director says about his old movie: ടി പി ബാലഗോപാലൻ എം എ, സന്മനസ്സുള്ളവർക്ക് സമാധാനം, നാടോടിക്കാറ്റ്, പട്ടണ പ്രവേശം, വരവേൽപ്പ് തുടങ്ങിയ ചിത്രങ്ങൾ മോഹൻലാൽ -സത്യൻ അന്തിക്കാട് കോമ്പോയിൽ പുറത്തിറങ്ങിയ മികച്ച ചിത്രങ്ങളായിരുന്നു. ഇവരോടൊപ്പം ശ്രീനിവാസനും കൂടി ചേർന്നപ്പോൾ പിറന്നത് ഹിറ്റുകൾ. രഘുനാഥ് പാലേരിയുടെ തിരക്കഥയ്ക്ക് സത്യൻ അന്തിക്കാട് സംവിധാനം ചെയ്ത് പുറത്ത് വന്ന ചിത്രമായിരുന്നു പിൻഗാമി.
മോഹൻ ലാൽ ഇതിൽ കാപ്റ്റൻ വിജയ് മേനോൻ എന്ന വേഷത്തിൽ പ്രത്യക്ഷപ്പെട്ടു. പിൻഗാമി പരാജയപ്പെടാൻ കാരണമായതിനെ കുറിച്ച് ക്ലബ്ബ് എഫ് എമ്മിന് നൽകിയ അഭിമുഖത്തിൽ സംസാരിച്ചു. ‘തേൻമാവിൻ കൊമ്പത്തിനോടൊപ്പം ഇറങ്ങിയതാണ് പിൻഗാമി പരാജയപ്പെടുവാൻ കാരണമായത്. ഇന്ന് ഈ ചിത്രം ഏറെ ചർച്ച ചെയ്യുന്നു. എന്നാൽ ഇറങ്ങിയ സമയത്ത് പ്രതീക്ഷിച്ച വിജയം നേടാൻ കഴിഞ്ഞിരുന്നില്ല.
അന്ന് പിൻഗാമിക്കൊപ്പം ഇറങ്ങിയ തേന്മാവിൻ കൊമ്പത്തിന് വലിയ സ്വീകാര്യത ലഭിച്ചു. വെറും ഒരു ആക്ഷൻ ചിത്രം എന്നതിലുപരി കുടുംബ ബന്ധങ്ങളുടെ കഥ പറയുന്ന സിനിമ കൂടിയാണ് പിൻഗാമി’ അദ്ദേഹം പറഞ്ഞു. ‘പിൻഗാമി ഇപ്പോഴും ചർച്ച ചെയ്യപ്പെടുന്നുണ്ട്. അന്ന് ഞാൻ ഒരിക്കലും വിചാരിച്ചില്ല ഇത്ര കാലം കഴിഞ്ഞും ഈ സിനിമ ചർച്ച ചെയ്യപ്പെടുമെന്ന്. റിലീസ് ചെയ്ത സമയത്ത് വലിയ വിജയം പ്രതീക്ഷിച്ചിരുന്ന ചിത്രമാണ് പിൻഗാമി.
director says about his old movie
എന്റെ പതിവ് സിനിമകളിൽ നിന്ന് വ്യത്യസ്തമായ സിനിമയാവണമെന്നും അതിന് വേണ്ടി ഞാൻ ശ്രമിക്കുകയും ചെയ്ത ചിത്രമായിരുന്നു പിൻഗാമി.’ സത്യൻ അന്തിക്കാട് കൂട്ടി ചേർത്തു. മോഹൻലാൽ – സത്യൻ അന്തിക്കാട് ഒരു പുതിയ ചിത്രത്തിനായി വീണ്ടും ഒന്നിക്കുന്നു എന്ന വാർത്തയാണ് ഇപ്പോൾ കേൾക്കുന്നത്. ഇരുവരും ചേർന്നുള്ള 18-ാമത്തെ ചിത്രത്തിന് ‘ഹൃദയപൂർവം’ എന്നാണ് പേരിട്ടിരിക്കുന്നത്. സത്യൻ അന്തിക്കാടിന്റേതായി ഒടുവിൽ പുറത്തിറങ്ങിയത് ജയറാം നായകനായ ‘മകൾ’ എന്ന ചിത്രമാണ്.
Read also: തലവൻ 2 : ജിസ് ജോയ്, ബിജു മേനോൻ, ആസിഫ് അലി ചിത്രത്തിന് രണ്ടാം ഭാഗം വരുന്നു!!
Athira is a seasoned content writer with 3+ years of experience crafting engaging articles, blog posts, and website content. With a background in journalism and a passion for storytelling, Her writing style is informative, conversational, and entertaining. When not writing, she enjoys hiking and exploring new ideas.
