കേരള ബ്ലാസ്റ്റേഴ്സ്(kerala blasters) ഈ ഇന്ത്യൻ സൂപ്പർ ലീഗിൽ(ISL) ഇതുവരെ 4 മത്സരങ്ങളാണ് കളിച്ചു കഴിഞ്ഞിട്ടുള്ളത്. പരാജയപ്പെട്ടു കൊണ്ട് തുടങ്ങിയ ബ്ലാസ്റ്റേഴ്സ് രണ്ടാമത്തെ മത്സരത്തിൽ വിജയിച്ചു കൊണ്ട് തിരികെ വന്നിരുന്നു. എന്നാൽ പിന്നീട് നടന്ന രണ്ട് മത്സരങ്ങളിലും സമനില കൊണ്ട് തൃപ്തിപ്പെടേണ്ടിവന്നു. എവേ മത്സരങ്ങളിലായിരുന്നു സമനില വഴങ്ങേണ്ടിവന്നത്. ഒന്നുകൂടി ശ്രദ്ധിച്ചിരുന്നുവെങ്കിൽ ഈ മത്സരങ്ങളിൽ വിജയം സ്വന്തമാക്കാൻ സാധിക്കുമായിരുന്നു.
എന്നാൽ ആരാധകരെ ആശങ്കപ്പെടുത്തുന്ന ചില കണക്കുകൾ ഇപ്പോൾ പുറത്തേക്ക് വന്നിട്ടുണ്ട്. ഒന്ന് ക്ലീൻ ഷീറ്റിന്റെ കണക്ക് തന്നെയാണ്. ഈ സീസണിൽ 4 മത്സരങ്ങൾ കളിച്ച ക്ലബ്ബിന് ഇതുവരെ ഒരു ക്ലീൻ ഷീറ്റ് പോലും നേടാൻ കഴിഞ്ഞിട്ടില്ല. മാത്രമല്ല അവസാനമായി ഇന്ത്യൻ സൂപ്പർ ലീഗിൽ കളിച്ച 15 മത്സരങ്ങളിൽ ഒരൊറ്റ ക്ലീൻ ഷീറ്റ് പോലും ബ്ലാസ്റ്റേഴ്സിന് സ്വന്തമാക്കാൻ കഴിഞ്ഞിട്ടില്ല എന്ന് പറയുമ്പോൾ പ്രതിരോധത്തിന്റെയും ഗോൾകീപ്പറുടെയും ബലഹീനതയാണ് അത് വ്യക്തമാക്കുന്നത്.
ഈ സീസണിൽ തിരിച്ചടിയാകുന്നത് ഗോൾകീപ്പർ(kerala blasters goalkeeper) സച്ചിൻ സുരേഷ് തന്നെയാണ്. അവസാനത്തെ മത്സരങ്ങളിൽ മോശം പ്രകടനമാണ് അദ്ദേഹം നടത്തിയിട്ടുള്ളത്. അനാവശ്യമായി എതിരാളികൾക്ക് അദ്ദേഹം ഗോളവസരങ്ങൾ ഒരുക്കി നൽകുന്നുണ്ട്. ഇത് ആരാധകരെ ആശങ്കപ്പെടുത്തുന്ന ഒരു കാര്യമാണ്. എത്രയും പെട്ടെന്ന് ക്ലീൻ ഷീറ്റുകൾ സ്വന്തമാക്കി ക്ലബ്ബിന്റെ കോൺഫിഡൻസ് തിരികെ പിടിക്കേണ്ടതുണ്ട്. അല്ലെങ്കിൽ കാര്യങ്ങൾ വഷളായേക്കും.
Kerala Blasters did not have a clean sheet in the last 15 ISL games❌
— Abdul Rahman Mashood (@abdulrahmanmash) October 5, 2024
Kerala Blasters did not score a goal from corners in the last 12 ISL games ❌
This is surely a concerning stat!! #KBFC #KeralaBlasters pic.twitter.com/54ICROPdkY
രണ്ടാമത്തെ കാര്യം കോർണർ കിക്കുകളാണ്. അവസാനത്തെ 12 മത്സരങ്ങളിൽ നിന്നായി ഒരുപാട് കോർണർ കിക്കുകൾ ബ്ലാസ്റ്റേഴ്സിന് ലഭിച്ചിട്ടുണ്ട്. അതിൽ ഒരെണ്ണം പോലും ഗോളാക്കി മാറ്റാൻ ബ്ലാസ്റ്റേഴ്സിന് കഴിഞ്ഞിട്ടില്ല എന്നത് ദയനീയമായ ഒരു അവസ്ഥയെയാണ് ചൂണ്ടിക്കാണിക്കുന്നത്. കഴിഞ്ഞ ഒഡീഷക്കെതിരെയുള്ള മത്സരത്തിൽ മാത്രമായി 9 കോർണർ കിക്കുകളാണ് ക്ലബ്ബിന് ലഭിച്ചത്. ഒന്നും തന്നെ ഫലം കണ്ടിട്ടില്ല. പ്രത്യേകിച്ച് ഒരു സെറ്റ് പീസ് പരിശീലകനെ നിയമിച്ചിട്ടും കാര്യമായ മാറ്റങ്ങൾ ഒന്നും ഉണ്ടായിട്ടില്ല എന്നത് ആരാധകരെ വളരെയധികം ദേഷ്യം പിടിപ്പിക്കുന്ന ഒരു കാര്യമാണ്.
kerala blasters players
പോർച്ചുഗീസുകാരനായ ഫ്രഡറിക്കോ മൊറൈസിനെയാണ് ബ്ലാസ്റ്റേഴ്സ് സെറ്റ് പീസ് പരിശീലകനായി കൊണ്ട് നിയമിച്ചിരിക്കുന്നത്. എന്നാൽ അദ്ദേഹത്തിന്റെ സാന്നിധ്യം ഇതുവരെ കളിക്കളത്തിനകത്ത് അനുഭവപ്പെട്ടിട്ടില്ല. പ്രത്യേകിച്ച് ഇമ്പാക്റ്റുകൾ ഒന്നും തന്നെ സെറ്റ് പീസുകളിൽ ഇതുവരെ ഉണ്ടാക്കിയിട്ടില്ല. ഏതായാലും ഈ രണ്ടു ബലഹീനതകളും എത്രയും പെട്ടെന്ന് പരിഹരിക്കേണ്ടതുണ്ട്. അല്ലെങ്കിൽ അത് ക്ലബ്ബിന് തന്നെയാണ് തിരിച്ചടിയാവുക.
Athira is a seasoned content writer with 3+ years of experience crafting engaging articles, blog posts, and website content. With a background in journalism and a passion for storytelling, Her writing style is informative, conversational, and entertaining. When not writing, she enjoys hiking and exploring new ideas.
