An Interviewer About Manju Warrier Goes Viral: സിനിമാ താരങ്ങളെ തങ്ങളുടെ സ്വന്തം ആയി കണ്ട് ദൈവത്തെ പോലെ അല്ലെങ്കിൽ സ്വന്തം സഹോദരങ്ങളെ പോലെ കണ്ട് സ്നേഹിക്കുന്ന ആരാധകർ നിരവധിയാണ്. അത്തരത്തിൽ നടി മഞ്ജു വാര്യരെ സ്വന്തം ചേച്ചിയായി കണ്ട് സ്നേഹിക്കുന്ന ഒരു ആരാധകന്റെ കുറിപ്പാണ് ഇപ്പോൾ വൈറലാകുന്നത്. സല്ലാപത്തിലെ രാധയായി അരങ്ങേറിയ ശേഷം മഞ്ജുവിനെ തങ്ങളുടെ വീട്ടിലെ കുട്ടി എന്ന രീതിയിലാണ് മലയാളികൾ കാണുന്നതും സ്നേഹിക്കുന്നതും. ഇപ്പോഴിതാ തന്റെ പുതിയ സിനിമയുടെ പ്രമോഷന്റെ ഭാഗമായി ഓൺലുക്കേർസ് മീഡിയ എന്ന യുട്യൂബ് ചാനലിന് മഞ്ജു നൽകിയ അഭിമുഖത്തിനിടെ നടന്ന ഹൃദയസ്പർശിയായ ഒരു കൂടിക്കാഴ്ചയുടെ വീഡിയോയാണ് വൈറലാകുന്നത്.
ഓൺലുക്കേർസ് മീഡിയയിൽ അവതാരകനായി ജോലി ചെയ്യുന്ന വ്യക്തിയാണ് വൈശാഖ്. വളരെ കുട്ടിയായിരുന്നപ്പോൾ തന്നെ വൈശാഖിന്റെ ചേച്ചി മരിച്ചു. അതിനാൽ തന്നെ ചേച്ചിയെ കണ്ട ഓർമ വൈശാഖിനില്ല. തന്റെ മരിച്ചുപോയ ചേച്ചിയുടെ സ്ഥാനത്ത് വീട്ടുകാർ ചെറുപ്പകാലം തൊട്ട് വൈശാഖിന് കാട്ടിക്കൊടുത്തതിരുന്നത് മഞ്ജുവിനെയാണ്. ഓർമവെച്ചപ്പോൾ സത്യം അതല്ലെന്ന് തിരിച്ചറിഞ്ഞുവെങ്കിലും ചേച്ചിയെന്ന സ്ഥാനത്ത് വൈശാഖ് ഇപ്പോഴും മഞ്ജുവിനെ തന്നെയാണ് കാണുന്നത്. പലവട്ടം മഞ്ജുവിനെ നേരിൽ കാണാൻ വൈശാഖ് ശ്രമിച്ചിരുന്നുവെങ്കിലും നടന്നില്ല. ആദ്യമായി അതിനൊരു അവസരം കിട്ടിയപ്പോൾ വിറയാർന്ന കൈകളുമായാണ് വൈശാഖ് എത്തിയത്.
An Interviewer About Manju Warrier Goes Viral
മോഹൻലാൽ ആരാധകനായ താൻ അദ്ദേഹത്തെ നേരിട്ട് കണ്ടപ്പോൾ പോലും ഇത്രയും വിറച്ചിട്ടില്ലെന്നും മഞ്ജുവിനെ നേരിട്ട് കണ്ട സന്തോഷത്തെ കുറിച്ച് സംസാരിക്കവെ വൈശാഖ് പറഞ്ഞു. വൈശാഖിന്റെ ജീവിത കഥ കേട്ടപ്പോൾ ചേച്ചിയാണെന്ന് തന്നെ കരുതിക്കോളാനാണ് മഞ്ജുവും പറഞ്ഞത്. ശേഷം വൈശാഖിന്റെ വിശേഷങ്ങളെല്ലാം മഞ്ജു ചോദിച്ച് അറിഞ്ഞു. സംസാരത്തിനിടയിൽ മഞ്ജുവിന്റെ കണ്ണുകളിൽ ഈറനണിയുന്നതും കാണാമായിരുന്നു. മഞ്ജുവിനെ ആദ്യമായി കണ്ട സന്തോഷം പങ്കിട്ട് മനോഹരമായ കുറിപ്പ് സോഷ്യൽമീഡിയയിൽ വൈശാഖും പങ്കിട്ടിട്ടുണ്ട്. വീഡിയോ വൈറലായതോടെ വൈശാഖ് മാത്രമല്ല തങ്ങളും മഞ്ജുവിനെ അതിയായി സ്നേഹിക്കുന്നുവെന്ന് അറിയിച്ച് കമന്റുകളുമായി എത്തി. കമന്റുകളേറെയും സത്യം തന്നെയാണ് മലയാളികൾക്ക് തങ്ങളുടെ സഹോദരിയാണ് മഞ്ജു വാര്യർ.
അതുകൊണ്ട് തന്നെയാണ് നീണ്ട ഇടവേളയ്ക്കുശേഷം മഞ്ജു അഭിനയത്തിലേക്ക് മടങ്ങി എത്തിയപ്പോൾ മലയാളികൾ അത് ആഘോഷമാക്കിയതും. വെള്ളരിപ്പട്ടണത്തിനുശേഷം മഞ്ജുവിന്റേതായി റിലീസിന് തയ്യാറെടുക്കുന്ന സിനിമ ഫൂട്ടേജാണ്. ഒരിടവേളയ്ക്കുശേഷം എത്തുന്ന മഞ്ജു വാര്യർ ചിത്രം എന്നതുകൊണ്ട് തന്നെ ഫൂട്ടേജിൽ പ്രേക്ഷകർക്കും വലിയ പ്രതീക്ഷയുണ്ട്. മഞ്ജു വാര്യരെ കേന്ദ്ര കഥാപാത്രമാക്കി എഡിറ്റർ സൈജു ശ്രീധരൻ ആദ്യമായി സംവിധാനം ചെയ്യുന്ന സിനിമയാണ് ഫൂട്ടേജ്. അഞ്ചാം പാതിരാ, കുമ്പളങ്ങി നൈറ്റ്സ്, മഹേഷിന്‍റെ പ്രതികാരം തുടങ്ങി നിരവധി ഹിറ്റ് സിനിമകളുടെ എഡിറ്റർ സൈജു ശ്രീധരൻ ആദ്യമായി സംവിധാനം ചെയ്യുന്ന സിനിമയിൽ വിശാഖ് നായർ, ഗായത്രി അശോക് തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു.
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.
