്യത്തിൽ ഇവാൻ വുകോമനോവിച്ച് അഭിനയിച്ചിരുന്നു. വലിയ സ്വീകാര്യതയാണ് അതിനു ലഭിച്ചത്. ഫുട്ബോൾ ടീമിനെ പരിശീലിപ്പിക്കാൻ മാത്രമല്ല, അഭിനയവും തനിക്ക് വഴങ്ങുമെന്ന് ആ പരസ്യത്തിലൂടെ ഇവാൻ തെളിയിച്ചിരുന്നു. സിനിമയിലേക്ക് ക്ഷണം വരുന്നതും അങ്ങിനെ തന്നെയാണെന്നാണ് കരുതേണ്ടത്.
കേരള ബ്ലാസ്റ്റേഴ്‌സ് പരിശീലകസ്ഥാനത്ത് നിന്നും ഒഴിവായെങ്കിലും കേരളത്തോടുള്ള ഇവാന്റെ സ്നേഹവും മികച്ച ബന്ധവും ഇപ്പോഴും അതുപോലെ നിലനിൽക്കുന്നുണ്ട്. കേരള ബ്ലാസ്റ്റേഴ്‌സ് പരിശീലകനാവാൻ ക്ഷണം വരികയാണെങ്കിൽ താനത് രണ്ടു കയ്യും നീട്ടി സ്വീകരിക്കുമെന്നും അദ്ദേഹം കഴിഞ്ഞ ദിവസം പറഞ്ഞിരുന്നു.
Read Also : കൊൽക്കത്തയിലേക്ക് പോകുന്നത് വിജയം നേടാനാണ്, ടീമിന്റെ പ്രകടനത്തിൽ തൃപ്‌തനാണെന്ന് മൈക്കൽ സ്റ്റാറെ
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.