ഗുരുവായൂര്‍ ദേവസ്വത്തില്‍ സെക്യൂരിറ്റ് ഗാര്‍ഡ് തസ്തികയിലേക്ക് ഒഴിവുകൾ വന്നിട്ടുണ്ട്. (Guruvayur Temple Security Guard Vaccancy) യോഗ്യതകളുടെ അടിസ്ഥാനത്തിൽ ഇപ്പോൾ അപേക്ഷ സമർപ്പിക്കാവുന്നതാണ്. ഈശ്വരവിശ്വാസികളായ ഹിന്ദുമത വവിശ്വാസികള്‍ ആണ് അപേക്ഷ നൽകേണ്ടത്. ഒരുവർഷത്തെ കരാർ നിയമനമായിരിക്കും. അഭിമുഖം ഒക്ടോബർ 18 ന് നടക്കുന്നതാണ്.
15 സെക്യൂരിറ്റി ഗാർഡിലേക്കാണ് നിലവിൽ ഒഴിവുകൾ വന്നിട്ടുള്ളത്. സൈനിക, അർധസൈനിക വിഭാഗങ്ങളിൽനിന്ന് (ആർമി, നേവി, എയർ ഫോഴ്സ്, ബിഎസ്എഫ്, സിഐഎസ്എഫ്, ഐടിബിപി, സിആർപിഎഫ്, അസം റൈഫിൾസ് & GREF) വിരമിച്ചവരായിരിക്കണം അപേക്ഷ നൽകേണ്ടത്. പ്രായം 60 വയസ്സിൽ കൂടരുത്. 21,175 രൂപയാണ് ശമ്പളമായി നൽകുന്നത്.
വയസ്സ്, യോഗ്യത, ജാതി, മുൻപരിചയം എന്നിവ തെളിയിക്കുന്ന രേഖകളുടെ സ്വയം സാക്ഷ്യപ്പെടുത്തിയ പകർപ്പുകളുമായി ദേവസ്വം ഓഫിസിൽ നേരിട്ട് സർട്ടിഫിക്കറ്റ് പരിശോധനയ്ക്കായി എത്തേണ്ടതാണ്. അപേക്ഷയോടൊപ്പം ഡിസ്ചാർജ് സർട്ടിഫിക്കറ്റിന്റെ പകർപ്പ്, സബ് ഇൻസ്പെക്ടർ റാങ്കിൽ കുറയാത്ത പൊലീസ് ഉദ്യോഗസ്ഥനിൽനിന്നുള്ള സ്വഭാവ സർട്ടിഫിക്കറ്റ്, അസി. സർജനിൽ കുറയാത്ത ഡോക്ടറുടെ മെഡിക്കൽ സർട്ടിഫിക്കറ്റ് തുടങ്ങിയവയും സമർപ്പിക്കേണ്ടതാണ്.
അപേക്ഷാഫോം ദേവസ്വം ഓഫിസിൽ നിന്നും ലഭിക്കുന്നതാണ്. 100 രൂപയാണ് അപേക്ഷാഫോമിന്റെ വില.പട്ടികജാതി/ പട്ടികവർഗക്കാർക്ക് അപേക്ഷാ ഫോമിന് ഫീ നൽകേണ്ടതില്ല. ജാതി തെളിയിക്കുന്ന രേഖയുടെ പകർപ്പ് ഹാജരാക്കിയാൽ മതി. കൂടുതൽ വിവരങ്ങൾക്കും സംശയങ്ങൾക്കുമായി 0487–2556335 എന്ന നമ്പറിൽ ബന്ധപെടാവുന്നതാണ്.
Read Also : ലോകത്തിലെ വമ്പൻ അക്കാദമിയിൽ പരിശീലിപ്പിച്ച പരിചയം, കേരള ബ്ലാസ്റ്റേഴ്‌സിലേക്ക് പുതിയൊരു പരിശീലകൻ കൂടി
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.
