Malayalee In Miss World America: മിസ് വേൾഡ് മത്സരത്തിലേക്കുള്ള അമേരിക്കൻ പ്രതിനിധിയെ തിരഞ്ഞെടുക്കുന്ന ‘മിസ് വേൾഡ് അമേരിക്ക’യിൽ പങ്കെടുക്കാൻ മലയാളി യുവതി. 2022 ൽ യുഎസിൽ മിസ് ഇന്ത്യ ന്യൂയോർക് കിരീടം നേടിയ മീര തങ്കം മാത്യുവാണ് ലോക സുന്ദരീ പടത്തിലേക്കുള്ള മൽസരത്തിന്റെ തൊട്ടടുത്തെത്തി നിൽക്കുന്നത്.
ന്യൂയോർക്കിനെ പ്രതിനിധീകരിക്കുന്ന ടൈറ്റിലുകളിലൊന്നായ മിസ് ലിബർട്ടിയായാണ് മീര എത്തുന്നത്. ന്യൂയോർക്കിലെ സ്റ്റാറ്റൻ ഐലൻഡിൽ താമസിക്കുന്ന പത്തനംതിട്ട കൈപ്പട്ടൂർ ചെരിവുകാലായിൽ ജോൺ മാത്യുവിന്റേയും അടൂർ സ്വദേശിനി രാജി മാത്യുവിന്റേയും മകളാണ് മീര. കൈപ്പട്ടൂരിൽ ജനിച്ച മീര മൂന്നാം വയസ്സിലാണ് യുഎസിലേക്ക് മാറിയത്.
Malayalee In Miss World America
ഒരു ഐടി ഉദ്യോഗസ്ഥയായ മീരക്ക് തന്റേതായ ജോലിത്തിരക്കുകളും കർശനമേറിയ ഷെഡ്യൂളുകളും ഉണ്ട്. എങ്കിൽ പോലും മോഡലിങ്, സൗന്ദര്യമത്സരത്തിൽ പങ്കെടുക്കൽ, ഡാൻസിങ് തുടങ്ങിയ തന്റെ ഹോബികൾക്കും സമയം കണ്ടെത്തുകയാണ്. സമയം മികച്ച രീതിയിൽ കൈകാര്യം ചെയ്യുന്നതാണ് തന്റെ വിജയരഹസ്യമെന്ന് മീര വളരെ അഭിമാനത്തോട് കൂടിയാണ് പറയുന്നത്. മോഡലിങ്ങ് പ്രൊഫൽനിൽ മീര മിസ് സ്റ്റാറ്റൻ ഐലൻഡ് പട്ടവും കരസ്ഥമാക്കിയിട്ടുമുണ്ട്.കൂടാതെ ന്യൂയോർക്കിൽ നടന്ന വമ്പൻ ബ്രൈഡൽ ഷോയായ ദുൽഹാൻ എക്സ്പോയിൽ പോസ്റ്റർ ഗേളാകാനുള്ള അവസരം മീരയ്ക്ക് ലഭിച്ചിരുന്നു.
പൊലീസ് ഓഫിസറാകണം എന്നതായിരുന്നു മീരയുടെ ചെറുപ്പം തൊട്ടുള്ള ആഗ്രഹം. ഹൈസ്‌കൂൾ പഠനത്തിനു ശേഷം ആ ജോലിയുടെ പടിവാതിൽക്കൽ വരെ എത്തുകയും ചെയ്തു. എന്നാൽ പൊലീസ് ജോലിയേക്കാൾ മികച്ച കരിയറും തന്റെ സ്വപ്‌നങ്ങൾ പിന്തുടരാനുള്ള സാവകാശവും ഐടി മേഖലയിലെ ജോലിക്കു നൽകാൻ സാധിക്കുമെന്നു തിരിച്ചറിഞ്ഞ് അങ്ങോട്ടേക്കു കൂടുമാറുകയായിരുന്നു.
Anupama is a seasoned content writer with a background in journalism. She has written for various industries, including finance, marketing, and entertainment. Her writing approach is concise, witty, and engaging, with a focus on driving results. When not writing, she enjoys reading and exploring new ideas.
