Dhanush New Movie Raayan Trailer Out: പവർ പാണ്ടി’ എന്ന സിനിമയ്ക്ക് ശേഷം ധനുഷ് തന്നെ തിരക്കഥ എഴുതി സംവിധാനം ചെയ്യുന്ന പുതിയ ചിത്രം റായന്റെ ട്രൈലെർ പുറത്തു വിട്ടു. ജൂലായ് 16 ന് വൈകിട്ട് 6 മണിക്ക് പ്രീമിയർ ചെയ്ത ട്രെയിലർ ആക്ഷനും സസ്‌പെൻസും ത്രില്ലും നിറഞ്ഞ ഒരു ചിത്രമാണ് വാഗ്ദാനം ചെയ്യുന്നത്. വയലൻസ് ഏറെ നിറഞ്ഞ സിനിമയ്ക്ക് എ സർട്ടിഫിക്കറ്റ് ആണ് സെൻസർ ബോർഡ് നൽകിയിരിക്കുന്നത്.
1 മിനിറ്റ് 49 സെക്കൻഡ് ദൈർഘ്യമുള്ള ട്രെയിലർ ആകാംക്ഷ നിറയ്ക്കുന്നതാണ്. ധനുഷിന്റെ അൻപതാമത് ചിത്രമായി പുറത്തിറങ്ങുന്ന റായൻ നിർമിക്കുന്നത് സൺ പിക്‌ചേഴ്‌സിന്റെ ബാനറിൽ കലാനിധി മാരൻ ആണ്. എസ്.ജെ. സൂര്യയാണ് വില്ലൻ. ധനുഷിന്റെ സുഹൃത്തുക്കളായി കാളിദാസ് ജയറാമിനെയും സന്ദീപ് കിഷനെയും കാണാനാകും. എ ആർ റഹ്മാനാണ് ചിത്രത്തിന്റെ സംഗീത സംവിധാനം.
നിത്യാ മേനോൻ, അപർണ ബാലമുരളി, അനിഖ സുരേന്ദ്രൻ, എസ് ജെ സൂര്യ, സെൽവരാഘവൻ, വരലക്ഷ്മി ശരത്കുമാർ എന്നിവരാണ് ചിത്രത്തിലെ പ്രധാന അഭിനേതാക്കാളായി എത്തുന്നത്. ഓം പ്രകാശ് ഛായാഗ്രഹണം നിർവഹിച്ചിരിക്കുന്നത്. ചിത്രത്തിന്റെ എഡിറ്റിംഗ് ജി കെ പ്രസന്നയാണ് കൈകാര്യം ചെയ്‌തത്‌. മൂന്ന് ദിവസത്തിനുള്ളിൽ ആഗോളതലത്തിൽ 100 കോടി നേടിയ കമൽഹാസൻ്റെ ‘ഇന്ത്യൻ 2’ വിജയകരമായ ലോഞ്ചിനെ തുടർന്ന് ‘രായൺ’ ജൂലൈ 26 ന് റിലീസ് ചെയ്യും.
ചിത്രം തമിഴ്, തെലുങ്ക്, ഹിന്ദി ഭാഷകളിലായി ആണ് തിയറ്ററുകളിലെത്തുക. പവർ പാണ്ടി എന്ന പേരിൽ ധനുഷ് ആദ്യമായി സംവിധാനം ചെയ്ത ചിത്രത്തിൽ രാജ്‌കിരൺ, രേവതി, പ്രസന്ന എന്നിവർ പ്രധാന കഥാപാത്രങ്ങൾ ആയിരുന്നു. ഒരു ഫീൽ ഗുഡ് ഡ്രാമയായി ഒരുങ്ങിയ ചിത്രത്തിന്റെ തിരക്കഥയും നിർമാണവും ധനുഷിന്റെ തന്നെ ആയിരുന്നു.
Dhanush New Movie Raayan Trailer Out
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.
