മലയാളത്തിൽ നിരവധി ആരാധകരുള്ള നടനാണ് ജോജു ജോർജ്. ജൂനിയർ ആർട്ടിസ്റ്റായി തുടക്കം കുറിച്ച് ഇന്ന് നിരവധി നായക വേഷങ്ങൾ കൈകാര്യം ചെയ്തു. ഇപ്പോൾ ഇതാ ജോജു ജോർജ് സംവിധാന രംഗതേക്കും തുടക്കം കുറിച്ചിരിക്കുകയാണ്. ജോജു ജോർജ് രചനയും സംവിധാനവും നിർവഹിക്കുന്ന പണി എന്ന ചിത്രത്തിന്റെ ട്രൈയിലർ ഇതിനോടകം പുറത്തു വിട്ടു. (Joju George Latest Movie Pani Trailer Out Now)
ഹെവി ആക്ഷൻ പാക്ക്ഡ് ഫാമിലി എന്‍റർടെയ്നറാണ് ചിത്രമെന്ന് ട്രെയിലറിൽ നിന്ന് വ്യക്തമാണ്. മലയാളം കൂടാതെ തമിഴ്, തെലുങ്ക്, കന്നഡ, ഹിന്ദി എന്നി ഭാഷകളിലും ചിത്രം പുറത്തിറങ്ങുന്നുണ്ട്.ചിത്രത്തിലെ മറന്നാടു പുള്ളെ എന്ന ഗാനവും സോഷ്യൽ മീഡിയയിൽ ഏറെ വൈറൽ ആയിരുന്നു. ബിഗ് ബജറ്റില്‍ ഒരുങ്ങുന്ന ചിത്രമാണ് പണി. അഭിനയ ആണ് ചിത്രത്തിൽ നായിക വേഷത്തിൽ എത്തുന്നത്.
Joju George Latest Movie Pani Trailer Out Now
സാഗർ, ജുനൈസ്, ഗായിക അഭയ ഹിരൺമയി, പ്രശാന്ത് അലക്സ്, സുജിത് ശങ്കർ തുടങ്ങിയവരും ചിത്രത്തിൽ അഭിനയിക്കുന്നു. 110 ദിവസത്തിലധികം ചിത്രത്തിന്റെ ഷൂട്ടിംഗ് ഉണ്ടായിരുന്നുവെന്നും റിപ്പോർട്ടുകൾ പറയുന്നു. തൃശൂരിനെ പശ്ചാത്തലമാക്കികൊണ്ടാണ് ചിത്രം ഒരുങ്ങുന്നത്. ഒരു മാസ്സ്, ത്രില്ലർ, റിവഞ്ച് ജോണറിൽ എത്തുന്ന ചിത്രമാണിത്. ഗുണ്ടാ സംഘങ്ങളും പൊലീസും തമ്മിലുമുള്ള നിരവധി സംഘർഷങ്ങളും ചിത്രത്തിലുണ്ട്. ചിത്രം ഒക്ടോബർ 24 ന് തിയറ്ററുകളിൽ എത്തും.
ജോജുവിന്‍റെ തന്നെ പ്രൊഡക്ഷൻ കമ്പനിയായ അപ്പു പാത്തു പപ്പു പ്രൊഡക്ഷൻസിന്‍റെയും, എ ഡി സ്റ്റുഡിയോസിന്‍റെയും, ശ്രീ ഗോകുലം മൂവീസിന്‍റെയും ബാനറിൽ എം റിയാസ് ആദം, സിജോ വടക്കൻ എന്നിവർ ചേർന്നാണ് നിർമ്മിച്ചിരിക്കുന്നത്. വിഷ്ണു വിജയ്, സാം സി എസ് എന്നിവരാണ് ചിത്രത്തിന്റെ സംഗീതം നിർവഹിച്ചിരിക്കുന്നത്. പ്രൊഡക്ഷൻ ഡിസൈൻ: സന്തോഷ് രാമൻ, എഡിറ്റർ: മനു ആന്‍റണി, ക്യാമറ വേണു ISC, ജിന്‍റോ ജോർജ്. മേക്കപ്പ്: റോഷൻ എൻ.ജി, കോസ്റ്റ്യൂം: സമീറ സനീഷ്, പ്രൊഡക്ഷൻ കൺട്രോളർ: ദീപക് പരമേശ്വരൻ, ശ്രീ ഗോകുലം മൂവിസിലൂടെ ഡ്രീം ബിഗ് ഫിലിംസ് ആണ് ചിത്രം വിതരണത്തിന് എത്തിക്കുന്നത്. പിആർഒ: ആതിര ദിൽജിത്ത്, മാർക്കറ്റിംഗ്: ഒബ്സ്ക്യൂറ എന്‍റർടെയ്ൻമെന്‍റ്സ്
Read Also : കേരള ബ്ലാസ്റ്റേഴ്സ് ആരാധകർ ഒരു കിരീടം അർഹിക്കുന്നുണ്ട് :ബ്ലാസ്റ്റേഴ്സ് ഗോൾകീപ്പർ പറയുന്നു!
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.
