ar rahman speaks about michael jackson: പോപ് ഇതിഹാസം മൈക്കിൾ ജാക്സനുമായുള്ള ആദ്യ കൂടിക്കാഴ്ചയെക്കുറിച്ച് വാചാലനായി സംഗീത സംവിധായകൻ എ.ആർ.റഹ്മാൻ. ശങ്കറിന്റെ സംവിധാനത്തില്‍ എത്തിയ ‘എന്തിരന്’ സിനിമയില്‍ മൈക്കിള്‍ ജാക്‌സണ്‍ പാടേണ്ടതായിരുന്നു എന്നാണ് എ.ആര്‍ റഹ്‌മാന്‍ വെളിപ്പെടുത്തിയിരിക്കുന്നത്. ഫ്രീ മലേഷ്യ ടുഡേ ന്യൂസിന്റെ ഭാഗമായി നടന്ന മീറ്റില്‍ ഒരു ആരാധകനോടാണ് റഹ്‌മാന്‍ പ്രതികരിച്ചത്.
എ.ആർ റഹ്മാന്റെ വാക്കുകൾ :
2009 തുടക്കത്തിൽ ഞാൻ എന്റെ ഏജന്റുമായി ലോസ് ഏഞ്ചലസിൽ ഉണ്ടായിരുന്നു. ആ സമയത്ത് അദ്ദേഹം എന്നെ ഒരാൾക്ക് പരിചയപ്പെടുത്തി. അദ്ദേഹം എന്നോട് പറഞ്ഞു ഇത് എന്റെ ഫ്രണ്ടാണ് അദ്ദേഹം മെെക്കിൾ ജാക്സണിന്റെ മനേജറാണ് എന്ന്. ആ സമയം വെറുതെ ടെസ്റ്റ് ചെയ്യാൻ വേണ്ടി ഞാൻ ചോദിച്ചു എനിക്ക് മെെക്കിൾ ജാക്സണിനെ കാണാൻ കഴിയുമോ എന്ന്. അതെ, അതെ തീർച്ചയായും, ഞാൻ നിങ്ങൾ‌ക്ക് ഒരു ഇ-മെയിൽ അയയ്ക്കാം എന്ന് പറഞ്ഞു. അത് പറഞ്ഞതിന് ശേഷം ഒരാഴ്ചയോളം യാതൊരു തരത്തിലുമുള്ള പ്രതികരണമുണ്ടായിരുന്നില്ല.
ഞാൻ ഒന്നും പറഞ്ഞില്ല, പിന്നീട് ഞാൻ തന്നെ പറഞ്ഞു അത് കുഴപ്പമില്ല എന്ന്. അതിന് ശേഷമാണ് ഞാൻ ഓസ്കറിന് വേണ്ടി നാമനിർദ്ദേശം ചെയ്യപ്പെട്ടത്. അതിന് ശേഷം എനിക്ക് ആ ഈ-മെയിൽ വന്നു. മെെക്കിൾ ജാക്സൺ നിങ്ങളെ കാണാൻ ആഗ്രഹിക്കുന്നുവെന്നായിരുന്നു അത്. പക്ഷേ ഞാൻ പറഞ്ഞു എനിക്ക് അദ്ദേഹത്തെ കാണാൻ ആഗ്രഹമില്ല.
ഞാൻ ഓസ്കർ നേടുകയാണ് എങ്കിൽ മാത്രം ഞാൻ അദ്ദേഹത്തെ കാണാം, അതല്ലാത്ത പക്ഷം ഞാൻ അദ്ദേഹത്തെ കാണാൻ ആഗ്രഹിക്കുന്നില്ല എന്ന്. എനിക്ക് ഉറപ്പായിരുന്നു ഞാൻ ഓസ്കർ നേടുമെന്ന്. എനിക്ക് ഓസ്കർ ലഭിച്ചതിന്റെ പിറ്റേ ദിവസം ഞാൻ അദ്ദേഹത്തെ കാണാൻ പോയി. ലോസ് ഏഞ്ചലസിലുള്ള അദ്ദേഹത്തിന്റെ വീട്ടിൽ എന്റെ ഡ്രെെവർ എന്നെ കൊണ്ടു വിട്ടു. സമയം ഏകദേശം 6:30 ആയിരുന്നു, സൂര്യൻ അസ്തമിച്ചു തുടങ്ങിയിരുന്നു. കയ്യുറകൾ ധിരിച്ച ആരോ വന്ന് വാതിൽ തുറന്നു. എനിക്ക് രണ്ട് ഓസ്കാറുകൾ നേടിയ സന്തോഷം തോന്നി, ലോകത്തിന്റെ നെറുകയിൽ എത്തിയതുപോലെ, അദ്ദേഹത്തിന് എന്റെ സംഗീതം ഇഷ്ടപ്പെട്ടു എന്ന് പറഞ്ഞു.
‘ലോകസമാധാന’ത്തെക്കുറിച്ചും അദ്ദേഹത്തിൻ്റെ ഐതിഹാസികമായ നൃത്തച്ചുവടുകളെക്കുറിച്ചും ഞങ്ങൾ സംസാരിച്ചു. അദ്ദേഹം എന്നെ അദ്ദേഹത്തിന്റെ കുട്ടികൾക്ക് പരിചയപ്പെടുത്തി. പക്ഷേ രാവും പകലും ജോലി ചെയ്തതിനാൽ ഞാൻ അന്ന് വളരെ ക്ഷീണിതനായിരുന്നു. ഇന്ത്യയിലേക്ക് തിരിച്ചെത്താൻ ഞാൻ കാത്തിരിക്കുകയായിരുന്നു. രണ്ട് മണിക്കൂറോളം അദ്ദേഹം എന്നോട് സംസരിച്ചു. ഞാൻ നൃത്തം ചെയ്യുമ്പോൾ എന്റെ ഹൃദയം കൊണ്ടാണ് അത് ചെയ്യുന്നത് എന്ന് അദ്ദേഹം പറഞ്ഞു. അത് മറക്കാനാവത്ത അനുഭവമായിരുന്നു.
ar rahman speaks about michael jackson
ഞാൻ തിരിച്ച് വീട്ടിലേക്ക് പോയി, എന്തിരൻ സിനിമയുടെ പണിപ്പുരയിലായിരുന്നു ഞാൻ. ആ സമയം ഷങ്കർ സാർ എന്നോട് ചോദിച്ചു. നിങ്ങൾ മെെക്കിൾ ജാക്ക്സണെ കണ്ടല്ലേ? എന്നിട്ട് എന്താണ് നിങ്ങൾ ഒരുമിച്ച് ഒരു പാട്ട് ചെയ്യാത്തത് എന്ന്. അദ്ദേഹം തമിഴ് പാട്ട് പാടുമോ എന്ന് ഞാൻ തിരിച്ചു ചോദിച്ചു. അങ്ങനെ ഞാൻ അദ്ദേഹത്തെ വിളിച്ചു. അദ്ദേഹം വന്നു, ഞങ്ങൾ സംസാരിച്ചു. നിങ്ങൾ എന്താണോ പറയുന്നത് അതുപോലെ തന്നെ നമുക്ക് ഒരുമിച്ച് ചെയ്യാം എന്ന് പറഞ്ഞു. ഞങ്ങൾ വീണ്ടും കണ്ടുമുട്ടി, പക്ഷേ നിർഭാഗ്യവശാൽ, 2009-ൽ അദ്ദേഹം അന്തരിച്ചു…
Athira is a seasoned content writer with 3+ years of experience crafting engaging articles, blog posts, and website content. With a background in journalism and a passion for storytelling, Her writing style is informative, conversational, and entertaining. When not writing, she enjoys hiking and exploring new ideas.
