Indian Cricket Team Tour With Family: ബോർഡ് ഓഫ് കൺട്രോൾ ഫോർ ക്രിക്കറ്റ് ഇൻ ഇന്ത്യ (ബിസിസിഐ), സിംബാബ്‌വെ ക്രിക്കറ്റ്, സിംബാബ്‌വെ ടൂറിസം എന്നിവയുടെ സഹകരണത്തോടെ സംഘടിപ്പിക്കുന്ന വൈൽഡ് ലൈഫ് ടൂർ കുടുംബത്തോടൊപ്പം ആസ്വദിക്കുകയാണ് ഇന്ത്യൻ ക്രിക്കറ്റ് ടീം അംഗങ്ങൾ.
ബി സി സി ഐ സോഷ്യൽ മീഡിയയിൽ പുറത്ത് വിട്ട ചിത്രങ്ങൾ അടങ്ങിയ പോസ്റ്റിന് താഴെ ആരാധകരുടെ നിരവധി കമന്റുകളാണ് വന്നിട്ടുള്ളത്. സിംബാബ്‌വെയുമായുള്ള മൂന്നാം ടി20 മത്സരത്തിന് മുന്നോടിയായിട്ടാണ് ഇത്തരമൊരു ടൂർ.
ഹരാരെ ആസ്ഥാനമായുള്ള പര്യടനത്തിൽ ആഫ്രിക്കയിലെ വൈവിധ്യമാർന്ന വന്യജീവികളെ നേരിട്ട് അനുഭവിക്കാൻ ടീമിന് അവസരമുണ്ട്. സിംബാബ്‌വെയുടെ സമ്പന്നമായ പ്രകൃതിദത്ത പൈതൃകം ആസ്വദിക്കാനുള്ള അവസരമാണ് തിരക്കിനിടയിലും കളിക്കാർക്ക് കിട്ടിയിരിക്കുന്നത്.
Indian Cricket Team Tour With Family
The BCCI, along with Zimbabwe Cricket and Zimbabwe Tourism, had organised a Wild Life Tour for the Indian Cricket Team & their families in Harare.
— BCCI (@BCCI) July 9, 2024
📸 📸 Here are the snapshots from that visit 🔽#TeamIndia | #ZIMvIND pic.twitter.com/92j6djyVqv
ഈ അതുല്യമായ യാത്ര ഇന്ത്യയും സിംബാബ്‌വെയും തമ്മിലുള്ള ബന്ധത്തെ ശക്തിപ്പെടുത്തുകയും ചെയ്യുമെന്നാണ് പ്രതീക്ഷിക്കുന്നത്. വരാനിരിക്കുന്ന ക്രിക്കറ്റ് മത്സരത്തിന് മുൻപായി നടത്തിയ സന്ദർശനത്തിന്റെ കൂടുതൽ വിശേഷങ്ങൾക്കായി ആരാധകർ ആകാംക്ഷയോടെ കാത്തിരിക്കുകയാണ്.
