Nikhila Vimal Funny Moments At Shooting Location: നടി നിഖില വിമലിൻ്റെ രസകരമായ ഭാവപ്രകടനങ്ങൾ ക്യാമറയിൽ പകർത്തിയിരികുകയാണ് വ്ളോഗർ. ഷൂട്ടിങ് ഇടവേളയിലെ രസകരമായ നിമിഷങ്ങളാണ് ഫാഷൻ ഫോട്ടോഗ്രാഫറും വ്ളോഗറുമായ ജിയോ ജോമി ക്യാമറയിലാക്കിയത്. നിമിഷനേരത്തിനുള്ളിൽ നിഖിലയുടെ മുഖത്തു മിന്നിമായുന്ന ഭാവങ്ങളും വീഡിയോയിൽ കാണാം.മനു അശോകൻ സംവിധാനം ചെയ്യുന്ന ‘ഐസ് ‘എന്ന വെബ് സീരീസിൻ്റെ സെറ്റിൽ നിന്നുളള ദൃശ്യങ്ങളാണ് വൈറലായത്. ‘ക്യാമറ റോൾ ചെയ്യാത്തപ്പോഴാണ് യഥാർഥ മാജിക് സംഭവിക്കുന്നത്’ എന്ന അടിക്കുറിപ്പോടെയാണ് ജിയോ ജോമി വിഡിയോ പങ്കുവച്ചത്.
സെറ്റിൽ തമാശ പറഞ്ഞും കുസൃതികാട്ടിയും കറങ്ങി നടക്കുന്ന നിഖിലയേയാണ് വീഡിയോയിൽ കാണാനാവുക. ശരിക്കും ഒരു സ്കൂൾ കുട്ടിയെ പോലെയാണ് തോന്നുന്നത്. മറ്റൊരാൾ ഫോണിൽ നിഖിലയുടെ വീഡിയോ എടുക്കുന്നുണ്ട്. എന്തൊക്കെയോ പറഞ്ഞ് അവസാനം കൈകൂപ്പി ഇപ്പോഴത്തെ വൈറൽ ഡയലോഗായ ഷിബുദിനം എന്നു പറയുന്നതും വീഡിയോയിലുണ്ട്. വെള്ളയിൽ നീല പൂക്കളുള്ള സിമ്പിൾ കുർത്തിയാണ് നിഖില വിമൽ ധരിച്ചിരിക്കുന്നത്. വീഡിയോ കണ്ടയുടൻ നിരവധി പേരാണ് കമൻറുകളുമായി എത്തിയത്. ‘തഗ് ലേഡി’ എന്നാണ് സംവിധായകൻ മനു അശോകന്റെ ഭാര്യ ശ്രേയ ഈ വീഡിയോക്ക് കമന്റ് ചെയ്തത്.
ഐസ്’ എന്ന പുതിയ വെബ് സീരീസിന്റെ സെറ്റിൽ വെച്ചാണ് വൈറൽ വീഡിയോ ഉണ്ടായത്. ഷൂട്ടിംഗ് ഇടവേളകളിലെ നിഖിലയുടെ കുസൃതികളും വീഡിയോയിൽ കൃത്യമായി കാണാം. ഒരേ സമയം നിരവധി ഭാവങ്ങളും കാണാം. പണ്ടേ നിഖില ഒരു കുറുമ്പി ആണെന്ന് സംവിധായകൻ സത്യൻ അന്തിക്കാട് ഒരിക്കൽ പറഞ്ഞിരുന്നു.നിഖിലയുടെ അവസാനം റിലീസ് ചെയ്ത ചിത്രം വിപിൻ ദാസ് സംവിധാനം ചെയ്ത ഗുരുവായൂരമ്പല നടയിൽ ആണ്. ചിത്രത്തിലെ നിഖിലയുടെ അഭിനയത്തിന് രൂക്ഷ വിമർശനമായിരുന്നു പൊതുവേ. മാത്രമല്ല നിരവധി ട്രോളുകളായിരുന്നു സോഷ്യൽ മീഡിയയിലും. പുതിയ വീഡിയോ കണ്ടാൽ നിഖിലക്ക് അഭിനയിക്കാൻ അറിയില്ലെന്ന് ആരും പറയില്ല.
Nikhila Vimal Funny Moments At Shooting Location
ഉയരെ, കാണെക്കാണെ എന്ന ചിത്രങ്ങൾക്കു ശേഷം മനു അശോകനും ബോബി സഞ്ജയും ഒന്നിക്കുന്ന പ്രോജക്ടാണ് ‘ഐസ്’. ഏറെ പ്രതീക്ഷയോടെ കാത്തിരിക്കുന്ന വെബ് സീരീസാണ് ഐസ്. കനി കുസൃതി, ശ്രുതി രാമചന്ദ്രൻ, സാനിയ ഇയ്യപ്പൻ, ദേവ് മോഹൻ തുടങ്ങിയ താരങ്ങൾ സീരീസിൽ അഭിനയിക്കുന്നുണ്ട്. നേരത്തേ മത്തകം, പേരില്ലൂർ പ്രീമിയർ ലീഗ് എന്നീ വെബ് സീരീസുകളിൽ നിഖില അഭിനയിച്ചിരുന്നു. ഇപ്പോഴിതാ സാമുഹ്യ മാധ്യമങ്ങളിൽ ഈ ക്യൂട്ട് വീഡിയോ വൈറലാണ്.
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.
Pingback: അയൺ ബോക്സ് കൊണ്ട് അന്ന് അയാൾ തലയ്ക്ക് അടിച്ചു, വീണപ്പോഴാണ് നെറ്റിയിൽ നിന്ന് ചോര വരുന്നുണ്ടെന്