സംസ്ഥാനത്ത് അര ലക്ഷവും പിന്നിട്ട് സർവകാല റെക്കോർഡിൽ എത്തിയ സ്വർണവില തുടർച്ചയായ നാലാം ദിവസവും താഴ്ന്നു. നാലു ദിവസത്തിനിടെ 760 രൂപയാണ് കുറവ് രേഖപ്പെടുത്തിയിരിക്കുന്നത്. ആഭരണപ്രേമികൾക്കും, ഉപഭോക്താക്കൾക്കും സ്വർണവിലയുടെ ഇടിവ് ആശ്വാസമായി. പവന് ഇന്ന് 40 രൂപ കുറഞ്ഞു, ഇതോടെ ഗ്രാമിന് 5 രൂപ കുറഞ്ഞ് 7025 രൂപയായി. പവന് 56,200 രൂപയിലുമാണ് ഇന്ന് വ്യാപാരം പുരോഗമിക്കുന്നത്.
കഴിഞ്ഞ വെള്ളിയാഴ്ച (ഒക്ടോബർ 4 ) 56,960 രൂപയായി ഉയർന്നാണ് സ്വർണവില സർവകാല റെക്കോർഡിട്ടത്. ശനിയാഴ്‌ച്ച വിലയിൽ മാറ്റം ഉണ്ടായിരുന്നില്ല. തിങ്കളാഴ്ച്ച മുതലാണ് വില കുറയാൻ തുടങ്ങിയത്.ഒപ്പം 18 കാരറ്റ് സ്വർണ വിലയിലും ഇന്ന് ഇടിവ് രേഖപ്പെടുത്തി. ഗ്രാമിന് 5 രൂപ കുറഞ്ഞ് 5,805 രൂപയായി. അതേസമയം വെള്ളി വിലയിൽ ഇന്ന് മാറ്റമില്ല. ഗ്രാമിന് 96 രൂപയായി തുടരുന്നു. ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ.
keralathile swarna vila
ഓരോ വർഷവും ടൺ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് തന്നെ ആഗോള വിപണിയിൽ സംഭവിക്കുന്ന നേരിയ ചലനങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കും. എന്നാൽ രാജ്യാന്തര വിപണിയിൽ സ്വർണത്തിൻറെ വില കുറഞ്ഞാൽ ഇന്ത്യയിൽ വില കുറയണമെന്ന് നിർബന്ധമില്ല.
Read also: അന്ന് ശാസ്ത്രജ്ഞൻ ഇന്ന് ഒരു സംരംഭകൻ ഈ ഉദയ് ആണ് താരം
Athira is a seasoned content writer with 3+ years of experience crafting engaging articles, blog posts, and website content. With a background in journalism and a passion for storytelling, Her writing style is informative, conversational, and entertaining. When not writing, she enjoys hiking and exploring new ideas.
