കേരള ബ്ലാസ്റ്റേഴ്‌സ് ആരാധകർ (kerala blasters fans) വളരെ ആവേശത്തോടെയാണ് നോഹ സദോയി ടീമിലേക്കെത്തുന്നത് കാത്തിരുന്നത്. കഴിഞ്ഞ രണ്ടു സീസണുകളായി എഫ്‌സി ഗോവക്ക് വേണ്ടി മിന്നുന്ന പ്രകടനം നടത്തിയ താരം കരാർ അവസാനിച്ചതോടെ ബ്ലാസ്റ്റേഴ്‌സുമായി ധാരണയിൽ എത്തുകയായിരുന്നു. കഴിഞ്ഞ സീസണിൽ തന്നെ ട്രാൻസ്‌ഫർ ധാരണയിൽ എത്തിയെങ്കിലും സീസൺ അവസാനിച്ചതിന് ശേഷമാണ് പ്രഖ്യാപനം ഉണ്ടായത്.
മുന്നേറ്റനിരയിൽ നിന്നും ദിമിത്രിയോസ് ഡയമെന്റക്കൊസ് പോയതിന്റെ അഭാവം പരിഹരിക്കാൻ നോഹ സദോയിക്ക് കഴിഞ്ഞിട്ടുണ്ടെന്നതിൽ യാതൊരു സംശയവുമില്ല. രണ്ടു പൊസിഷനിൽ കളിക്കുന്ന താരങ്ങളാണെങ്കിലും ഗോളടിക്കാനും കളി മെനയാനും ഗോളടിപ്പിക്കാനും കഴിയുന്ന നോഹ സദോയി കേരള ബ്ലാസ്റ്റേഴ്‌സിൽ(kerala blasters) എത്തിയത് മുതൽ ഗോവയിൽ ഉണ്ടായിരുന്നതിനേക്കാൾ മികച്ച പ്രകടനമാണ് നടത്തുന്നത്.
കേരള ബ്ലാസ്റ്റേഴ്‌സിനൊപ്പം(kerala blasters) നടത്തുന്ന പ്രകടനത്തിന് അർഹിച്ച അംഗീകാരം കഴിഞ്ഞ ദിവസം നോഹയെ തേടിയെത്തിയിട്ടുണ്ട്. സെപ്‌തംബർ മാസത്തിൽ കേരള ബ്ലാസ്റ്റേഴ്‌സിലെ(kerala blasters) ഏറ്റവും മികച്ച താരമായി തിരഞ്ഞെടുത്തത് നോഹ സദോയിയെയാണ്. മൂന്നു മത്സരങ്ങളിൽ നിന്നും രണ്ടു ഗോളുകളാണ് മൊറോക്കൻ താരം സെപ്‌തംബർ മാസത്തിൽ ടീമിനായി നേടിയത്.
🚨| Official: Noah Sadaoui selected as KBFC September Player Of The Month 🌟🇲🇦 #KBFC pic.twitter.com/IOHwIzcbqN
— KBFC XTRA (@kbfcxtra) October 7, 2024
അഡ്രിയാൻ ലൂണയുടെ (luna kerala blasters) അഭാവം ഉണ്ടായിരുന്നത് പരിഹരിക്കാൻ നോഹക്ക് കഴിഞ്ഞുവെന്നതാണ് പ്രധാനപ്പെട്ട കാര്യം. കഴിഞ്ഞ സീസൺ വരെ ടീമിൽ ഏറ്റവുമധികം അവസരങ്ങൾ സൃഷ്‌ടിച്ചിരുന്ന താരം ലൂണ ആയിരുന്നെങ്കിൽ ഈ സീസണിൽ അത് നോഹയാണ്. മൊറോക്കൻ താരത്തിന്റെ വരവോടെ കേരള ബ്ലാസ്റ്റേഴ്‌സ് മുന്നേറ്റത്തിന് വളരെയധികം മൂർച്ച കൂടിയിട്ടുണ്ട്.
kerala blaster player of the month
മുന്നേറ്റനിരയിൽ മികച്ചൊരു സഖ്യം ഉണ്ടായി വരുന്നതിന്റെ സൂചനകളും തെളിയുന്നുണ്ട്. കഴിഞ്ഞ മത്സരത്തിൽ നോഹ സദോയി, ജീസസ് ജിമിനസ് സഖ്യം ഒഡിഷ എഫ്‌സിയെ വിറപ്പിച്ചിരുന്നു. വിജയിക്കേണ്ട മത്സരത്തിൽ സമനില വഴങ്ങിയെങ്കിലും ഓരോ മത്സരങ്ങൾ കഴിയുന്തോറും മുന്നേറ്റനിരയിലെ ഈ കൂട്ടുകെട്ട് മെച്ചപ്പെട്ടു വരുന്നത് ബ്ലാസ്റ്റേഴ്‌സിന് ശുഭപ്രതീക്ഷയാണ്.
Athira is a seasoned content writer with 3+ years of experience crafting engaging articles, blog posts, and website content. With a background in journalism and a passion for storytelling, Her writing style is informative, conversational, and entertaining. When not writing, she enjoys hiking and exploring new ideas.
