Manjummel Boys VFX Making Video Out Now: മലയാള സിനിമയുടെ സീൻ തന്നെ മാറ്റിയെഴുതിയ ചിത്രമാണ് മഞ്ഞുമ്മൽ ബോയ്സ്. കേരളത്തിന് പുറത്തും അകത്തുമായി വലിയ സ്വീകാര്യതയാണ് ലഭിച്ചത്. യഥാർത്ഥ സംഭവത്തെ ആസ്‌പദമാക്കി നിർമിച്ച ചിത്രം സൗഹൃദത്തിൻ്റെ തീവ്രതയെ കാണിച്ചുതന്നിരുന്നു എന്നതാണ് ചിത്രത്തെ ആകർഷകമാക്കിയത്.
മികച്ച പ്രകടനത്തിനൊപ്പം തന്നെ ചിത്രത്തിന്റെ ആർട്ട് വർക്കും വിഎഫ്എക്സ്‌സും പരക്കെ പ്രശംസിക്കപ്പെട്ടിരുന്നു. ഒറിജിനൽ ഗുണ കേവിനോട് സാമ്യം വരുന്നതായിരുന്നുആർട്ട് ടീം ഒരുക്കിയ ആർട്ടിഫിഷ്യൽ കേവും. ചിത്രത്തിന്റെ വിഎഫ്എക്സ് ബ്രേക്ക്ഡൗൺ വിഡിയോ പുറത്ത് വിട്ടിരിക്കുകയാണ് ഇപ്പോൾ.
സുഭാഷിനെ രക്ഷിക്കുന്ന സീനുകളും സെറ്റിട്ട ഗുണാകേവും മാത്രമല്ല വഴിയോരത്തെ മലകളും തടിയും കൂണുകളും മഴവെള്ളവും വരെ വിഎഫ്എക്സ് ചെയ്തിട്ടുണ്ട്. എഗ്‌വൈറ്റ് ടീമാണ് ചിത്രത്തിന്റെ വിഎഫ്എക്സ് ചെയ്തിരിക്കുന്നത്. തൗഫീക് ഹുസൈൻ ആണ് വിഎഫ്എക്സ് സൂപ്പർവൈസർ. വിഡിയോ പുറത്ത് വിട്ടതോടെ ഇതൊക്കെ ഗ്രാഫിക്സ് ആയിരുന്നോ എന്നാണ് പ്രേക്ഷകർ ചോദിക്കുന്നത്.
ചിദംബംരം സംവിധാനം ചെയ്‌ത ചിത്രത്തിൽ സൗബിൻ ഷാഹിർ, ഗണപതി, ചന്തു, ഖാലിദ് റഹ്‌മാൻ, ജീൻ പോൾ ലാൽ, ബാലു വർഗീസ് തുടങ്ങി നിരവധി താരങ്ങളാണ് അഭിനയിച്ചത്. ചിത്രം ബോക്സ് ഓഫീസിലും വെന്നിക്കൊടി പാറിച്ചു. തീയറ്ററിൽ 73 ദിവസം ഓടിയ ചിത്രം 242 കോടിയാണ് കലക്ട‌് ചെയ്തത്.
Manjummel Boys VFX Making Video Out Now
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.
