കേരള ബ്ലാസ്റ്റേഴ്സ് (kerala blasters) ആരാധകർ ഒരു അപൂർവമായ നേട്ടമാണ് കഴിഞ്ഞ ദിവസം സ്വന്തമാക്കിയിട്ടുള്ളത്. ഫുട്ബോൾ ലോകത്തെ പ്രശസ്ത ക്ലബ്ബുകളെ ഉൾപ്പെടുത്തിക്കൊണ്ട് ഫുട്ബോൾ ഇൻഫ്ലുവൻസറായ ഫിയാഗോ ഒരു പോൾ കോമ്പറ്റീഷൻ സംഘടിപ്പിച്ചിരുന്നു. ഫിയാഗോ ഫാൻസ്‌ കപ്പ് എന്നായിരുന്നു അത് അറിയപ്പെട്ടിരുന്നത്. കേരള ബ്ലാസ്റ്റേഴ്സാണ് (kerala blasters) കിരീടം ചൂടിയത്. എസി മിലാൻ, പാർട്ടിസാൻ, സ്റ്റുട്ട്ഗർട്ട്, സെൽറ്റിക്ക് എന്നിവരെ പരാജയപ്പെടുത്തി കൊണ്ടാണ് കേരള ബ്ലാസ്റ്റേഴ്സ് ഫൈനലിൽ എത്തിയത്. തുടർന്ന് ജർമൻ വമ്പൻമാരായ ബൊറൂസിയ ഡോർട്മുണ്ടിനെ കേരള ബ്ലാസ്റ്റേഴ്സ് ഫൈനലിൽ തോൽപ്പിക്കുകയായിരുന്നു.
കടുത്ത പോരാട്ടമാണ് രണ്ട് ക്ലബ്ബുകൾക്കിടയിലും അരങ്ങേറിയത്. മത്സരം അവസാനിച്ചതിനുശേഷം ജർമ്മൻ ക്ലബ് ബ്ലാസ്റ്റേഴ്സിനെ അഭിനന്ദിക്കുകയും ചെയ്തിരുന്നു. ഏതായാലും ബ്ലാസ്റ്റേഴ്സ് ആരാധകരുടെയും ഇന്ത്യൻ ഫുട്ബോൾ ആരാധകരുടെയും ഒരു വിജയം കൂടിയാണ് ഇത്.ഇന്റർനാഷണൽ തലത്തിൽ കേരള ബ്ലാസ്റ്റേഴ്സ് (kerala blasters) എന്ന ക്ലബ്ബ് അറിയപ്പെടാൻ ഇത് കാരണമായിട്ടുണ്ട്. കൂടുതൽ ഫുട്ബോൾ ആരാധകരിലേക്ക് ബ്ലാസ്റ്റേഴ്സിന്റെ ഫാൻ പവർ എത്തിയിട്ടുണ്ട് എന്നത് ഒരു വസ്തുതയാണ്.
കേരള ബ്ലാസ്റ്റേഴ്സ് വിജയിച്ചതിന് പിന്നാലെ ഫിയാഗോ അഭിനന്ദനങ്ങൾ അറിയിച്ചുകൊണ്ട് ഒരു പോസ്റ്റ് പങ്കുവെക്കുകയും ചെയ്തിരുന്നു. അതിന്റെ കമന്റ് ബോക്സിൽ കേരള ബ്ലാസ്റ്റേഴ്സ് (kerala blasters) ആരാധകരുടെ പ്രിയപ്പെട്ട ആശാൻ പ്രത്യക്ഷപ്പെട്ടിട്ടുണ്ട്. ഇവാൻ വുക്മനോവിച്ച് ഒരു കമന്റ് രേഖപ്പെടുത്തുകയാണ് ചെയ്തിട്ടുള്ളത്. കേരള ബ്ലാസ്റ്റേഴ്സിനെ ഒരിക്കലും വിലകുറച്ച് കാണരുത് എന്നാണ് അദ്ദേഹം അഭിപ്രായപ്പെട്ടിട്ടുള്ളത്. അദ്ദേഹത്തിന്റെ കമന്റ് ഇങ്ങനെയാണ്.
Hey @fiago7 my man,
— Ivan Vukomanovic (@ivanvuko19) October 11, 2024
Do never underestimate the power of @KeralaBlasters and Kerala 💛💪🏻 #manjappada #keralablastersarmy
‘ഹേയ് ഫിയാഗോ..മൈ മാൻ.. കേരള ബ്ലാസ്റ്റേഴ്സിനെയോ (kerala blasters) കേരളത്തിനെയോ ഒരിക്കലും വിലകുറച്ച് കാണരുത് ‘ ഇതാണ് അദ്ദേഹത്തിന്റെ കമന്റ്. ഇവാനാശാൻ പ്രത്യക്ഷപ്പെട്ടത് കേരള ബ്ലാസ്റ്റേഴ്സ് ആരാധകരെ ആവേശഭരിതരാക്കിയിട്ടുണ്ട്. പലരും അദ്ദേഹത്തെ ഒരിക്കൽ കൂടി കൊച്ചി സ്റ്റേഡിയത്തിലേക്ക് ക്ഷണിക്കുകയും ചെയ്തിട്ടുണ്ട്. ഇവാന് ബ്ലാസ്റ്റേഴ്സ് എപ്പോഴും പ്രിയപ്പെട്ടതാണ് എന്ന് തെളിയിക്കുന്നതാണ് ഈ കമന്റ്.
kerala blasters latest news
ഏതായാലും ബ്ലാസ്റ്റേഴ്സിന്റെ ഈ വിജയം ആരാധകർ ആഘോഷമാക്കുന്നുണ്ട്.കാരണം ഇത് ആരാധകരുടെ വിജയമാണ്. കളിക്കളത്തിൽ ബ്ലാസ്റ്റേഴ്സിന് കിരീടങ്ങൾ ഇല്ലാത്തതിന്റെ ഉത്തരവാദിത്വം താരങ്ങൾക്കും മാനേജ്മെന്റിനുമാണ്. അതേസമയം കളിക്കളത്തിന് പുറത്ത് ബ്ലാസ്റ്റേഴ്സ് (kerala blasters) നേട്ടങ്ങൾ സ്വന്തമാക്കുന്നുണ്ടെങ്കിൽ അതിന്റെ ക്രെഡിറ്റ് ആരാധകർക്കാണ്. കളത്തിൽ നേട്ടങ്ങൾ ഇല്ല എന്ന് കരുതി കളത്തിന് പുറത്ത് ആരാധകർ ആക്ടീവ് അല്ലാതിരിക്കേണ്ട കാര്യമില്ല. ആരാധകരുടെ ഭാഗം എപ്പോഴും ആരാധകർ തന്നെ നിർവഹിക്കുന്നുണ്ട്.
Read also: ബ്ലാസ്റ്റേഴ്സ് ഡിഫൻസിന് ഏറെ കരുത്ത്, ഒന്നാമൻ കോട്ടാൽ, പത്തിൽ അഞ്ചുപേരും ബ്ലാസ്റ്റേഴ്സിൽ നിന്ന്
Athira is a seasoned content writer with 3+ years of experience crafting engaging articles, blog posts, and website content. With a background in journalism and a passion for storytelling, Her writing style is informative, conversational, and entertaining. When not writing, she enjoys hiking and exploring new ideas.