കോട്ടാലിനെ നൽകി ബഗാൻ സൂപ്പർ താരത്തെ ബ്ലാസ്റ്റേഴ്സ് സ്വന്തമാക്കുന്നുവോ?റൂമറുകളിൽ പ്രതികരിച്ച് മെർഗുലാവോ!

Kerala Blasters New player Selection: അടുത്ത സീസണിന് വേണ്ടിയുള്ള കഠിന തയ്യാറെടുപ്പുകളിലാണ് ഇപ്പോൾ കേരള ബ്ലാസ്റ്റേഴ്സ് ഉള്ളത്. നിലവിൽ അവരുടെ പ്രീ സീസൺ തായ്‌ലാൻഡിൽ പുരോഗമിച്ചുകൊണ്ടിരിക്കുകയാണ്. ഇതുവരെ മൂന്ന് മത്സരങ്ങളാണ് അവിടെ ബ്ലാസ്റ്റേഴ്സ് കളിച്ചത്.ആദ്യത്തെ മത്സരത്തിൽ പരാജയപ്പെട്ടുവെങ്കിലും രണ്ടാമത്തെയും മൂന്നാമത്തെയും മത്സരത്തിൽ മിന്നുന്ന വിജയം നേടാൻ ബ്ലാസ്റ്റേഴ്സിന് സാധിച്ചിരുന്നു.

രണ്ടാം മത്സരത്തിൽ ഒന്നിനെതിരെ മൂന്നു ഗോളുകൾക്കും മൂന്നാം മത്സരത്തിൽ ഒന്നിനെതിരെ നാലു ഗോളുകൾക്കുമാണ് ബ്ലാസ്റ്റേഴ്സ് എതിരാളികളെ പരാജയപ്പെടുത്തിയിട്ടുള്ളത്.ഇനി ഒരു മത്സരം കൂടി ക്ലബ്ബ് അവിടെ കളിക്കും എന്നാണ് റിപ്പോർട്ടുകൾ.ഇതിനിടയിൽ ട്രാൻസ്ഫർ വിൻഡോ സജീവമായി മുന്നോട്ടു പോവുകയാണ്. ആകെ അഞ്ച് സൈനിങ്ങുകൾ ബ്ലാസ്റ്റേഴ്സ് നടത്തിയിട്ടുണ്ടെങ്കിലും ഒരു വിദേശ താരം മാത്രമാണ് അതിലുള്ളത്.

Kerala Prime News അംഗമാവാൻ

Join

Kerala Blasters New player Selection

ബ്ലാസ്റ്റേഴ്സും മോഹൻ ബഗാനും തമ്മിൽ ഒരു സ്വാപ് ഡീലിന് ശ്രമിക്കുന്നുണ്ട് എന്ന അപ്ഡേഷൻ പ്രമുഖ ജേണലിസ്റ്റായ മാർക്കസ് മെർഗുലാവോ നൽകിയിരുന്നു.എന്നാൽ ആ താരങ്ങൾ ആരൊക്കെയാണ് എന്നത് അദ്ദേഹം വ്യക്തമാക്കിയിരുന്നില്ല. ഇതേക്കുറിച്ച് ഒരുപാട് റൂമറുകൾ പുറത്തേക്ക് വന്നു. അതിലൊന്ന് ദീപക് ടാൻഗ്രിയെ ബ്ലാസ്റ്റേഴ്സ് സ്വന്തമാക്കും എന്നുള്ളതായിരുന്നു. കഴിഞ്ഞ ട്രാൻസ്ഫർ വിൻഡോയിൽ ബ്ലാസ്റ്റേഴ്സ് മോഹൻ ബഗാനിൽ നിന്നും സ്വന്തമാക്കിയ പ്രീതം കോട്ടാലിനെ തിരികെ നൽകുമെന്നായിരുന്നു വാർത്തകൾ.

പക്ഷേ ഇതിൽ കഴമ്പില്ല എന്നുള്ള കാര്യം മെർഗുലാവോ തന്നെ ഇപ്പോൾ സ്ഥിരീകരിച്ചിട്ടുണ്ട്.ദീപക് ടാൻഗ്രിയല്ല ആ താരം. മാത്രമല്ല പ്രീതം കോട്ടാലിനെ കൈവിടാൻ ഇപ്പോൾ ബ്ലാസ്റ്റേഴ്സ് ഉദ്ദേശിക്കുന്നുമില്ല. അതുകൊണ്ടുതന്നെ ഈ കൈമാറ്റ കച്ചവടം ഈ രണ്ടു താരങ്ങൾ ഉൾപ്പെട്ടതാവില്ല എന്ന് തന്നെയാണ് അറിയാൻ സാധിക്കുന്നത്.

പക്ഷേ ആരൊക്കെയാവും എന്നത് ഇപ്പോഴും വ്യക്തമല്ല. മലയാളി താരമായ രാഹുൽ കെപി ക്ലബ്ബ് വിട്ടേക്കും എന്നുള്ള അഭ്യുഹങ്ങളും ഇപ്പോൾ വളരെയധികം സജീവമാണ്.ബ്ലാസ്റ്റേഴ്സ് ഇതുവരെ 5 സൈനിങ്ങുകൾ നടത്തിയിട്ടുണ്ടെങ്കിലും അതിൽ രണ്ടുപേർ ഗോൾകീപ്പർമാരാണ്.പുതിയ സൈനിങ്ങുകൾ ഒന്നും ബ്ലാസ്റ്റേഴ്സ് പ്രഖ്യാപിക്കാത്തതിൽ ആരാധകർക്കും നിരാശയുണ്ട്. പ്രതിരോധനിരയിലേക്ക് അലക്സാൻഡ്രേ കോഫിനെ ബ്ലാസ്റ്റേഴ്സ് സ്വന്തമാക്കി എന്ന വാർത്തകൾ ഉണ്ടായിരുന്നുവെങ്കിലും ആ കാര്യത്തിൽ ഒഫീഷ്യൽ സ്ഥിരീകരണങ്ങൾ ഒന്നും ലഭിച്ചിട്ടില്ല.

Harsha C. Rajan

Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.