thamanas new film song goes viral stree 2: കിടിലൻ ഡാൻസുമായി വീണ്ടും പ്രേക്ഷകരിലേക്ക് എത്തിയിരിക്കുകയാണ് തെന്നിന്ത്യൻ തരാം തമന്ന . രജനികാന്ത് നായകനായി നെൽസൺ സംവിധാനം ചെയ്ത ജെയ്‌ലറിൽ തമന്ന എത്തിയിരുന്നു . ‘കവലയ്യ’ എന്ന് തുടങ്ങുന്ന ഗാനത്തിന് താരസുന്ദരി ചുവടുവച്ചപ്പോൾ കഴിഞ്ഞ വർഷത്തെ ഹിറ്റ് ഗാനമായി അതുമാറി .
രാജ്കുമാര്‍ റാവുവും ശ്രദ്ധ കപൂറും കേന്ദ്രകഥാപാത്രങ്ങളെ അവതരിപ്പിക്കുന്ന ‘സ്ത്രീ 2’ൽ ആണ് തമന്ന ചുവടുവച്ചിരിക്കുന്നത് . മധുബന്തി ബാഗ്ചി , ദിവ്യ കുമാർ , സച്ചിൻ ജിഗർ എന്നിവരാണ് ഈ ഗാനം ആലപിച്ചിരിക്കുന്നത് . സച്ചിൻ ജിഗർ സംഗീതം നൽകിയ ഗാനത്തിന്റെ വരികൾ എഴുതിയിരിക്കുന്നത് അമിതാഭ് ഭട്ടാചാര്യയാണ്. കവലയ്യ പോലെ ഹിറ്റ് ആയി മാറുകയാണ് ഈ ഗാനവും . പത്ത് മില്യണിലധികം പേരാണ് ഗാനം കണ്ടിരിക്കുന്നത്. ചിത്രം ഓഗസ്റ്റ് 15 ന് തിയേറ്ററുകളിൽ എത്തുമെന്നാണ് പുതിയ വിവരം .
അമർ കൗശിക് സംവിധാനം ചെയുന്ന ചിത്രത്തിൽ അപർശക്തി ഖുറാന, പങ്കജ് ത്രിപാഠി, അഭിഷേക് ബാനർജി എന്നിവരും പ്രധാന വേഷത്തില്‍ എത്തുന്നുണ്ട് . തമന്നയും ചിത്രത്തില്‍ മറ്റൊരു പ്രധാന വേഷത്തില്‍ എത്തുന്നുണ്ട് എന്നാണ് സൂചനകൾ . ദിനേശ് വിജൻ്റെ മഡോക്ക് ഫിലിംസാണ് സ്ത്രീ 2 നിർമ്മിക്കുന്നത്.
thamanas new film song goes viral stree 2
ശ്രദ്ധ കപൂറും രാജ്കുമാർ റാവുവും ഒന്നിച്ച് 2018 ല്‍ ബോളിവുഡില്‍ ഹിറ്റ് ആക്കിമാറ്റിയ ചിത്രമായിരുന്നു സ്ത്രീ . അമർ കൗശിക് സംവിധാനം ചെയ്ത ചിത്രം ഹൊറർ കോമഡി ജോണറിൽ ആയിരുന്നു റിലീസ് ചെയ്തത് . ലസ്റ്റ് സ്റ്റോറി 2വിന് ശേഷം തമന്നയുടെതായി പുറത്തിറങ്ങുന്ന പുതിയ ഹിന്ദി ചിത്രമാണ് സ്ത്രീ 2 . അതെ സമയം തമന്ന അഭിനയിച്ച അരമനൈ 4 മികച്ച പ്രേക്ഷക അഭിപ്രായമാണ് നേടിയത് .
Athira is a seasoned content writer with 3+ years of experience crafting engaging articles, blog posts, and website content. With a background in journalism and a passion for storytelling, Her writing style is informative, conversational, and entertaining. When not writing, she enjoys hiking and exploring new ideas.
