mamithabaiju with vijay pictures: തമിഴ് താരം ഇളയദളപതിയുടെ ഒപ്പമുള്ള ഫോട്ടോ പങ്കുവച്ചിരിക്കുകയാണ് നടി മമിത ബൈജു. വിജയ്‍യുടെ കരിയറിലെ അവസാന ചിത്രമെന്ന് പറയപ്പെടുന്ന ദളപതി 69 ന്റെ പൂജ ചിത്രമാണ് താരം പങ്കുവച്ചത്. ചിത്രത്തിന് ചെന്നൈയില്‍ തുടക്കമായി. ബോബി ഡിയോള്‍, പൂജ ഹെഗ്ഡെ, പ്രിയാമണി, പ്രകാശ് രാജ്, ഗൗതം വാസുദേവ് മേനോൻ എന്നിവര്‍ക്കൊപ്പം മലയാളികളായ മമിത ബൈജുവും നരേനും പ്രധാന കഥാപാത്രങ്ങളായി ചിത്രത്തിൽ എത്തുന്നു.
ഉയർന്നുവരുന്ന യുവനടി എന്ന നിലയിൽ മമിതയുടെ സ്വപ്ന യഥാർത്ഥ മുഹൂര്‍ത്തം കൂടിയാണിത്. വിജയ് ആരാധികയായ മമിത അദ്ദേഹത്തിനൊപ്പം അഭിനയിക്കാനുള്ള ആഗ്രഹത്തെക്കുറിച്ച് നേരത്തെ പങ്കുവച്ചിരുന്നു. എന്നാല്‍ രാഷ്ട്രീയ പ്രവേശന പ്രഖ്യാപനത്തിന് ശേഷം അത് സാധിക്കില്ലല്ലോ എന്ന നിരാശയും പങ്കുവച്ചിരുന്നു. പ്രേമലുവിന്‍റെ പ്രൊമോഷണല്‍ അഭിമുഖത്തിലായിരുന്നു മമിത ഇക്കാര്യം പറഞ്ഞത്. ആ ആഗ്രഹം ഇപ്പോൾ സാധിച്ചിരിക്കുകയാണ്.
മമിത ബൈജു ദളപതി 69 ന്റെ ഭാഗം ആവുമെന്ന് ഏതാനും ആഴ്ചകള്‍ക്ക് മുന്‍പ് തന്നെ റിപ്പോര്‍ട്ടുകള്‍ വന്നിരുന്നു. ഇന്നലെയാണ് നിര്‍മ്മാതാക്കള്‍ ഇക്കാര്യം ഔദ്യോഗികമായി പ്രഖ്യാപിച്ചത്. ചിത്രങ്ങള്‍ക്കൊപ്പം ഗ്രേറ്റ്ഫുള്‍ എന്ന ടാഗും മമിത ചേര്‍ത്തിട്ടുണ്ട്. എച്ച് വിനോദ് ആണ് ചിത്രം സംവിധാനം ചെയുന്നത്. കെ വി എൻ പ്രൊഡക്ഷന്‍സിന്‍റെ ബാനറിൽ വെങ്കട്ട് കെ നാരായണ ആണ് ചിത്രം നിർമ്മിക്കുന്നത്.
mamithabaiju with vijay pictures
കന്നഡത്തിലെ പ്രമുഖ ബാനറായ കെവിഎന്നിന്‍റെ കോളിവുഡ് അരങ്ങേറ്റമാണ് ചിത്രം. സഹനിർമ്മാണം നിർവഹിക്കുന്നത് ജഗദീഷ് പളനിസ്വാമിയും ലോഹിത് എൻ കെയുമാണ്. ചിത്രം 2025 ഒക്ടോബറിൽ തിയറ്ററിലേക്കെത്തുമെന്നാണ് നിര്‍മ്മാതാക്കള്‍ അറിയിക്കുന്നത്.
Read also: വേട്ടയ്യനി’ൽ രജനിയുടെ പ്രതിഫലം 125 കോടി; വാർത്തയറിഞ്ഞ് ഞെട്ടി ആരാധകർ.
Athira is a seasoned content writer with 3+ years of experience crafting engaging articles, blog posts, and website content. With a background in journalism and a passion for storytelling, Her writing style is informative, conversational, and entertaining. When not writing, she enjoys hiking and exploring new ideas.
