വ്യത്യസ്തത കൊണ്ട് ഏറെ ശ്രദ്ധിക്കപ്പെട്ട സിനിമയാണ് ‘കള്ളനും ഭഗവതിയും’(kallanum bhagavathiyum) ഈസ്റ്റ് കോസ്റ്റ് വിജയനാണ് ചിത്രം സംവിധാനം ചെയ്തിരിക്കുന്നത്. വിഷ്ണു ഉണ്ണികൃഷ്ണൻ, മോക്ഷ, അനുശ്രീ എന്നിവരായിരുന്നു ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചത്. ഏറെ നാളത്തെ കാത്തിരിപ്പുകൾക്ക് ഒടുവിൽ ആയിരുന്നു ചിത്രം ഒടിടിയിൽ റിലീസിന് എത്തിയത്. ആമസോൺ പ്രൈമിൽ വൻ വിജയമായി ചിത്രം സ്ട്രീമിംഗ് തുടരുകയാണ്.
ഇപ്പോഴിതാ ചിത്രം ആമസോണിലെ ഓൾ ഇന്ത്യ റേറ്റിംഗിൽ ആറാം സ്ഥാനത്ത് ഇടം പിടിച്ചിരിക്കുകയാണ് . ഒരു കള്ളന്റെ മുന്നിൽ ദൈവം പ്രത്യക്ഷപ്പെടുന്നതും തുടർന്നുണ്ടാകുന്ന രസകരമായ നിമിഷങ്ങളുമാണ് കള്ളനും ഭഗവതിയും എന്ന സിനിമ. സമകാലിക വിഷയങ്ങളെ ഹാസ്യ രൂപത്തിൽ അവതരിപ്പിച്ച ചിത്രം തീയറ്ററുകളിൽ ഏറെ പ്രേക്ഷക പ്രശംസ നേടിയിരുന്നു. ക്ലീൻ ഫാമിലി എൻ്റർടെയ്നർ എന്ന വിശേഷണമാണ് ചിത്രത്തിന് പ്രേക്ഷകർ നൽകിയത്. ചിത്രത്തിന്റെ ഒടിടി റിലീസിനായി എല്ലാവരും ഏറെ കാത്തിരുന്നു. ആ കാത്തിരിപ്പിന് അവസാനമായപ്പോൾ വമ്പൻ വിജയമാണ് കള്ളനും ഭഗവതിയും നേടിയത്.
‘മനസ്സിൽ നന്മഉണ്ടെങ്കിൽ ഒരല്പം വൈകി ആണെങ്കിലും ദൈവം നമ്മുക്ക് മുമ്പിൽ പ്രത്യക്ഷപ്പെടും’എന്ന് സിനിമയിൽ ഭഗവതി പറയുന്ന വാക്കുകൾ പോലെത്തന്നെയാണ് സിനിമയുടെ വിജയം. മാത്തപ്പൻ എന്ന കള്ളൻ ഒരു ക്രിസ്മസ് രാത്രിയിൽ ഒരു മോഷണം നടത്തുന്നു. മോഷ്ടിച്ചതോ ഒരു ദേവി വിഗ്രഹം. ഇതോടെ ദേവി കള്ളന്റെ കൂടെ കൂടുന്നു. പിന്നീട് നടക്കുന്ന സംഭവങ്ങളാണ് ചിത്രത്തിന്റെ പ്രമേയം. മാത്തപ്പൻ്റെ കൂട്ടുകാരൻ കള്ളൻ വല്ലഭൻ കൂടി എത്തുന്നതോടെ സിനിമ രസകരമായ മുഹൂർത്തങ്ങളിലൂടെ കടന്നുപോകുന്നു.
kallanum bhagavathiyum became ott hit
കണ്ണുകളെ ഈറനണിയിക്കുന്ന രംഗങ്ങളും ചിത്രത്തിലുണ്ട്. സമൂഹത്തിന് മികച്ച സന്ദേശം നൽകുന്ന ചിത്രമാണ് കള്ളനും ഭഗവതിയും. കൂടാതെ നല്ല ഗാനങ്ങളും ചിത്രത്തിൻ്റെ പ്രത്യേകതയാണ്. അനുശ്രീ ,ജോണി ആൻ്റണി, രാജേഷ് മാധവൻ, അൽത്താഫ്, ശ്രീകാന്ത് മുരളി, മാല പാർവതി, ചേർത്തല ജയൻ, തുടങ്ങി പ്രമുഖ താരങ്ങളും ചിത്രത്തിൽ വേഷമിട്ടിട്ടുണ്ട്. കെ.വി അനിലിന്റേതാണ് കഥ. രതീഷ് റാം ആണ് ഛായാഗ്രഹണം നിർവഹിച്ചിരിക്കുന്നത്. രഞ്ജിൻ രാജ് ആണ് സംഗീത സംവിധാനം നിർവഹിച്ചിരിക്കുന്നത്.
Read also: തകർത്താടി രജനി- ഫഹദ് – മഞ്ജു കോംബോ മാജിക് ; തീയറ്ററുകളിൽ നിറഞ്ഞാടി വേട്ടയ്യൻ പ്രതികരണങ്ങൾ ഇങ്ങനെ
Athira is a seasoned content writer with 3+ years of experience crafting engaging articles, blog posts, and website content. With a background in journalism and a passion for storytelling, Her writing style is informative, conversational, and entertaining. When not writing, she enjoys hiking and exploring new ideas.