Kerala Blasters Decision About Sotirio: കേരള ബ്ലാസ്റ്റേഴ്സ് വരുന്ന സീസണിലേക്കുള്ള തയ്യാറെടുപ്പുകൾ ഇപ്പോൾ സജീവമായി കൊണ്ട് നടത്തിക്കൊണ്ടിരിക്കുകയാണ്.പ്രീ സീസണിന് മുന്നേ തന്നെ പല താരങ്ങളും ക്ലബ്ബ് വിട്ടിരുന്നു. അതിൽ വിദേശ താരങ്ങളുമുണ്ട്.ഫെഡോർ ചെർനിച്ച്,ഡൈസുകെ സക്കായ്,മാർക്കോ ലെസ്‌കോവിച്ച്,ജസ്റ്റിൻ ഇമ്മാനുവൽ,ദിമി എന്നിവരൊക്കെ ക്ലബ്ബിനോട് ഗുഡ് ബൈ പറഞ്ഞിരുന്നു. പകരം താരങ്ങളെ എത്തിക്കാൻ ബ്ലാസ്റ്റേഴ്സ് ഉദ്ദേശിക്കുന്നുണ്ടെങ്കിലും സൈനിങ്ങുകൾ കാര്യമായി നടന്നിട്ടില്ല. കഴിഞ്ഞ സീസണിൽ ക്ലബ്ബിന് വേണ്ടി പകുതി മത്സരങ്ങൾ കളിച്ച താരമാണ് ക്വാമേ പെപ്ര.
പിന്നീട് പരിക്ക് കാരണം അദ്ദേഹത്തിന് ബാക്കിയുള്ള മത്സരങ്ങൾ നഷ്ടമായി. അതുപോലെതന്നെ ജോഷുവ സോറ്റിരിയോ പരിക്ക് മൂലം കഴിഞ്ഞ സീസണിൽ ഒരു മത്സരം പോലും കളിച്ചിരുന്നില്ല. ഈ രണ്ട് താരങ്ങളെയും ഒരുമിച്ച് നിലനിർത്താൻ ഇപ്പോൾ ബ്ലാസ്റ്റേഴ്സ് ഉദ്ദേശിക്കുന്നില്ല. ഏതെങ്കിലും ഒരു താരത്തിന് മാത്രമാണ് ക്ലബ്ബിൽ നിലനിൽപ്പുള്ളത്. പ്രീ സീസണിലെ പ്രകടനത്തിന്റെ അടിസ്ഥാനത്തിൽ ഇതിൽ ഒരാളെ തിരഞ്ഞെടുക്കും എന്നായിരുന്നു വാർത്തകൾ.പ്രീ സീസണിൽ മികച്ച പ്രകടനം നടത്താൻ പെപ്രക്ക് സാധിച്ചിട്ടുണ്ട്.
Kerala Blasters Decision About Sotirio
കഴിഞ്ഞ മത്സരത്തിൽ ഒരു ഗോളും രണ്ട് അസിസ്റ്റും അദ്ദേഹം നേടിയിരുന്നു. അതേസമയം പ്രതീക്ഷിച്ച രൂപത്തിൽ തിളങ്ങാൻ ജോഷുവ സോറ്റിരിയോക്ക് കഴിഞ്ഞിട്ടില്ല.ഇതിനൊക്കെ പുറമേ മറ്റൊരു പ്രധാനപ്പെട്ട വാർത്ത കൂടി ഇപ്പോൾ പുറത്തേക്ക് വന്നിട്ടുണ്ട്. അതായത് ഒരിക്കൽ കൂടി അദ്ദേഹത്തെ പരിക്ക് പിടികൂടിയിട്ടുണ്ട്.പ്രീ സീസൺ ക്യാമ്പിനിടെ പരിക്കേൽക്കുകയായിരുന്നു.കൂടുതൽ ചികിത്സക്ക് വേണ്ടി അദ്ദേഹം ഇന്ത്യയിലേക്ക് തന്നെ തിരിച്ചെത്തിയിട്ടുണ്ട്.ഇതോട് കൂടി അദ്ദേഹത്തിന്റെ കാര്യത്തിൽ ബ്ലാസ്റ്റേഴ്സ് മാറി ചിന്തിച്ചേക്കും എന്നാണ് അറിയാൻ കഴിയുന്നത്.
അതായത് അദ്ദേഹത്തെ ഒഴിവാക്കാൻ ഇപ്പോൾ ബ്ലാസ്റ്റേഴ്സ് ആലോചിക്കുന്നുണ്ട്.ബ്ലാസ്റ്റേഴ്സുമായി ബന്ധപ്പെട്ട വൃത്തങ്ങളാണ് ഇക്കാര്യം റിപ്പോർട്ട് ചെയ്തിട്ടുള്ളത്. പെപ്രയെ നിലനിർത്തി സോറ്റിരിയോയെ പറഞ്ഞുവിടാനായിരിക്കും ക്ലബ്ബ് ഉദ്ദേശിക്കുന്നത്. കഴിഞ്ഞ സമ്മർ ട്രാൻസ്ഫർ വിൻഡോയിൽ ഓസ്ട്രേലിയൻ ക്ലബ്ബായ ന്യൂകാസിൽ ജെറ്റ്സിൽ നിന്നും വലിയ തുക നൽകി കൊണ്ടായിരുന്നു ബ്ലാസ്റ്റേഴ്സ് അദ്ദേഹത്തെ സ്വന്തമാക്കിയത്. എന്നാൽ ഗുരുതരമായി പരിക്കേറ്റ അദ്ദേഹത്തിന് കഴിഞ്ഞ സീസണിൽ ഒരു മത്സരം പോലും കളിക്കാൻ കഴിഞ്ഞിരുന്നില്ല. അതിനുപുറമെയാണ് ഇപ്പോഴും പരിക്കേറ്റത്.ഇതോട് കൂടിയാണ് ബ്ലാസ്റ്റേഴ്സ് അദ്ദേഹത്തെ ഒഴിവാക്കാൻ ആലോചിച്ച് തുടങ്ങിയത്.
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.
