Indrajith Sukumaran Entry To Bollywood Industry: ബോളിവുഡ് സിനിമ രംഗത്തേക്ക് തുടക്കം കുറിക്കുകയാണ് ഇന്ദ്രജിത്ത് സുകുമാരന്‍. സംവിധായകന്‍ അനുരാഗ് കശ്യപ് സംവിധാനം ചെയ്യുന്ന ചിത്രത്തിലൂടെയാണ് ഇന്ദ്രജിത്ത് ഹിന്ദി സിനിമയിലേക്ക് തന്റെ രംഗപ്രവേശനം നടത്തുന്നത്. സിനിമയുടെ ചിത്രീകരണം ഇതിനോടകം പൂർത്തീകരിച്ചിട്ടുണ്ട്. ഇക്കാര്യം ഇന്ദ്രജിത്ത് തന്നെയാണ് തന്റെ സോഷ്യൽ മീഡിയയിലൂടെ പങ്കുവെച്ചിരിക്കുന്നത്. അനുരാഗിനൊപ്പം പ്രവർത്തിക്കാൻ കഴിഞ്ഞതിനുള്ള സന്തോഷം കൂടി അറിയിച്ചിരിക്കുകയാണ് ഇന്ദ്രജിത്ത്.
എൻ്റെ ആദ്യ ഹിന്ദി ഫീച്ചർ ഫിലിമിന്റെ ഷൂട്ട് കഴിഞ്ഞു. അനുരാഗ് കശ്യപിനെപ്പോലെ പ്രഗത്ഭനായ സംവിധായകനോടൊപ്പം പ്രവർത്തിക്കാൻ കഴിഞ്ഞതിൽ സന്തോഷം. ഈ ചിത്രം ഇനി നിങ്ങളിലേക്ക് എത്തുന്നതിന്റെ ആകാംക്ഷയിലാണ്’ എന്നാണ് സോഷ്യൽ മീഡിയയിലൂടെ ഇന്ദ്രജിത്ത് പങ്കുവെച്ചിരിക്കുന്നത്. ഇന്ദ്രജിത്തിന്റെ പോസ്റ്റിന് മറുപടിയായി അനുരാഗ് കശ്യപും കമന്റ് രേഖപ്പെടുത്തി. നിങ്ങളോടൊപ്പം പ്രവർത്തിച്ചത് തികച്ചും സന്തോഷകരമായിരുന്നു. ഈ സിനിമയിൽ പ്രവർത്തിച്ചതിന് നന്ദി, ഇത് ഒരു തുടക്കം മാത്രമാണ്. ഹിന്ദി സിനിമയിലെ ഒട്ടുമിക്ക അഭിനേതാക്കളെക്കാളും നന്നായി നിങ്ങൾ ഹിന്ദി സംസാരിക്കും. ഒപ്പം പ്രവർത്തിക്കാൻ കഴിഞ്ഞത് ഒരു ബഹുമതിയാണ്.
Indrajith Sukumaran Entry To Bollywood Industry
എന്നും നിങ്ങൾ എൻ്റെ ഇളയ സഹോദരനായിരിക്കും അനുരാഗ് കുറിച്ചു.ചിത്രത്തിന്റെ കൂടുതൽ വിവരങ്ങൾ ഒന്നും പുറത്തുവിട്ടിട്ടില്ല. എന്നാൽ വരും ദിവസങ്ങളിൽ ചിത്രത്തിൻ്റെ കൂടുതൽ വിവരങ്ങൾ ഉടൻ പുറത്തുവിടുമെന്നും താരം അറിയിച്ചു. ഇന്ദ്രജിത്ത് ബോളിവുഡിലേക്ക് തുടക്കം കുറിച്ച ഈ ചിത്രം പ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന ഒന്നാണ്. വിജയ് സേതുപതിയ്‌ക്കൊപ്പം മഹാരാജ എന്ന തമിഴ് ചിത്രത്തിലാണ് അനുരാഗ് കശ്യപ് അവസാനമായി ഒരു നടൻ എന്ന നിലയിൽ അഭിനയിച്ചത്. ആഷിഖ് അബു സംവിധാനം ചെയ്യുന്ന ‘റൈഫിൾ ക്ലബ്ബ്’ എന്ന ചിത്രത്തിലൂടെ അനുരാഗ് കശ്യപ് മലയാളത്തിലേക്കെത്തുകയാണ്. ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്ന അനുരാഗ് കശ്യപിൻ്റെ ആദ്യ മലയാള ചിത്രം കൂടിയാണ് റൈഫിൾ ക്ലബ്ബ്.
ശ്യാം പുഷ്‌കരനും ദിലീഷ് കരുണാകരനും ചേർന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ആഷിഖ് അബു, വിൻസൻ്റ് വടക്കൻ, വിശാൽ വിൻസൻ്റ് ടോണി എന്നിവർ ചേർന്നാണ് ചിത്രം നിർമിക്കുന്നത്. ദിലീഷ് പോത്തൻ, വാണി വിശ്വനാഥ്, അനുരാഗ് കശ്യപ്, വിൻസി അലോഷ്യസ് എന്നിവരാണ് ചിത്രത്തിൽ പ്രധാന കഥാപാത്രങ്ങളായി എത്തുന്നത്.ചിത്രത്തിനായി ഏറെ പ്രതീക്ഷയിലാണ് പ്രേക്ഷകരും.മിസ്റ്റർ ആൻഡ് മിസ്സിസ് ബാച്ചിലർ എന്ന സിനിമയും ഇന്ദ്രജിത്തിന്റെ ഏറ്റവും പുതിയ സിനിമയാണ്.ഇന്ദ്രജിത്തിനൊപ്പം നായികയായി അനശ്വര രാജൻ ആണ് സിനിമയിൽ എത്തുന്നത്.ദീപു കരുണാകരൻ ആണ് ചിത്രത്തിന്റെ സംവിധാനം നിർവഹിച്ചിരിക്കുന്നത്.അർജുൻ ടി. സത്യൻ ആണ് ചിത്രത്തിന്റെ തിരക്കഥ ഒരുക്കുന്നത്.
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.
