Mikhael Stahre New IG Post: കിരീടനേട്ടത്തോടെ ഐഎസ്എൽ സീസൺ ആരംഭിക്കാൻ ടീമുകൾക്കുള്ള അവസരമാണ് ഡ്യൂറൻഡ്. ഐഎസ്എല്ലിലെയും ഐ ലീഗിലെയും ഉൾപ്പെടെ നിരവധി ക്ലബുകൾ മത്സരിക്കുന്ന ഡ്യൂറൻഡ് കപ്പിൽ ഇത്തവണ കിരീടം ലക്ഷ്യമിട്ടാണ് കേരള ബ്ലാസ്റ്റേഴ്‌സ് ഇറങ്ങുന്നത്. കഴിഞ്ഞ ദിവസം പ്രഖ്യാപിച്ച സ്‌ക്വാഡിൽ നിന്നു തന്നെ ഇക്കാര്യം വ്യക്തമായിട്ടുണ്ട്. പല ടീമുകളും റിസർവ് ടീമിനെ അയക്കുന്ന ടൂർണമെന്റാണ് ഡ്യൂറൻഡ് കപ്പ്.
മുംബൈ സിറ്റി അടക്കമുള്ള പല ക്ലബുകളും തങ്ങളുടെ പ്രധാന ടീമിനെ അയക്കുന്നില്ലെന്ന് വ്യക്തമാക്കിയിട്ടുണ്ട്. അതേസമയം ഉള്ളതിൽ ഏറ്റവും മികച്ച ടീമിനെയാണ് ബ്ലാസ്റ്റേഴ്‌സ് ടൂർണ്ണമെന്റിനായി അണിനിരത്തിയിരിക്കുന്നത്. കിരീടമാണ് തങ്ങളുടെ ലക്ഷ്യമെന്ന് പരിശീലകൻ മൈക്കൽ സ്റ്റാറെയും കഴിഞ്ഞ ദിവസം പറഞ്ഞു. “തായ്‌ലൻഡിലെ ഇരുപത്തിയഞ്ചു ദിവസത്തെ ട്രെയിനിങ് ക്യാമ്പ് കഴിഞ്ഞതിനു ശേഷം ഡ്യൂറൻഡ് കപ്പിനായി ടീം കൊൽക്കത്തയിലേക്ക് എത്തിയിരിക്കുന്നു. ഇന്ത്യയെ ആദ്യമായി അറിയാൻ വേണ്ടി ഞാൻ കാത്തിരിക്കുകയാണ്.
Mikhael Stahre New IG Post
അതിനു പുറമെ ഇതുപോലെയൊരു ചരിത്രപരമായ ടൂർണമെന്റിന്റെ വെല്ലുവിളി ഏറ്റെടുത്ത് വിജയം നേടാൻ എന്റെ മുഴുവൻ ഊർജ്ജവും ഞാൻ നൽകും.” തന്റെ ഇൻസ്റ്റഗ്രാമിൽ മൈക്കൽ സ്റ്റാറെ കുറിച്ചു. പുതിയ സീസണിലേക്കുള്ള ടീമിലേക്ക് ബ്ലാസ്റ്റേഴ്‌സ് ഇനിയും താരങ്ങളെ സ്വന്തമാക്കാനുണ്ട്. എന്നാൽ ഇപ്പോൾ ടീമിലുള്ള മികച്ച താരങ്ങളെ എല്ലാവരെയും ഉൾപ്പെടുത്തിയ സ്‌ക്വാഡാണ് ഡ്യൂറൻഡ് കപ്പിനുള്ളത്. ഫ്രഞ്ച് പ്രതിരോധതാരമായ അലക്‌സാണ്ടർ കായോഫാണ് ടീമിലില്ലാത്ത പ്രധാന താരം.
ടീമിനൊപ്പം ചേരാൻ വൈകുമെന്ന് കെയോഫ് നേരത്തെ തന്നെ അറിയിച്ചിട്ടുണ്ടായിരുന്നു. ഫിറ്റ്നസ് പ്രശ്‌നങ്ങളുള്ള ചില താരങ്ങളെയും ബ്ലാസ്റ്റേഴ്‌സ് സ്‌ക്വാഡിൽ നിന്നും ഒഴിവാക്കിയിട്ടുണ്ട്. എങ്കിലും അഡ്രിയാൻ ലൂണ നോഹ സദൂയി, മിലോസ് ഡ്രിൻസിച്ച്, ക്വാമേ പെപ്ര എന്നീ താരങ്ങളെല്ലാം ടീമിലുള്ളത് ബ്ലാസ്റ്റേഴ്‌സിന് പ്രതീക്ഷ നൽകുന്നു. മൈക്കൽ സ്റ്റാറെയുടെ പദ്ധതികൾ എന്തൊക്കെയാണെന്ന് ആരാധകർക്ക് മനസിലാക്കാനുള്ള അവസരം കൂടിയാണ് ഡ്യൂറൻഡ് കപ്പ്.
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.
