Ravanaprabhu Re Release Ticket Booking : മോഹൻലാൽ ആരാധകർക്ക് ആവേശം പകരുവാനായി നീലകണ്ഠനും കാർത്തികേയനും വീണ്ടും എത്തുകയാണ്. തിയേറ്റർ ആവേശ ഭരിതമാക്കാൻ കാത്തിരിക്കുകയാണ് ആരാധകർ. അങനെ കാത്തിരിപ്പിനൊടുവിൽ നാളെ രാവണപ്രഭു തീയേറ്ററുകളിൽ എത്തുകയാണ്. നൂതന ദൃശ്യ ശബ്ദ വിസ്മയങ്ങളുമായി 4k അറ്റ്മോസിൽ ആണ് ചിത്രം ഒരുക്കിയിരിക്കുന്നത്. ഇപ്പോഴിതാ സിനിമയുടെ അഡ്വാൻസ് ബുക്കിംഗ് ആരംഭിച്ചിരിക്കുകയാണ്. സിനിമയ്ക്ക് ആദ്യ മണിക്കൂറിൽ റെക്കോർഡ് ബുക്കിംഗ് ആണ് ലഭിച്ചുകൊണ്ടിരിക്കുന്നത്.
നീലകണ്ഠനും കാർത്തികേയനും നാളെ എത്തും
ബുക്ക് മൈ ഷോയിൽ ട്രെൻഡ് ആയിരിക്കുകയാണ് ചിത്രം. 5.68K ടിക്കറ്റുകളാണ് നിലവിൽ വിറ്റഴിച്ചത്. ഇത് വരും മണിക്കൂറിൽ വർധിക്കുമെന്നാണ് കണക്കുകൂട്ടൽ. സിനിമയ്ക്ക് ആദ്യ ദിനം വലിയ കളക്ഷൻ തന്നെ നേടാൻ സാധിക്കുമെന്നാണ് പ്രതീക്ഷ. രഞ്ജിത്ത് തിരക്കഥ രചിച്ച് സംവിധാനം ചെയ്ത ചിത്രമാണ് രാവണപ്രഭു. ചിത്രത്തിലെ മംഗലശ്ശേരി നീലകണ്ഠനും, കാർത്തികേയനും, മുണ്ടക്കൽ ശേഖരനുമൊക്കെ പ്രേക്ഷകരുടെ എക്കാലത്തേയും ജനപ്രിയ കഥാപാത്രങ്ങളാണ്.
ബുക്ക് മൈ ഷോയിൽ ട്രെൻഡ് ആയി രാവണപ്രഭു.
ആശിർവാദ് സിനിമാസിൻ്റെ ബാനറിൽ ആൻ്റണി പെരുമ്പാവൂർ നിർമ്മിച്ച ചിത്രം 4Kഅറ്റ്മോസിൽ എത്തിക്കുന്നത് മാറ്റിനി നൗ എന്ന കമ്പനിയാണ്. മംഗലശ്ശേരി നീലകണ്ഠൻ, കാർത്തികേയൻ എന്നിങ്ങനെ ഇരട്ട വേഷങ്ങളിലാണ് മോഹൻലാൽ സിനിമയിലെത്തിയത്. വസുന്ധര ദാസ്, രേവതി, ഇന്നസെന്റ്, നെപ്പോളിയൻ, മനോജ് കെ ജയൻ, ജഗതി ശ്രീകുമാർ, ജഗദീഷ്, സുകുമാരി, മഞ്ജു പിള്ളവിജയരാഘവൻ, എൻ എഫ് വർഗീസ്, സായി കുമാർ, സിദ്ദിഖ്, തുടങ്ങിയവരായിരുന്നു സിനിമയിലെ മറ്റു പ്രധാന കഥാപാത്രങ്ങളെ അവതരിപ്പിച്ചത്.
സുരേഷ് പീറ്റേഴ്സിൻ്റേതാണു സംഗീതം. നേരത്തെ റീ റിലീസിന് എത്തിയ മോഹൻലാൽ ചിത്രം ഛോട്ടാ മുംബൈ വമ്പൻ കളക്ഷൻ ആയിരുന്നു രണ്ടാം വരവിലും നേടിയത്. 18 വർഷങ്ങൾക്ക് ശേഷം തിയേറ്ററിലെത്തിയ ചിത്രം വമ്പൻ ഓളമാണ് തിയേറ്ററുകളിൽ സൃഷ്ടിച്ചത്. മോഹൻലാൽ-അൻവർ റഷീദ് ടീമിന്റെ സൂപ്പർഹിറ്റ് ചിത്രമാണ് ഛോട്ടാ മുംബൈ. ബെന്നി പി നായരമ്പലമായിരുന്നു ചിത്രത്തിന് തിരക്കഥ ഒരുക്കിയത്. ബിലാലിക്കയെ വെട്ടിയായിരുന്നു അന്ന് തലയുടെ വിളയാട്ടം. രാവണ പ്രഭുവും മികച്ച വിജയം കൈവരിക്കും എന്നാണ് ആരാധകർ അഭിപ്രായപ്പെടുന്നത്. Ravanaprabhu Re Release Ticket Booking
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.
