New Coach Impressed By Rahul K P: ഇന്ത്യക്ക് വേണ്ടി അണ്ടർ 17 വേൾഡ് കപ്പിൽ കളിച്ചതോടുകൂടിയാണ് രാഹുൽ കെപി എന്ന മലയാളി താരത്തിന്റെ പേരും പ്രശസ്തിയും ഉയർന്നത്. 2019 മുതൽ കേരള ബ്ലാസ്റ്റേഴ്സിന്റെ ഭാഗമാണ് ഈ താരം. എന്നാൽ കഴിഞ്ഞ സീസൺ ഈ മലയാളി താരത്തെ സംബന്ധിച്ചിടത്തോളം വളരെയധികം ബുദ്ധിമുട്ടേറിയ ഒന്നായിരുന്നു.എന്തെന്നാൽ പ്രകടനം മോശമായിരുന്നു.പ്രത്യേകിച്ച് ഒരു ഇമ്പാക്ട് ഉണ്ടാക്കാൻ കഴിഞ്ഞിരുന്നില്ല. അതുകൊണ്ടുതന്നെ ഒരുപാട് വിമർശനങ്ങൾ താരത്തിന് ഏൽക്കേണ്ടി വന്നു.അദ്ദേഹത്തെ ക്ലബ്ബ് ഒഴിവാക്കണമെന്ന് പോലും ചില ആരാധകർ ആവശ്യപ്പെട്ടിരുന്നു.
അതേത്തുടർന്ന് നിരവധി റൂമറുകൾ പുറത്തേക്ക് വരികയും ചെയ്തു. രാഹുൽ കെപി ബ്ലാസ്റ്റേഴ്സ് വിടാൻ സജ്ജനാണ് എന്നായിരുന്നു വാർത്തകൾ. ഗോവയും ചെന്നൈയുമൊക്കെ അദ്ദേഹത്തിന് വേണ്ടി ശ്രമിച്ചുവെന്നും റിപ്പോർട്ടുകൾ ഉണ്ടായിരുന്നു.പക്ഷേ നിലവിൽ കേരള ബ്ലാസ്റ്റേഴ്സിനോടൊപ്പമാണ് അദ്ദേഹം ഉള്ളത്. ബ്ലാസ്റ്റേഴ്സിന്റെ തായ്‌ലാൻഡിലെ പ്രീ സീസൺ ഇപ്പോൾ പുരോഗമിച്ചുകൊണ്ടിരിക്കുകയാണ്. 3 മത്സരങ്ങൾ കളിച്ചപ്പോൾ രണ്ടിലും വിജയം നേടാൻ ക്ലബ്ബിന് സാധിച്ചു. ഇനി ഒരു മത്സരം കൂടി കളിച്ച് ബ്ലാസ്റ്റേഴ്സ് ഇന്ത്യയിലേക്ക് തന്നെ മടങ്ങിയെത്തും എന്നാണ് റിപ്പോർട്ടുകൾ. തായ്‌ലാൻഡിൽ വച്ച് നടക്കുന്ന പ്രീ സീസൺ മികച്ച പ്രകടനമാണ് രാഹുൽ നടത്തിയിട്ടുള്ളത്.
New Coach Impressed By Rahul K P
സന്നാഹ മത്സരങ്ങളിലും അദ്ദേഹം മികച്ച പ്രകടനം നടത്തിയിട്ടുണ്ട്. പുതിയ പരിശീലകൻ മികയേൽ സ്റ്റാറേയുടെ പ്രീതി പിടിച്ചുപറ്റാൻ അദ്ദേഹത്തിന് കഴിഞ്ഞിട്ടുണ്ട്. മാത്രമല്ല പുതിയ പരിശീലക സംഘവും അദ്ദേഹത്തിന്റെ പ്രകടനത്തിന്റെ സംതൃപ്തരാണ്. പ്രത്യേകിച്ച് അദ്ദേഹത്തിന്റെ വേഗതയും വർക്ക് റേറ്റും അവരെ മതിപ്പുളവാക്കിയിട്ടുണ്ട്. പക്ഷേ ഇപ്പോഴും സെയിൽസ് ലിസ്റ്റിൽ നിന്നും അദ്ദേഹം പുറത്ത് കടന്നിട്ടില്ല എന്നാണ് വാർത്തകൾ.ക്ലബ്ബ് വിട്ട് പുറത്ത് പോകാൻ നിൽക്കുന്ന താരങ്ങളിൽ ഒരാൾ രാഹുൽ തന്നെയാണ്. ഐഎഫ്ടി ന്യൂസ് മീഡിയയാണ് ഇക്കാര്യം റിപ്പോർട്ട് ചെയ്തിരിക്കുന്നത്.പക്ഷേ താരത്തെ ചെറിയ തുകക്ക് നൽകാൻ ക്ലബ് ഉദ്ദേശിക്കുന്നില്ല. ചുരുങ്ങിയത് ഒരു കോടി രൂപയെങ്കിലും ഈ വിങ്ങർക്ക് ലഭിക്കണം എന്നാണ് കേരള ബ്ലാസ്റ്റേഴ്സിന്റെ നിലപാട്.
🥇💣 Rahul KP has impressed the new coaching team with his speed,workrate & agility but he is still on sales list. KBFC is asking for 1cr transfer fee for the winger or they are open for a 1 year contract extension which the player is not intersted for now. @IFTnewsmedia #KBFC pic.twitter.com/GFl7ytQ1hG
— KBFC XTRA (@kbfcxtra) July 21, 2024
മാത്രമല്ല താരത്തിന്റെ ക്ലബ്ബുമായി കരാർ പുതുക്കാനുള്ള ഓപ്ഷൻ ലഭ്യമാണ്. ഒരു വർഷത്തേക്ക് വേണമെങ്കിൽ അദ്ദേഹത്തിന് കോൺട്രാക്ട് പുതുക്കാം. എന്നാൽ താരത്തിന് ഇക്കാര്യത്തിൽ താല്പര്യമില്ല എന്നും ഇവർ റിപ്പോർട്ട് ചെയ്യുന്നുണ്ട്. അതായത് രാഹുൽ കെപിയും ക്ലബ്ബ് വിടാൻ താല്പര്യപ്പെടുന്നുണ്ട് എന്ന് വേണം അനുമാനിക്കാൻ.മികച്ച ഓഫർ ലഭിച്ചാൽ മാത്രമായിരിക്കും അദ്ദേഹം ക്ലബ്ബ് വിടുക.അല്ലാത്തപക്ഷം അദ്ദേഹം ബ്ലാസ്റ്റേഴ്സിൽ തന്നെ തുടർന്നേക്കും. ഏതായാലും താരം മികച്ച പ്രകടനം നടത്തുന്നു എന്നുള്ളത് ആരാധകർക്ക് സന്തോഷം നൽകുന്ന കാര്യമാണ്. കഴിഞ്ഞ സീസണിലെ മോശം പ്രകടനത്തിന് വരും സീസണിൽ പ്രായശ്ചിത്തം ചെയ്യാൻ താരത്തിന് കഴിയുമെന്ന് പ്രതീക്ഷിക്കുന്നവരും ഏറെയാണ്.
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.
