RUN BABY RUN GET RE RELEASE : മോഹൻലാൽ അർധകർക്ക് ആവേശം പകരാനായി റീ റിലീസ് സിനിമകളുടെ കുത്തൊഴുക്ക് തുടരുകയാണ്. റിപ്പീറ്റ് വാല്യൂ എന്നത് മോഹൻലാൽ ചിത്രങ്ങളുടെ സവിശേഷതയാണ്. മലയാള സിനിമയിൽ വേറെ ഒരു നടനും ഇത്രയും സിനിമകൾ റീ റിലീസ് ചെയ്ത് പ്രേക്ഷകരെ തിയേറ്ററിൽ കയറ്റാൻ സാധിച്ചിട്ടില്ല. സ്ഫടികം, ദേവദൂതൻ, മണിച്ചിത്രത്താഴ്, ഛോട്ടാ മുംബൈ, രാവണപ്രഭു തുടങ്ങിയ സിനിമകളാണ് മോഹൻലാൽ ആരാധകർക്കായി ഇതുവരെ റീ റിലീസ് ചെയ്തത്. അടുത്തതായി ഹിറ്റ് അടിക്കാൻ റൺ ബേബി റൺ ആണ് തിയേറ്ററിലേക്ക് എത്തുന്നത്.
റീ റിലീസ് സിനിമകളുടെ കുത്തൊഴുക്ക് തുടരുന്നു
4K റീമാസ്റ്റർ ചെയ്ത പതിപ്പ് 2025 ഡിസംബർ അഞ്ചിന് തിയേറ്ററുകളിൽ റിലീസ് ചെയ്യും. മോഹൻലാലിനെ നായകനാക്കി ജോഷി സംവിധാനം ചെയ്ത ചിത്രമാണ് റൺ ബേബി റൺ. ഗാലക്സി ഫിലിംസിലൂടെ മിലൻ ജലീൽ ആണ് ചിത്രം നിർമിച്ചത്. 2012ൽ റിലീസ് ചെയ്ത ഈ ചിത്രം തിയേറ്ററുകളിൽ 100 ദിവസത്തിലധികം ഓടിയിട്ടുണ്ട്. ബോക്സ് ഓഫീസിൽ വൻ വിജയമായിരുന്നു ചിത്രം. സച്ചി-സേതു ജോഡി വേർപിരിഞ്ഞതിന് ശേഷമുള്ള സച്ചിയുടെ ആദ്യ സ്വതന്ത്ര തിരക്കഥയായിരുന്നു ഈ സിനിമയുടേത്. മോഹൻലാൽ ലാലിനെ കൂടാതെ അമല പോൾ, ബിജു മേനോൻ എന്നിവരാണ് സിനിമയിൽ പ്രധാന വേഷത്തിലെത്തിയത്.
റൺ ബേബി റൺ തിയേറ്ററുകളിലേക്ക്.
മാധ്യമ പ്രവർത്തകരുടെ കഥപറഞ്ഞ ചിത്രമാണിത്. മോഹൻലാലിന്റെ റീ റിലീസ് ചിത്രങ്ങൾക്ക് തീയേറ്ററുകളിൽ ലഭിച്ച സ്വീകാര്യതയാണ് പഴയ ചിത്രങ്ങൾ റീ റിലീസ് ചെയ്യാൻ പ്രേരിപ്പിക്കുന്നത്. നേരത്തെ പ്രഖ്യാപിച്ച ഗുരു, ഉദയനാണ് താരം, സമ്മർ ഇൻ ബത്ലഹേം, നരൻ, തേന്മാവിൻ കൊമ്പത്ത്, കാലാപാനി, ആറാം തമ്പുരാൻ, ദേവാസുരം, നമ്പർ 20 മദ്രാസ് മെയിൽ, കാക്കക്കുയിൽ എന്നി സിനിമകൾ ഉടൻ തന്നെ റിലീസ് ചെയ്യുമെന്നാണ് റിപ്പോർട്ട്. ഏറ്റവും ഒടുവിൽ റീ റിലീസ് ചെയ്ത മോഹൻലാൽ ചിത്രം രാവണപ്രഭു വലിയ ഓളമാണ് തീയേറ്ററുകളിൽ ഉണ്ടാക്കിയത്.
2001 ൽ രഞ്ജിത്ത് തിരക്കഥ രചിച്ച് സംവിധാനം ചെയ്ത ചിത്രമാണിത്. രാവണപ്രഭുവിലെ മംഗലശ്ശേരി നീലകണ്ഠനും, കാർത്തികേയനും, മുണ്ടക്കൽ ശേഖരനുമൊക്കെ പ്രേക്ഷകരുടെ എക്കാലത്തേയും ജനപ്രിയ കഥാപാത്രങ്ങളാണ്. സിനിമയിലെ മാസ് ഡയലോഗുകൾ ഇന്നും ആരാധകർക്ക് പ്രിയമാണ്. മികച്ച സ്വീകരണമായിരുന്നു സിനിമക്ക് ലഭിച്ചിരുന്നത്. ആഗോള ബോക്സ് ഓഫീസിൽ നിന്നും നാല് കോടിയിൽ കൂടുതൽ കളക്ഷൻ നേടാൻ രാവണപ്രഭുന് ആയിട്ടുണ്ട്. RUN BABY RUN GET RE RELEASE
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.
