Save Cooking Gas using powder: ഇന്ന് മിക്ക വീടുകളിലും പാചകത്തിനായി ഉപയോഗിക്കുന്നത് എൽപിജി ഗ്യാസ് സ്റ്റൗകളാണ്. ഉപയോഗിക്കാൻ എളുപ്പവും സമയലാഭവുമുള്ളതിനാൽ ഗ്യാസ് സ്റ്റൗകൾ എല്ലാവരുടെയും പ്രിയപ്പെട്ട തിരഞ്ഞെടുപ്പായി മാറിയിട്ടുണ്ട്. എന്നാൽ ദിവസേന പാചകം ചെയ്യുന്നതിനിടെ എണ്ണക്കറകളും ഭക്ഷണ അവശിഷ്ടങ്ങളും സ്റ്റൗവിൽ പറ്റിപ്പിടിക്കുന്നത് സ്വാഭാവികമാണ്. കറപിടിച്ച സ്റ്റൗ വൃത്തിയാക്കുക എന്നത് പലർക്കും ബുദ്ധിമുട്ടുള്ള ജോലിയാണ്. അതുപോലെ തന്നെ ഗ്യാസ് സിലിണ്ടറിന്റെ ഉപയോഗം കുറയ്ക്കാനും പലരും മാർഗങ്ങൾ തേടാറുണ്ട്. ചില ലളിതമായ വീട്ടുവൈദ്യങ്ങൾ ഉപയോഗിച്ച് സ്റ്റൗ വൃത്തിയാക്കാനും ഗ്യാസ് ലാഭിക്കാനും സാധിക്കും.ഗ്യാസ് സ്റ്റൗവിലെ ഏറ്റവും കൂടുതൽ അഴുക്ക് അടിഞ്ഞുകൂടുന്ന ഭാഗമാണ് ബർണറും അതിനോട് ചേർന്നുള്ള പ്ലേറ്റുകളും.
ഈ ഭാഗങ്ങൾ വൃത്തിയാക്കാൻ ആദ്യം ഒരു ക്ലീനിംഗ് ലായനി തയ്യാറാക്കാം. ഒരു പാത്രത്തിലേക്ക് ഒരു വലിയ ഉണ്ട പുളി, ഒരു ടീസ്പൂൺ ബേക്കിംഗ് സോഡ, ആവശ്യത്തിന് ഇളംചൂടുവെള്ളം എന്നിവ ചേർത്ത് നന്നായി കലക്കുക. തുടർന്ന് ഗ്യാസ് ബർണറും പ്ലേറ്റുകളും അഴിച്ചെടുത്ത് ഈ ലായനിയിൽ മുക്കിവയ്ക്കുക. ഏകദേശം 20 മുതൽ 30 മിനിറ്റ് വരെ ഇങ്ങനെ വെച്ചാൽ കറകളും എണ്ണപ്പാടുകളും ഇളകി വരും.
<div class="facebook-responsive"><iframe width="560" height="315" src="https://www.youtube.com/embed/Aigp_nJt_vs?si=h6USe6GO1S_UuYvh" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>
</div>
ശേഷം ഒരു പഴയ ബ്രഷ് അല്ലെങ്കിൽ സ്ക്രബർ ഉപയോഗിച്ച് ബർണർ നന്നായി ഉരച്ച് കഴുകിയാൽ വളരെ എളുപ്പത്തിൽ വൃത്തിയാക്കാം. ബർണറിലെ ചെറിയ ദ്വാരങ്ങളിൽ അടിഞ്ഞുകൂടിയ അഴുക്ക് നീങ്ങിയാൽ തീ ശരിയായി കത്തുകയും ഗ്യാസ് പാഴാകുന്നത് കുറയുകയും ചെയ്യും. സ്റ്റൗവിന്റെ മുകൾഭാഗത്ത് പറ്റിപ്പിടിച്ചിരിക്കുന്ന കടുത്ത കറകൾ നീക്കാൻ ടൂത്ത് പേസ്റ്റ് ഉപയോഗിക്കാം. അല്പം ടൂത്ത് പേസ്റ്റ് കറപിടിച്ച ഭാഗങ്ങളിൽ പുരട്ടി കുറച്ച് സമയം വെച്ചശേഷം സ്ക്രബർ ഉപയോഗിച്ച് ഉരയ്ക്കുക. തുടർന്ന് നനഞ്ഞ തുണികൊണ്ട് തുടച്ചെടുക്കുമ്പോൾ സ്റ്റൗവിന് പുതിയ തിളക്കം ലഭിക്കും. സ്റ്റെയിൻലെസ് സ്റ്റീൽ സ്റ്റൗകളിൽ ഈ രീതി മികച്ച ഫലം നൽകും.
ഗ്യാസ് ലാഭിക്കാനായി പാചകം ചെയ്യുമ്പോൾ ചില കാര്യങ്ങൾ പ്രത്യേകം ശ്രദ്ധിക്കണം. അരി വേവിക്കുന്നതിന് മുമ്പ് കുറഞ്ഞത് 20 മിനിറ്റെങ്കിലും വെള്ളത്തിൽ കുതിർത്ത് വെക്കുക. ഇങ്ങനെ ചെയ്താൽ അരി വേഗത്തിൽ വെന്തുകിട്ടുകയും ഗ്യാസ് ഉപയോഗം കുറയുകയും ചെയ്യും. പരിപ്പ്, കടല, പയർവർഗങ്ങൾ എന്നിവയും മുൻകൂട്ടി കുതിർത്ത് ഉപയോഗിക്കുന്നത് നല്ലതാണ്. ഫ്രിഡ്ജിൽ നിന്ന് എടുത്ത പാൽ നേരിട്ട് ചൂടാക്കാതെ കുറച്ച് സമയം പുറത്തുവെച്ച് സാധാരണ താപനിലയിൽ എത്തിയശേഷം കാച്ചാൻ വെക്കുക. ഇതുവഴി ചൂടാകാൻ വേണ്ട സമയം കുറയും. പാചകം ചെയ്യുമ്പോൾ പാത്രങ്ങൾ മൂടിവെച്ച് വേവിക്കുന്നതും ഗ്യാസ് ലാഭിക്കാൻ സഹായിക്കും. കുക്കർ ഉപയോഗിച്ച് പാചകം ചെയ്യുന്നത് സാധാരണ പാത്രങ്ങളെക്കാൾ കൂടുതൽ ഇന്ധനലാഭം നൽകുന്നു. അതുപോലെ ബർണറിന്റെ വലിപ്പത്തിന് അനുയോജ്യമായ പാത്രങ്ങൾ ഉപയോഗിക്കാനും ശ്രദ്ധിക്കുക. വളരെ ചെറിയ പാത്രം വലിയ ബർണറിൽ വെക്കുമ്പോൾ ഗ്യാസ് പാഴാകാൻ സാധ്യതയുണ്ട്. ഇത്തരം ചെറിയ കാര്യങ്ങൾ ശ്രദ്ധിച്ചാൽ ഗ്യാസ് സ്റ്റൗ എപ്പോഴും വൃത്തിയായി സൂക്ഷിക്കാനും ഗ്യാസ് സിലിണ്ടറിന്റെ ഉപയോഗം കുറയ്ക്കാനും സാധിക്കും. വീട്ടമ്മമാർക്ക് ദിവസേന ഉപകാരപ്പെടുന്ന ഇത്തരം ടിപ്പുകൾ അടുക്കള ജോലികൾ കൂടുതൽ എളുപ്പമാക്കും.
<div class="facebook-responsive"><iframe width="560" height="315" src="https://www.youtube.com/embed/EaFCC-8XAis?si=X4kMC0r_qYZWkjRY" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>
</div>
Read Also: സിങ്കിലെ ബ്ലോക്ക് നിമിഷങ്ങൾക്കകം മാറ്റാം; വീട്ടിലുള്ള ഈ സാധനം മാത്രം മതി!
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.
