vijay sethupathi says about thrisha’s role: തമിഴിൽ ഏറ്റവുമധികം ആഘോഷിക്കപ്പെട്ട പ്രണയ ചിത്രമായ 96 . അതിൽ തൃഷ അവതരിപ്പിച്ച ജാനു എന്ന കഥാപാത്രമായി ആദ്യം പരിഗണിച്ചിരുന്നത് മഞ്ജു വാര്യരെ ആയിരുന്നുവെന്ന് വെളിപ്പെടുത്തലുമായി വിജയ് സേതുപതി. ജാനു ആയി അഭിനയിക്കുന്നതിന് സംവിധായകൻ പ്രേം കുമാർ തന്നെ വിളിക്കാൻ ശ്രമിച്ചെന്നും എന്നാൽ എന്തൊക്കെയോ കാരണങ്ങൾ കൊണ്ട് അവർക്ക് തനിക്കരികിൽ എത്താൻ സാധിക്കാതെ വന്നതോടെ തൃഷയെ പരിഗണിക്കുകയായിരുന്നെനും മഞ്ജു വാരിയർ വെളിപ്പെടുത്തി. ഈയിടെ നടന്ന ഒരു അവാർഡ് ഫങ്ഷനിൽ വച്ച് വിജയ് സേതുപതിയാണ് തന്നോട് ഇക്കാര്യം വെളിപ്പെടുത്തിയത് എന്നും മഞ്ജു വ്യക്‌തമാക്കി. പുതിയ സിനിമയായ ‘ഫൂട്ടേജി’ന്റെ പ്രമോഷനുമായി ബന്ധപ്പെട്ട് ഒരു യൂട്യൂബ് ചാനലിനു നൽകിയ അഭിമുഖത്തിലാണ് 96ൽ തന്റെ കയ്യിൽ നിന്ന് വഴുതിപ്പോയ സംഭവം മഞ്ജു വെളിപ്പെടുത്തിയത്.
96നു വേണ്ടിയുള്ള കോൾ എന്റെ അടുത്ത് എത്തിയിട്ടില്ല. അവർ വിളിക്കാൻ ശ്രമിച്ചിരുന്നു. ആ അന്വേഷണം എന്റെ അടുത്ത് എത്തുന്നതിന് മുന്നെ വേറെ വഴിക്ക് പോയി. വിജയ് സേതുപതി പറഞ്ഞപ്പോഴാണ് താൻ ഈ കാര്യം അറിഞ്ഞത്. കുറച്ച് മുൻപ് ഒരു അവാർഡ് ഫങ്ഷനിൽ വെച്ചാണ് അദ്ദേഹം എന്നോട് കാര്യം പറയുന്നത്. ആ കഥാപാത്രത്തിലേക്ക് എന്നെ അന്വേഷിച്ചിരുന്നു എന്ന് സർ പറഞ്ഞു. ആ സിനിമയുടെ സമയത്ത് അവർക്ക് തന്നെ എന്തൊക്കെയോ ഡേറ്റ് കൺഫ്യൂഷൻസ് ഉണ്ടായിരുന്നു എന്നാണ് അദ്ദേഹം പറഞ്ഞത്. അതുകൊണ്ട് അവർക്ക് തന്നെ ഒരു പിടി ഉണ്ടായിരുന്നില്ല.
അതിന്റെ ഇടയിൽ എന്നെ ബുദ്ധിമുട്ടിക്കേണ്ട എന്ന് കരുതി അവർ പാതി വഴിയിൽ ആ ശ്രമം ഉപേക്ഷിക്കുകയായിരുന്നു. അങ്ങനെ പിന്നീട് അവർ തൃഷയിലേക്ക് എത്തി. ഞാൻ വിടുതലൈ സിനിമയിൽ ജോയിൻ ചെയ്യാൻ പോയപ്പോൾ പ്രേമിന് (പ്രേം കുമാർ) മെസേജ് അയച്ചിരുന്നു. “നിങ്ങളോ എന്നെ വിജയ് സേതുപതിയുടെ കൂടെ അഭിനയിക്കാൻ സമ്മതിച്ചില്ല. പക്ഷേ ഞാൻ ദാ ഇപ്പോൾ അദ്ദേഹത്തിന്റെ കൂടെ അഭിനയിക്കാൻ പോകുകയാണ്’ എന്ന് പറഞ്ഞു.
vijay sethupathi says about thrisha’s role
എല്ലാത്തിനും അതിന്റേതായ സമയം ഉണ്ടെന്ന് പറയുന്നത് പോലെയാണ് അത്. 96 നെ സംബന്ധിച്ചിടത്തോളം എനിക്ക് പോലും തൃഷയെ അല്ലാതെ മറ്റൊരാളെ സങ്കൽപ്പിക്കാൻ അതിൽ കഴിയില്ല എന്നും മഞ്ജു വാരിയർ പറഞ്ഞു. സൈജു ശ്രീധരൻ സംവിധാനം ചെയ്യുന്ന ‘ഫൂട്ടേജ്’ ആണ് മഞ്ജു വാരിയരുടേതായി റിലീസ് ചെയ്യാൻ പോകുന്ന അടുത്ത ചിത്രം. നടനും സംവിധായകനുമായ അനുരാഗ് കശ്യപ് ആണ് ചിത്രം അവതരിപ്പിക്കുന്നത്. ഗായത്രി അശോക് , വിശാഖ് നായർ എന്നിവരാണ് ചിത്രത്തിലെ മറ്റ് താരങ്ങൾ.
Athira is a seasoned content writer with 3+ years of experience crafting engaging articles, blog posts, and website content. With a background in journalism and a passion for storytelling, Her writing style is informative, conversational, and entertaining. When not writing, she enjoys hiking and exploring new ideas.
