Saudi Arabia Grant Citizenship: ലോകമെമ്പാടുമുള്ള പ്രതിഭകൾക്ക് ഇനി സൗദി അറേബ്യയുടെ പൗരത്വം നേടാം.. ശാസ്ത്രജ്ഞർ, മെഡിക്കൽ ഡോക്ടർമാർ, ഗവേഷകർ, സംരംഭകർ, അതുല്യ വൈദഗ്ധ്യവും സ്പെഷ്യലൈസേഷനുമുള്ള വിശിഷ്ട പ്രതിഭകൾ എന്നിവർക്ക് സൗദി പൗരത്വം നൽകാനുള്ള രാജകീയ ഉത്തരവ് പുറപ്പെടുവിച്ചതായി സൗദി പ്രസ് ഏജൻസിയാണ് റിപ്പോർട്ട് ചെയ്തത്.
ഇതിലൂടെ ലോകമ്പാടുമുള്ള പ്രതിഭകൾക്ക് വലിയ സാദ്ധ്യതകൾ സൗദി തുറന്നിടുകയാണ്.. മത, മെഡിക്കൽ, ശാസ്ത്ര, സാംസ്കാരിക, കായിക, സാങ്കേതിക മേഖലകളിലെ വിദഗ്ധരെയും ആഗോള പ്രതിഭകളെയും ആകർഷിക്കുന്നതിനുള്ള പദ്ധതിയുടെ ഭാഗമായിട്ടാണ് ഈ പ്രഖ്യാപനം.
Saudi Arabia Grant Citizenship
സാമ്പത്തിക വികസനം, ആരോഗ്യം, സംസ്‌കാരം, കായികം, എന്നിവയിൽ ഗണ്യമായി സംഭാവന ചെയ്യുന്ന പ്രമുഖ പ്രതിഭകളെ ആകർഷിക്കുന്നതിനുള്ള രാജ്യത്തിൻ്റെ തുടർച്ചയായ ശ്രമങ്ങളുടെ ഒരു വിപുലീകരണം തന്നെയാണ് ഈ ഉത്തരവ്. ഈ മേഖലകളിലെ തിരഞ്ഞെടുക്കപ്പെട്ട വിശിഷ്ട പ്രതിഭകളുടെ ആദ്യ ഗ്രൂപ്പിന് സൗദി പൗരത്വം നൽകുന്നതിന് സമാനമായ ഒരു പുരസ്കാരം 2021-ൽ പ്രഖ്യാപിച്ചിരുന്നു.
അടുത്തിടെ സൗദി രാജകൽപ്പന പ്രകാരം രാജ്യത്തെ പൗരത്വം ലഭിച്ച നിരവധി പ്രമുഖ വ്യക്തികളെക്കുറിച്ച് സൗദിയിലെ ഒരു പ്രാദേശിക പത്രം റിപ്പോർട്ട് ചെയ്തിരുന്നു. സൗദി അറേബ്യ ചരിത്രം തിരുത്തി കുറിക്കുകയാണ്.. ഒട്ടനവധി സാധ്യതകളാണ് രാജ്യം കുറച്ചു നാളുകളായി ലോകത്തിന് മുമ്പിൽ തുറന്നിടുന്നത്…
Pingback: വെന്തുരുകി സൗദി ; ദമ്മാമിൽ താപനില 48 ഡിഗ്രി സെൽഷ്യസ് !!! heat wave in saudi arabia 1- super