ഐമൻ കളിക്കുന്നത് മാരക ഫോമിൽ,കഴിഞ്ഞ അഞ്ചു മത്സരങ്ങളിലെ കണക്കുകൾ ത്രസിപ്പിക്കുന്നത്!

Mohammad Aimen has Goal: കേരള ബ്ലാസ്റ്റേഴ്സ് ഇത്തവണത്തെ ഡ്യൂറൻഡ് കപ്പിൽ മിന്നുന്ന പ്രകടനമാണ് നടത്തിക്കൊണ്ടിരിക്കുന്നത്. ഗ്രൂപ്പ് ഘട്ടത്തിലെ മൂന്നു മത്സരങ്ങളിൽ രണ്ടിലും തകർപ്പൻ വിജയം സ്വന്തമാക്കാൻ ബ്ലാസ്റ്റേഴ്സിന് കഴിഞ്ഞിട്ടുണ്ട്.ആദ്യ മത്സരത്തിൽ എട്ട് ഗോളുകളുടെ വിജയം നേടിയ കേരള ബ്ലാസ്റ്റേഴ്സ് മൂന്നാമത്തെ മത്സരത്തിൽ 7 ഗോളുകളുടെ വിജയമാണ് സ്വന്തമാക്കിയത്. പഞ്ചാബിനെതിരെയുള്ള മത്സരത്തിലാണ് ബ്ലാസ്റ്റേഴ്സിന് സമനില വഴങ്ങേണ്ടി വന്നത്.രണ്ട് ടീമുകളും ഓരോ ഗോളുകൾ വീതം നേടുകയായിരുന്നു.

ഇനി ക്വാർട്ടർ ഫൈനൽ മത്സരമാണ് കേരള ബ്ലാസ്റ്റേഴ്സിനെ കാത്തിരിക്കുന്നത്.ഗ്രൂപ്പിൽ ഒന്നാം സ്ഥാനക്കാരായി കൊണ്ട് തന്നെയാണ് കേരള ബ്ലാസ്റ്റേഴ്സ് ഫിനിഷ് ചെയ്തിട്ടുള്ളത്.ബ്ലാസ്റ്റേഴ്സിന്റെ താരങ്ങൾ എല്ലാവരും മികച്ച പ്രകടനം നടത്തുന്നു. എന്നാൽ ആരാധകർക്ക് ഏറെ സന്തോഷം നൽകുന്നത് മലയാളി സൂപ്പർ താരമായ ഐമന്റെ പ്രകടനമാണ്.സ്ഥിരതയാർന്ന പ്രകടനം പുറത്തെടുക്കാൻ അദ്ദേഹത്തിന് സാധിക്കുന്നുണ്ട്.

Kerala Prime News അംഗമാവാൻ

Join

കഴിഞ്ഞ പഞ്ചാബിനെതിരെയുള്ള മത്സരത്തിൽ താരം നിർണായകമായ സമനില ഗോൾ നേടിയിരുന്നു. അവസാന മത്സരത്തിൽ സിഐഎസ്എഫിനെതിരെ ഒരു ഗോളും ഒരു അസിസ്റ്റുമാണ് താരത്തിന്റെ സമ്പാദ്യം.നിലവിൽ കേരള ബ്ലാസ്റ്റേഴ്സിന് വേണ്ടി ഡ്യൂറൻഡ് കപ്പിന്റെ ചരിത്രത്തിൽ ഏറ്റവും കൂടുതൽ ഗോളുകൾ നേടിയ താരം ഐമനാണ്. 7 ഗോളുകളാണ് അദ്ദേഹം ആകെ നേടിയിട്ടുള്ളത്. അവസാനത്തെ 3 ഡ്യൂറന്റ് കപ്പുകളിലും ഗോളടിക്കാൻ ഈ താരത്തിന് കഴിഞ്ഞിട്ടുണ്ട്.ബ്ലാസ്റ്റേഴ്സിന് വേണ്ടി ഡ്യൂറൻഡ് കപ്പിൽ ഏറ്റവും കൂടുതൽ ഗോളുകൾ നേടിയ രണ്ടാമത്തെ താരം നോഹ് സദോയിയാണ്.6 ഗോളുകളാണ് അദ്ദേഹം നേടിയിട്ടുള്ളത്.

Mohammad Aimen has Goal

ഐമൻ ഇപ്പോൾ തകർപ്പൻ ഫോമിലാണ് കളിക്കുന്നത് എന്നതിന്റെ തെളിവുകൾ അദ്ദേഹത്തിന്റെ കണക്കുകൾ തന്നെയാണ്. ബ്ലാസ്റ്റേഴ്സിനായി കളിച്ച അവസാനത്തെ അഞ്ച് മത്സരങ്ങളിൽ നിന്ന് 7 ഗോൾ കോൺട്രിബ്യൂഷൻ നേടാൻ ഈ താരത്തിന് കഴിഞ്ഞിട്ടുണ്ട്. 4 ഗോളുകളും മൂന്ന് അസിസ്റ്റുകളുമാണ് അദ്ദേഹം സ്വന്തമാക്കിയിട്ടുള്ളത്. നിലവിൽ ബ്ലാസ്റ്റേഴ്സിന്റെ മുന്നേറ്റ നിരയിലെ ഏറ്റവും പ്രധാനപ്പെട്ട താരങ്ങളിൽ ഒരാൾ ഐമൻ തന്നെയാണ്.സ്റ്റാറേ അദ്ദേഹത്തെ സ്ഥിരമായി ഉപയോഗപ്പെടുത്തുന്നുണ്ട്.

കേരള ബ്ലാസ്റ്റേഴ്സിന്റെ അക്കാദമിയിലൂടെ വളർന്ന താരമാണ് ഐമൻ. അദ്ദേഹത്തിന്റെ ഇരട്ട സഹോദരനായ അസ്ഹറും ബ്ലാസ്റ്റേഴ്സിന് വേണ്ടി മികച്ച പ്രകടനം ഇപ്പോൾ നടത്തുന്നുണ്ട്.കഴിഞ്ഞ മത്സരത്തിന്റെ സ്റ്റാർട്ടിങ് ഇലവനിൽ അസ്ഹറും ഉണ്ടായിരുന്നു.ഗോൾ നേടാനും അദ്ദേഹത്തിന് കഴിഞ്ഞിട്ടുണ്ട്. ഇരട്ട സഹോദരങ്ങൾ ഒരു മത്സരത്തിൽ തന്നെ ഗോളുകൾ നേടുന്ന അപൂർവമായ കാഴ്ചക്കായിരുന്നു കഴിഞ്ഞ മത്സരം സാക്ഷ്യം വഹിച്ചിരുന്നത്.ഈ രണ്ടു താരങ്ങളും ബ്ലാസ്റ്റേഴ്സിന് വളരെയധികം പ്രതീക്ഷകൾ നൽകുന്ന താരങ്ങളാണ്.

Harsha C. Rajan

Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.