ഹോട്ട്സ്റ്റാർ, ആമസോൺ പ്രൈം, നെറ്റ്ഫ്ളിക്സ്, സോണിലിവ് തുടങ്ങിയ പ്ലാറ്റ്ഫോമുകളിലാണ് റിലീസ്. ഈ വാരാന്ത്യം അടിച്ചുപൊളിക്കാൻ മലയാളത്തിൽ നിന്ന് നിരവധി റിലീസുകളാണുള്ളത്. ചിരിക്കാനും ത്രില്ലടിപ്പിക്കാനും പുത്തൻ ഒടിടി റിലീസുകൾ ആസ്വദിക്കാം.ആസിഫ് അലിയുടെ വ്യത്യസ്ത ഗെറ്റപ്പിലുള്ള ചിത്രം ഒടിടിയിലേക്ക് വരുന്നു. ധ്യാൻ ശ്രീനിവാസൻ, ഷൈൻ ടോം ചാക്കോ എന്നീ യുവനടന്മാരുടെയും സിനിമകളെത്തി. റിലീസ് എടുത്തുപറയേണ്ട മറ്റൊന്ന് പെപ്പേയുടെ കൊണ്ടൽ ആണ്. ഈ ആഴ്ച ഒടിടിയിലെത്തിയ പുത്തൻ മലയാള ചലച്ചിത്രങ്ങളും സീരീസുകളുമിതാ…
ലെവൽ ക്രോസ്(Level Cross)
ആസിഫ് അലി ഈ വർഷം വ്യത്യസ്ത പെർഫോമൻസുകളിലൂടെ അതിശയിപ്പിക്കുകയാണ്. യുവതാരം വേറിട്ട ഗെറ്റപ്പിലെത്തിയ ചലച്ചിത്രമാണ് ലെവൽ ക്രോസ്. ഓർഡിനറി സിനിമയ്ക്ക് ശേഷം ആസിഫ് അലിയെ വ്യത്യസ്ത ഗെറ്റപ്പിൽ കാണുന്ന മറ്റൊരു ചിത്രമെന്ന് പറയാം.അർഫാസ് അയൂബ് സംവിധാനം ചെയ്‌ത ലെവൽ ക്രോസിന്റെ നിർമാതാവ് ജീത്തു ജോസഫാണ്. അമല പോൾ, ഷറഫുദ്ദിൻ എന്നിവരും സിനിമയിൽ പ്രധാന താരങ്ങളാകുന്നു. സിനിമ ആമസോൺ പ്രൈമിലാണ് സ്ട്രീം ചെയ്യുന്നത്.
ബുള്ളറ്റ് ഡയറീസ് (Bullet Diaries)
ധ്യാൻ ശ്രീനിവാസൻ കേന്ദ്ര വേഷം അവതരിപ്പിച്ച ചിത്രമാണ് ബുള്ളറ്റ് ഡയറീസ് നവാഗതനായ സന്തോഷ് മുണ്ടൂർ ആണ് സിനിമ സംവിധാനം ചെയ്തിരിക്കുന്നത്. പ്രയാഗ മാർട്ടിൻ, രഞ്ജി പണിക്കർ, ജോണി ആൻ്റണി എന്നിവരാണ് മറ്റ് താരങ്ങൾ. സൈന പ്ലേയിലൂടെ ബുള്ളറ്റ് ഡയറീസിന്റെ സ്ട്രീമിങ് ആരംഭിച്ചു.
കൊണ്ടൽ (Kondal)
ഈ വാരം വളരെ നേരത്തെ തന്നെ കൊണ്ടൽ എന്ന ചിത്രം ഒടിടി റിലീസ് ചെയ്‌തു. ആന്റണി വർഗീസ് പെപ്പേ ആണ് ചിത്രത്തിലെ നായകൻ. കന്നഡ സൂപ്പർ താരം രാജ് ബി ഷെട്ടിയും കൊണ്ടലിൽ പ്രധാന വേഷത്തിലെത്തുന്നു. ഷബീർ കല്ലറക്കൽ, നന്ദു, മണികണ്ഠൻ ആചാരി എന്നിവരാണ് മറ്റ് താരങ്ങൾ. സോഫിയ പോളിൻ്റെ നിർമാണത്തിൽ ഒരുക്കിയ സിനിമയുടെ സംവിധായകൻ അജിത് മാമ്പള്ളിയാണ്. കൊണ്ടൽ നിങ്ങൾക്ക് നെറ്റിഫ്ലിക്സിലൂടെ ആസ്വദിക്കാം.
this week ott releasing movies
വിവേകാനന്ദൻ വൈറലാണ്
ഷൈൻ ടോം ചാക്കോ മുഖ്യവേഷത്തിൽ എത്തുന്ന ചിത്രമാണ് വിവേകാനന്ദൻ വൈറലാണ്. സ്വാസികയും ഗ്രേസ് ആന്റണിയുമാണ് ഷൈനിൻ്റെ നായികമാരായി വേഷമിടുന്നത്. മാലാ പാർവതി, മഞ്ജു പിള്ള, നീന കുറുപ്പ്, ജോണി ആൻ്റണി എന്നിവരും ചിത്രത്തിലുണ്ട്.കമൽ രചനയും സംവിധാനവും നിർവഹിച്ച ചിത്രമാണിത്. അസ്വാഭാവികമായ ലൈംഗിക ആഗ്രഹങ്ങളും പെരുമാറ്റങ്ങളും ഫാന്റസികളുമുള്ള വിവേകാനന്ദൻ്റെ കഥയാണ് ചിത്രം. സിനിമ ഇപ്പോൾ ആമസോൺ പ്രൈം വീഡിയോയിൽ സ്ട്രീം ചെയ്യുന്നു. എന്നാലും ഇന്ത്യയിൽ നിന്നുള്ള പ്രൈം അംഗങ്ങൾക്ക് ഇത് ലഭ്യമായിട്ടില്ല.
സോൾ സ്റ്റോറി(Soul Stories)
സുഹാസിനിയ്ക്കൊപ്പം അനാർക്കലി മരയ്ക്കാറും മുഖ്യവേഷം ചെയ്‌ത വെബ് സീരീസാണിത്. സ്ത്രീകളെ കേന്ദ്രീകരിച്ചാണ് മലയാളം വെബ് സീരീസ് ഒരുക്കിയിട്ടുള്ളത്. രഞ്ജി പണിക്കർ, വഫ ഖതീജ, ആശാ മടത്തിൽ എന്നിവരും സീരീസിലുണ്ട്. മനോരമ മാക്സിലൂടെ സോൾ സ്റ്റോറീസ് കാണാം.
Read also: തന്നെ വല്ലാതെ വേദനിപ്പിച്ച സുചിത്രയുടെ ആ വാക്കുകളെ കുറിച്ച് തുറന്ന് പറയുകയാണ് മോഹൻലാൽ
Athira is a seasoned content writer with 3+ years of experience crafting engaging articles, blog posts, and website content. With a background in journalism and a passion for storytelling, Her writing style is informative, conversational, and entertaining. When not writing, she enjoys hiking and exploring new ideas.