Actor Sivakarthikeyan : തമിഴ് സിനിമയിലെ മുൻ നിര നടന്മാരിൽ ഒരാളാണ് ശിവകാർത്തികേയൻ. ചെറിയ കാലം കൊണ്ട് പ്രേക്ഷകമനസിൽ ആഴത്തിൽ പതിഞ്ഞ വ്യക്തിയാണ് അദ്ദേഹം. ഒരുപാട് പ്രയത്നത്തിലൂടെയാണ് അദ്ദേഹം ഇന്ന് കണ്ട നിലയിൽ എത്തിയത്. നിലവിൽ നടന്റേതായി പുറത്തിറങ്ങിയ ചിത്രങ്ങൾ എല്ലാം മികവുറ്റതായിരുന്നു. നിരവധി വലിയ സിനിമകളാണ് ഇനി ശിവകാർത്തികേയന്റേതായി പുറത്തിറങ്ങാനുള്ളത്. ശിവകാർത്തികേയൻ പറഞ്ഞ വാക്കുകളാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. കഴിഞ്ഞ ദിവസം നടന്ന സൂപ്പർ ഹീറോ എന്ന സിനിമയുടെ ലോഞ്ചിങ് ചടങ്ങിൽ സംസാരിക്കുകയായിരുന്നു അദ്ദേഹം.
കൊമേഡിയൻ റോളുകൾ ചെയ്യാൻ അദ്ദേഹം എന്നോട് പറഞ്ഞു
പ്രൊഡ്യൂസർ കെ എസ് സിനീഷുമായുള്ള ഒരു പഴയ സംഭാഷണവും ഒപ്പം അദ്ദേഹം ഓർത്തു.’വർഷങ്ങൾക്ക് മുമ്പ് ഞാൻ സിനിഷിന്റെ ഓഫീസിൽ ആയിരുന്നപ്പോൾ സിനിമയിൽ ഞാൻ എന്താണ് ആകാൻ ആഗ്രഹിക്കുന്നതെന്ന് അദ്ദേഹം എന്നോട് ചോദിച്ചു. ആ സമയം ഞാൻ ടെലിവിഷനിൽ ജോലി ചെയ്യുകയായിരുന്നു. അതോടൊപ്പം വേട്ടൈ മന്നനിൽ അസിസ്റ്റന്റ് ആയും ഒരു ചെറിയ കോമഡി വേഷത്തിൽ അഭിനയിച്ചുകൊണ്ടിരുന്നു. അന്ന് എനിക്ക് ഒരു നായകനാകുക എന്ന ആഗ്രഹം ഇല്ലായിരുന്നു. എന്നിട്ടും ഞാൻ യാദൃശ്ചികമായി നടനാക്കണം എന്ന് അദ്ദേഹത്തോട് പറഞ്ഞു. അദ്ദേഹം ഉടനെ ചോദിച്ചു, “ശിവാ എന്തിനാണ് നിങ്ങൾക്ക് ഈ അനാവശ്യ സ്വപ്നം” എനിക്ക് നല്ല കോമിക് സെൻസ് ഉണ്ടെന്ന് തോന്നിയതിനാൽ ഒരു കൊമേഡിയനായി തുടരാൻ അദ്ദേഹം നിർദ്ദേശിച്ചു.
ഓർമ്മകൾ പങ്കുവച്ച് ശിവകാർത്തികേയൻ.
എന്നെപ്പോലെ ഒരാൾക്ക് എന്തുകൊണ്ട് നായകനാകാൻ കഴിയില്ലെന്ന് ഞാൻ അദ്ദേഹത്തോട് ചോദിച്ചു. കോമഡിയിൽ ശ്രദ്ധ കേന്ദ്രീകരിക്കാൻ എന്നെ പ്രേരിപ്പിച്ചു. നർത്തകൻ സതീഷ് എന്നെക്കാൾ ഹീറോ മെറ്റീരിയലായി കാണപ്പെടുന്നുവെന്ന് പോലും അദ്ദേഹം പറഞ്ഞു. അവസാനം ഞാൻ ആ സംഭാഷണം മുഴുവൻ മറന്നു. വർഷങ്ങൾക്ക് ശേഷം ഞാൻ നായകനായി മാറിയപ്പോൾ അദ്ദേഹം അത് ഓർത്ത് ഇനി വിളിച്ചു. ഞാൻ അന്ന് പറഞ്ഞത് മനസിൽ വെക്കരുതെന്ന് അദ്ദേഹം പറഞ്ഞു. ആ സമയത്ത് ഞാൻ ജോലിയിൽ മുഴുകിയിരുന്നു. പക്ഷേ അദ്ദേഹം അന്ന് പറഞ്ഞതിൽ എനിക്ക് ഇപ്പോഴും വിഷമം ഉണ്ടെന്ന് കരുതി ഇരിയ്ക്കുകയാണ്.
അതുകൊണ്ട് ഞാൻ അദ്ദേഹത്തോട് സംസാരിക്കില്ലെന്ന് കരുതി എന്ന് ശിവകാർത്തികേയൻ പറഞ്ഞു. അതേസമയം ‘ഡോൺ’ എന്ന സൂപ്പർഹിറ്റ് സിനിമക്ക് ശേഷം സംവിധായകൻ സിബി ചക്രവർത്തിയുമായി വീണ്ടും ഒരുമിക്കാൻ ഒരുങ്ങുകയാണ് നടൻ. സുധ കൊങ്കര ചിത്രമായ പരാശക്തിയും അണിയറയിൽ ഒരുങ്ങികൊണ്ടിരിക്കുകയാണ്. എ ആർ മുരുഗദോസ് ഒരുക്കിയ മദ്രാസി ആണ് ഏറ്റവും ഒടുവിലായി പുറത്തിറങ്ങിയ ശിവകാർത്തികേയൻ ചിത്രം. സെപ്റ്റംബർ അഞ്ചിന് തിയേറ്ററുകളിൽ എത്തിയ ചിത്രത്തിന് സമ്മിശ്ര പ്രതികരണമാണ് ലഭിച്ചതെങ്കിലും 100 കോടിക്ക് മുകളിൽ കളക്ഷൻ നേടിയിരുന്നു. Actor Sivakarthikeyan
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.
