വി കെ പ്രകാശിന്റെ സംവിധാനത്തിൽ ‘പാലും പഴവും’ ;മീരാജാസ്മിൻ നായികയാവുന്ന ഫാമിലി -കോമഡി ചിത്രം ഓഗസ്റ്റ് 23ന് തിയറ്ററുകളിൽ !!

new release: ലൈവ് എന്ന ചിത്രത്തിന് ശേഷം വി. കെ പ്രകാശ് സംവിധാനം ചെയ്യുന്ന പാലും പഴവും എന്ന ചിത്രത്തിന്റെ പോസ്റ്റർ പ്രകാശനവും ഓഡിയോ ലോഞ്ചും നടന്നു. ചിത്രത്തിന്റെ പോസ്റ്റർ പ്രകാശനം ചെയ്തത് പ്രശസ്‌ത സംവിധായകൻ ജോഷിയാണ്. ഫെബ്രുവരി 15ന് ചിത്രത്തിലെ നായിക മീരാജാസ്മിന്റെ ജന്മദിനത്തോടനുബന്ധിച്ച് ടൈറ്റിൽ പോസ്റ്റർ റിലീസ് ചെയ്തിരുന്നു.

ചിത്രത്തിന്റെ ഓഡിയോ സി.ഡി പനോരമ മ്യൂസിക്കിന്റെ സി.ഇ.ഒ രാജേഷ് മേനോന് നൽകി കൊണ്ട് സംവിധായകരായ സിബി മലയിൽ, രഞ്ജിത്ത്, ശ്യാമപ്രസാദ് എന്നിവർ ചേർന്ന് പ്രകാശനം ചെയ്തു.
പാലും പഴവും എന്ന സിനിമയിലെ പാട്ടുകളുടെ റൈറ്റ്സ് സ്വന്തമാക്കിയിരിക്കുന്നത് ബോളിവുഡ് നിർമാണ സ്ഥാപനമായ പനോരമ സ്റ്റുഡിയോയുടെ കീഴിൽ പ്രവർത്തിക്കുന്ന പനോരമ മ്യൂസിക് ആണ് .

Kerala Prime News അംഗമാവാൻ

Join

ചിത്രത്തിന്റെ സംവിധായകൻ വി.കെ പ്രകാശ്, പ്രൊഡ്യൂസർ വിനോദ് ഉണ്ണിത്താൻ, നായിക മീരാജാസ്മിൻ നായകൻ അശ്വിൻ ജോസ്, മണിയൻപിള്ള രാജു, അശോകൻ, രചന നാരായണൻകുട്ടി, നിഷാ സാരംഗ്, സിയാദ് കോക്കർ, എം.പത്മകുമാർ, ടിനി ടോം, മുരളി മേനോൻ, മൃദുൽ നായർ,ഷഹദ്, നഹാസ് ഹിദായത്ത്, അഭിലാഷ് പിള്ള, വിനയ് ഗോവിന്ദ്, വിഷ്ണു ശശിശങ്കർ, അഭിജിത്ത് ജോസഫ് തുടങ്ങിയവർ ചടങ്ങിൽ പങ്കെടുത്തു.

ചിത്രത്തിന് വേണ്ടി നടൻ അശോകൻ പാടിയ ഗാനത്തിന്റെ അവതരണവും ഉണ്ടായിരുന്നു. പാലും പഴവും എന്ന പേരിൽ തന്നെയുള്ള കൗതുകം സിനിമയിലുമുണ്ടാവുമെന്ന പ്രതീക്ഷയിലാണ് പ്രേക്ഷകർ.
ശാന്തി കൃഷ്ണ, അശോകൻ, മണിയൻപിള്ള രാജു, നിഷ സാരംഗ്, മിഥുൻ രമേഷ്, സുമേഷ് ചന്ദ്രൻ, ആദിൽ ഇബ്രാഹിം, രചന നാരായണൻകുട്ടി, സന്ധ്യ രാജേന്ദ്രൻ, ബാബു സെബാസ്റ്റ്യൻ, ഷിനു ശ്യാമളൻ, തുഷാര, ഷമീർ ഖാൻ, ഫ്രാൻങ്കോ ഫ്രാൻസിസ്, വിനീത് രാമചന്ദ്രൻ, പ്രണവ് യേശുദാസ് തുടങ്ങിയവർ പ്രധാന കഥാപാത്രങ്ങളായെത്തുന്നു.

new release

ടു ക്രിയേറ്റീവ് മൈൻഡ്‌സിൻ്റെ ബാനറിൽ വിനോദ് ഉണ്ണിത്താനും സമീർ സേട്ടും ചേർന്ന് നിർമിക്കുന്ന ചിത്രത്തിന്റെ കഥ, തിരക്കഥ, സംഭാഷണം ആഷിഷ് രജനി ഉണ്ണികൃഷ്ണനാണ്. രാഹുൽ ദീപ് ഛായാഗ്രഹണവും എഡിറ്റിങ് പ്രവീൺ പ്രഭാകറുമാണ്. പശ്ചാത്തല സംഗീതം ഗോപി സുന്ദറാണ്. കൊച്ചി, മൂന്നാർ എന്നിവിടങ്ങളിലായി ചിത്രീകരണം പൂർത്തിയാക്കിയ ചിത്രം ഓഗസ്റ്റ് ഇരുപത്തി മൂന്നിന് തിയ്യറ്ററുകളിലെത്തും.

Read also: മറിമായം ടീമിന്റെ പഞ്ചായത്ത്‌ ജെട്ടി, ഒഫീഷ്യൽ ടീസർ പുറത്ത് !!!

Athira K

Athira is a seasoned content writer with 3+ years of experience crafting engaging articles, blog posts, and website content. With a background in journalism and a passion for storytelling, Her writing style is informative, conversational, and entertaining. When not writing, she enjoys hiking and exploring new ideas.