Pritam Kotal is not part of Mikael Stahre’s plan: കേരള ബ്ലാസ്റ്റേഴ്സ് അടുത്ത സീസണിലേക്കുള്ള ഒരുക്കങ്ങൾ നടത്തുകയാണ്. തായ്‌ലാൻഡിലെ പ്രീ സീസൺ ഏറെക്കുറെ അവസാനിച്ചു കഴിഞ്ഞു. നാല് മത്സരങ്ങളാണ് ബ്ലാസ്റ്റേഴ്സ് അവിടെ കളിച്ചിട്ടുള്ളത്. ഇനി ഡ്യൂറന്റ് കപ്പിലാണ് കേരള ബ്ലാസ്റ്റേഴ്സിനെ കാണാൻ കഴിയുക.ഉടൻതന്നെ താരങ്ങൾ കൊൽക്കത്തയിൽ എത്തും എന്നാണ് റിപ്പോർട്ടുകൾ സൂചിപ്പിക്കുന്നത്. കഴിഞ്ഞ സമ്മർ ട്രാൻസ്ഫർ ജാലകത്തിലായിരുന്നു പ്രീതം കോട്ടാലിനെ കേരള ബ്ലാസ്റ്റേഴ്സ് കൊണ്ടുവന്നത്.
സഹൽ അബ്ദുസമദിനെ ബ്ലാസ്റ്റേഴ്സ് കൈമാറിയിരുന്നു.കോട്ടാലിനെ കൂടാതെ ട്രാൻസ്ഫർ ഫീയും ബ്ലാസ്റ്റേഴ്സിന് ലഭിച്ചിരുന്നു.കഴിഞ്ഞ സീസണിൽ പ്രതീക്ഷിച്ച രൂപത്തിലുള്ള ഒരു പ്രകടനം പുറത്തെടുക്കാൻ കോട്ടാലിന് കഴിഞ്ഞിരുന്നില്ല.മാത്രമല്ല സീസണിന്റെ അവസാനത്തിലൊക്കെ താരത്തിന് അവസരങ്ങൾ കുറവുമായിരുന്നു. അതുകൊണ്ടുതന്നെ അദ്ദേഹം ബ്ലാസ്റ്റേഴ്സ് വിട്ടേക്കും എന്നുള്ള റൂമറുകൾ ഉണ്ടായിരുന്നു. ഇതുമായി ബന്ധപ്പെട്ട ഏറ്റവും പുതിയ അപ്ഡേറ്റുകൾ ആഷിശ് നേഗി നൽകി കഴിഞ്ഞിട്ടുണ്ട്. അതായത് ബ്ലാസ്റ്റേഴ്സിന്റെ പുതിയ പരിശീലകനായ മികയേൽ സ്റ്റാറേയുടെ പ്ലാനുകളിൽ ഈ ഡിഫൻഡർക്ക് ഇടമില്ല.
അദ്ദേഹത്തെ ആവശ്യമില്ല എന്ന് തന്നെയാണ് സ്റ്റാറേയുടെ നിലപാട്. അതുകൊണ്ടുതന്നെ ട്രാൻസ്ഫർ വിൻഡോ അടക്കുന്നതിന് മുൻപ് കോട്ടാൽ മറ്റേതെങ്കിലും ക്ലബ്ബിലേക്ക് പോകാനുള്ള സാധ്യതയാണ് ഇവിടെ അവശേഷിക്കുന്നത്. നേരത്തെ മോഹൻ ബഗാന് താരത്തെ സ്വന്തമാക്കാൻ താല്പര്യമുണ്ടായിരുന്നു. അവിടെ സംഭവിച്ചത് എന്താണെന്ന് ആഷിശ് നേഗി വ്യക്തമാക്കുകയും ചെയ്തിട്ടുണ്ട്. അതായത് ആദ്യം ബ്ലാസ്റ്റേഴ്സ് കോട്ടാലിന് പകരം ദീപക് ടാൻഗ്രിയെ വേണം എന്നായിരുന്നു ആവശ്യപ്പെട്ടിരുന്നത്.എന്നാൽ മോഹൻബഗാൻ അത് നിരസിക്കുകയായിരുന്നു. താരത്തെ കൈവിടാൻ മോഹൻ ബഗാന് താല്പര്യമില്ല.പക്ഷേ ചർച്ചകൾ ഇപ്പോഴും അവസാനിച്ചിട്ടില്ല.
🚨🎖️ Pritam Kotal is not part of Mikael Stahre's plan. ❌ @7negiashish [ 💻 ~ @KhelNow ] #KBFC pic.twitter.com/5TYP10Iib2
— KBFC XTRA (@kbfcxtra) July 26, 2024
ബ്ലാസ്റ്റേഴ്സും മോഹൻ ബഗാനും തമ്മിൽ ഈ സ്വാപ് ഡീലിൽ ഇപ്പോഴും ചർച്ചകൾ നടത്തുന്നുണ്ട്. നിലവിൽ രണ്ട് താരങ്ങളെയാണ് ബ്ലാസ്റ്റേഴ്സ് ആവശ്യപ്പെട്ടിട്ടുള്ളത്.അതിൽ മോഹൻ ബഗാൻ ഇതുവരെ നിലപാട് രേഖപ്പെടുത്തിയിട്ടില്ല. ചുരുക്കത്തിൽ പ്രീതം കോട്ടാൽ തന്റെ പഴയ ക്ലബ്ബിലേക്ക് തന്നെ മടങ്ങി പോകാനുള്ള സാധ്യത ഇപ്പോഴും അവശേഷിക്കുന്നുണ്ട്. അതിശക്തമായ ഒരു നിര തന്നെ ഇപ്പോൾ മോഹൻ ബഗാനുണ്ട്.അവരുടെ വിദേശ താരങ്ങളെല്ലാം സൂപ്പർതാരങ്ങളാണ്.ഇന്ത്യൻ താരങ്ങളും വളരെ മികച്ച താരങ്ങളാണ്. എന്നിരുന്നാലും ടീമിന്റെ ശക്തി വർദ്ധിപ്പിക്കുക എന്ന ഉദ്ദേശം മാത്രമാണ് ഈ കൊൽക്കത്തൻ ക്ലബ്ബിന് ഉള്ളത്.
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.
