പ്രേഷകർ ഏറെ ആകാംക്ഷയോടെ കാത്തിരിക്കുന്ന അല്ലു അർജുന്റെ ചിത്രമാണ് പുഷ്പ: ദ റൂൾ. ചിത്രത്തിന്റെ ഓരോ വിശേഷങ്ങളും അറിയാൻ ഏറെ ആകാംക്ഷയിലാണ് പ്രേക്ഷകർ.പുഷ്പ: ദി റൈസിന്റെ രണ്ടാം ഭാഗമായാണ് പുഷ്പ: ദ റൂൾ ഒരുങ്ങുന്നത്. ചിത്രത്തിന്റെ ഓരോ അപ്ഡേഷനും അണിയറ പ്രവർത്തകർ പങ്കുവെച്ചിരുന്നു. ഇപ്പോൾ ഇതാ പുതിയ അപ്ഡേഷനുമായി വന്നിരിക്കുകയാണ്. ചിത്രം നേരത്തെ റിലീസ് ചെയ്യാൻ ഇരുന്ന ദിവസത്തേക്കാൾ ഒരു ദിവസം മുന്നേ ചിത്രം തിയേറ്ററുകളിൽ എത്തുമെന്നാണ് അണിയറ പ്രവർത്തകർ ഇപ്പോൾ അറിയിച്ചിരിക്കുന്നത്.
ഡിസംബർ അഞ്ചിന് ഏവരും കാത്തിരുന്ന അല്ലു അർജുൻ ചിത്രം തീയറ്ററുകളിൽ എത്തും എന്നാണ് അണിയറ പ്രവർത്തകർ അറിയിച്ചത്. പുഷ്പ 2: ദ റൂൾ’ ബോക്സ് ഓഫീസിൽ കൊടുങ്കാറ്റായി മാറും എന്ന പ്രതീക്ഷയിലാണ് പ്രേക്ഷകരും ചിത്രത്തിന്റെ അണിയറ പ്രവർത്തകരും. ചിത്രത്തിന്റെ പോസ്റ്റർ നേരത്തെ പങ്കുവെച്ചിരുന്നു. ഇത് ഏറെ ശ്രദ്ധ നേടിയിരുന്നു.ഫസ്റ്റ് ഹാഫ് ലോക്ക്ഡ്, ലോഡഡ് ആൻഡ് പാക്ക്ഡ് വിത്ത് ഫയർ’ എന്ന കുറിപ്പോടെയായിരുന്നു പോസ്റ്റർ അണിയറ പ്രവർത്തകർ പങ്കുവെച്ചിരുന്നത്. അതിനുശേഷം സിനിമ ഇറങ്ങാൻ 50 ദിനം കൂടി എന്ന പോസ്റ്ററും പങ്കുവെച്ചിരുന്നു. ഇതും സോഷ്യൽ മീഡിയയിൽ ഏറെ ശ്രദ്ധ നേടിയിരുന്നു.
ചിത്രം ഇതിനകം 1000 കോടി രൂപയുടെ പ്രീ-റിലീസ് ബിസിനസ് നേടിക്കഴിഞ്ഞുവെന്നാണ് റിപ്പോർട്ടുകൾ പറയുന്നത്.ചിത്രത്തിന്റെ കേരളത്തിലെ വിതരണാവകാശം ഇ ഫോര്‍ എന്റര്‍ടൈന്‍മെന്റ്‌സ് ആണ് സ്വന്തതമാക്കിയിരിക്കുന്നത്.പുഷ്പ ദ റൂള്‍’ ഡിസംബര്‍ 5 മുതല്‍ കേരളത്തിലെ തിയേറ്ററുകളില്‍ 24 മണിക്കൂറും പ്രദര്‍ശനമുണ്ടാകുമെന്ന് ഇ ഫോര്‍ എന്റര്‍ടെയ്ന്‍മെന്റ്‌സ് സാരഥി മുകേഷ് ആര്‍ മേത്ത പറഞ്ഞു. ലൈഫ് ഓഫ് പൈ, ചെന്നൈ എക്‌സ്പ്രസ്, ഫാസ്റ്റ് ആന്‍ഡ് ഫ്യൂരീസ് സീരീസ്, എംഎസ് ധോനി, അക്വാമാന്‍, ബാറ്റ്മാന്‍ വേഴ്‌സസ് സൂപ്പര്‍മാന്‍, സഞ്ജു, അവതാര്‍, ആനിമല്‍, പുഷ്പ ദ റൈസ് തുടങ്ങിയ നിരവധി സിനിമകള്‍ കേരളത്തില്‍ വിതരണത്തിനെത്തിച്ചിട്ടുണ്ട് ഇ ഫോര്‍ എന്റര്‍ടൈന്‍മെന്റ്‌സ്.
ലിയോ കേരളത്തില്‍ നിന്നും ആദ്യ ദിനം കളക്ട് ചെയ്ത 12 കോടിയെ മറികടക്കുക, കേരളത്തില്‍ റിലീസിന്റെ ആദ്യ ദിനം മുതല്‍ 24 മണിക്കൂറും ഷോകള്‍ പ്രദര്‍ശിപ്പിക്കുക തുടങ്ങിയവയാണ് കേരളത്തിൽ അല്ലു അർജുൻ ചിത്രമായ പുഷ്പ: ദ റൂൾ എത്തിക്കുമ്പോൾ ഞങ്ങളുടെ ലക്ഷ്യം എന്നും മുകേഷ് ആര്‍ മേത്ത പറഞ്ഞു.സുകുമാർ സംവിധാനം ചെയ്ത ‘പുഷ്പ ദ റൈസ്’ വൻ വിജയമാണ് സ്വന്തമാക്കിയിരുന്നത്. രണ്ട് ദേശീയ ചലച്ചിത്ര പുരസ്കാരങ്ങളും ഏഴ് സംസ്ഥാന ചലച്ചിത്ര പുരസ്കാരങ്ങളും നേടിയെടുക്കാൻ ചിത്രത്തിന് കഴിഞ്ഞു.
pushpa 2 will release on december
‘പുഷ്പ 2 ദ റൂൾ’ ഇതിന്റെ തുടർ ഭാഗമാകുമ്പോൾ അതിലും മികച്ച നേട്ടങ്ങൾ കൈവരിക്കുമെന്ന പ്രതീക്ഷയാണ്. ഇതുവരെയും കാണാത്ത തരത്തിലുള്ള ഒരു തീയറ്റർ റിലീസിംഗ് ആയിരിക്കും ചിത്രം. അല്ലു അർജുനെ കൂടാതെ രശ്മിക മന്ദാന, ഫഹദ് ഫാസിൽ, സുനിൽ, ജഗപതി ബാബു, പ്രകാശ് രാജ് പ്രധാന കഥാപാത്രങ്ങളായി എത്തുന്നു.അല്ലു അർജുൻ ആരാധകർ ഉൾപ്പെടെയുള്ള പ്രേക്ഷകർ ഏറെ ആകാംക്ഷയോടെയാണ് ചിത്രത്തിനായി കാത്തിരിക്കുന്നത്.
Read also: ഇത് ഞാൻ നാല് മാസം മുൻപേ എടുത്ത ചിത്രം, വൈറലായി എസ്തർ അനിലിന്റെ ഫോട്ടോഷൂട്ട് ചിത്രങ്ങൾ
Athira is a seasoned content writer with 3+ years of experience crafting engaging articles, blog posts, and website content. With a background in journalism and a passion for storytelling, Her writing style is informative, conversational, and entertaining. When not writing, she enjoys hiking and exploring new ideas.