ബ്ലെസി സംവിധാനം ചെയ്ത പൃഥ്വിരാജ് ചിത്രമാണ് ആടുജീവിതം. ചിത്രത്തിന്റെ സൗണ്ട് ട്രാക്ക് ഗ്രാമി പരിഗണനയ്ക്കു വേണ്ടി അയച്ചെങ്കിലും അയോഗ്യമാക്കപ്പെടട്ടു. ഇത് തുറന്നു പറഞ്ഞിരിക്കുകയാണ് ചിത്രത്തിന്റെ സംഗീതസംവിധായകൻ എ.ആർ.റഹ്മാൻ. ഗ്രാമിക്കും ഓസ്കറിനുമൊക്കെ ഒരുപാട് മാനദണ്ഡങ്ങളുണ്ട് അതൊക്കെ പാലിച്ചെങ്കിൽ മാത്രമേ പുരസ്കാരത്തിനു പരിഗണിക്കപ്പെടുകയുള്ളു എന്ന് റഹ്മാൻ പറഞ്ഞു. ഒരു മാധ്യമത്തിനു നൽകിയ അഭിമുഖത്തിലാണ് അദ്ദേഹം ഇക്കാര്യം പറഞ്ഞത്.
‘ഗ്രാമിക്കും ഓസ്കറിനും ഒരുപാട് മാനദണ്ഡങ്ങളുണ്ട്. അതെല്ലാം നൂറ് ശതമാനം പാലിച്ചെങ്കിൽ മാത്രമേ പുരസ്കാരത്തിനു പരിഗണിക്കൂ. ആടുജീവിതത്തിന്റെ സൗണ്ട് ട്രാക്ക് ഗ്രാമിൽ സമർപ്പിച്ചിരുന്നു. എന്നാൽ അവർ നിർദേശിച്ച ദൈർഘ്യത്തേക്കാൾ ഒരു മിനിറ്റ് കുറവായിരുന്നു സംഗീതത്തിന്. എന്റെ ട്രാക്ക് തള്ളികളഞ്ഞത് ആ ഒറ്റക്കാരണത്താൽ ആണ്. മുൻ വർഷങ്ങളിൽ ഓസ്കറിനും ഗ്രാമിക്കും വേണ്ടി പൊന്നിയിൽ സെൽവന്റെ ഒന്നും രണ്ടും ഭാഗങ്ങളിലെ സൗണ്ട് ട്രാക്കുകൾ അയയ്ക്കാൻ പദ്ധതിയിട്ടിരുന്നെങ്കിലും അതിനും സാധിച്ചില്ല.
ar rahman about goatlife
ചില പ്രതികൂല കാര്യങ്ങളുണ്ടായതിനാൽ ആ തീരുമാനത്തിൽ നിന്നു പിൻമാറുകയായിരുന്നു. എല്ലാ സാഹചര്യവും അനുകൂലമാകുമ്പോൾ മാത്രമേ എല്ലാം ചെയ്യാൻ പറ്റൂ. നാം വിചാരിക്കുന്നതിലും വലുതാണ് ഗ്രാമിയുടെ ടിക് ബോക്സ്. അവർ പറയുന്ന മാനദണ്ഡങ്ങൾ ശരിയായെങ്കിൽ മാത്രമേ പുരസ്കാരത്തിനു പരിഗണിക്കൂ എന്ന് എ.ആർ.റഹ്മാൻ പറഞ്ഞു.’
Read also: അമൽ നീരദ് മാജിക് വീണ്ടും ബോഗയ്ന്‍‍വില്ല’; ട്രെയ്‌ലർ പുറത്തിറങ്ങി കയ്യടിച്ചു ആരാധകർ
Athira is a seasoned content writer with 3+ years of experience crafting engaging articles, blog posts, and website content. With a background in journalism and a passion for storytelling, Her writing style is informative, conversational, and entertaining. When not writing, she enjoys hiking and exploring new ideas.
