Manju Warrier Talking About Prithviraj : പൃഥ്വിരാജ് എന്ന സംവിധായകനെകുറിച്ച് മനസ് തുറന്നിരിക്കുകയാണ് മഞ്ജു വാര്യർ. ‘മോഹൻലാലിനെ വെച്ച് പൃഥ്വിരാജ് ഒരു സിനിമ സംവിധാനം ചെയ്യാൻ പോകുന്നു എന്ന് അനൗൺസ് ചെയ്തപ്പോൾ ആ സിനിമയുടെ ഭാഗമാകാൻ കഴിഞ്ഞിരുന്നുവെങ്കിൽ എന്ന് ഞാൻ കൊതിച്ചിരുന്നു. എന്റെ ഭാഗ്യത്തിന് അതിൽ ഒരു വേഷം ചെയ്യാൻ രാജു എന്നെ വിളിച്ചു. എനിക്ക് ഇതുവരെ കിട്ടിയതിൽ വച് ഏറ്റവും ശക്തിയുള്ള വേഷമായിരുന്നു പ്രിയദർശിനി രാം ദാസ്.
എന്റെ അഞ്ച് പ്രിയപ്പെട്ട സംവിധായകരുടെ ലിസ്റ്റ് എടുത്താൽ അതിൽ പൃഥ്വിരാജ് ഉണ്ട്
ലൂസിഫറിലും എമ്പുരാനിലും രാജു പറഞ്ഞു തരുന്ന ജോലി ചെയ്യാൻ ശ്രമിക്കുന്ന ആളായിരുന്നു ഞാൻ. കാരണം നല്ല ധാരണ രാജുവിന്റെ മനസിൽ ഉണ്ട്. എനിക്ക് രാജു എന്ന സംവിധായകനെ മാത്രമേ പരിചയം ഉള്ളൂ. കാരണം ഞാൻ രാജുവിന്റെ ഒപ്പം അഭിനയിച്ചിട്ടില്ല. ഒരുപക്ഷെ രാജു ഇത്രയധികം സിനിമകളിൽ അഭിനയിച്ചിട്ടുള്ളത് കൊണ്ട് അഭിനേതാക്കൾക്ക് വളരെ കംഫോർട്ടബിൾ ആണ്. അത് രാജു നടൻ ആയത്കൊണ്ടാണോ എന്ന് അറിയില്ല. അല്ലെങ്കിൽ രാജുവിന്റെ സംസാരം അത്രയും ടോപ് ആയത് കൊണ്ടാണോ എന്നും അറിയില്ല.
മനസ് തുറന്ന് മഞ്ജു വാര്യർ.
എന്റെ അഞ്ച് പ്രിയപ്പെട്ട സംവിധായകരുടെ ലിസ്റ്റ് എടുക്കുമ്പോൾ അതിൽ എന്തായാലും രാജു ഉണ്ടാകും. എമ്പുരാനിൽ ആണെങ്കിലും ബ്രോ ഡാഡി, ലൂസിഫർ സിനിമകളിൽ പ്രവർത്തിച്ച ആരോട് ചോദിച്ചാലും രാജുവെന്ന സംവിധായകനെക്കുറിച്ച് നൂറു നാവാണ്. എന്നെ സംബന്ധിച്ച് എനിക്ക് അത് മാത്രമേ അറിയുകയുള്ളൂ’ എന്ന്മഞ്ജു വാര്യർ പറഞ്ഞു. മലയാള സിനിമയുടെ ചരിത്രത്തിൽ ഏറ്റവും വലിയ കാന്വാസും ബജറ്റുമുള്ള സിനിമകളിൽ ഒന്നായിരുന്നു ലൂസിഫറും എമ്പുരാനും.
സിനിമയിൽ മഞ്ജു വാര്യരും പ്രധാന വേഷത്തിലെത്തിയിരുന്നു. അതേസമയം മലയാള സിനിമയിലെ ഏറ്റവും ഉയർന്ന കളക്ഷൻ നേടിയ ചിത്രമാണ് എമ്പുരാൻ. ഈ വർഷം ആദ്യമായിരുന്നു എമ്പുരാൻ സിനിമ തിയേറ്ററിൽ എത്തിയത്. വിമർശങ്ങൾ എല്ലാം സിനിമക്ക് നേരെ ഉയർന്നിരുന്നു എങ്കിലും സിനിമ മികച്ച കളക്ഷനാണ് തിയേറ്ററിൽ നിന്ന് നേടിയത്. സിനിമയുടെ മൂന്നാം ഭാഗവും ഒരുങ്ങുന്നുണ്ട്. മൂന്നാം ഭാഗത്തിൽ വളരെ ശക്തമായ വേഷത്തിലാണ് മഞ്ജു വാര്യർ എത്തുന്നത് എന്ന ഉറപ്പ് നൽകി കൊണ്ടായിരുന്നു എമ്പുരാൻ അവസാനിച്ചിരുന്നത്. Manju Warrier Talking About Prithviraj
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.
