കേരള ബ്ലാസ്റ്റേഴ്‌സ് (Kerala blasters) ആരാധകർ വളരെ പ്രതീക്ഷയോടെ കാത്തിരുന്ന സൈനിങാണ് മൊറോക്കൻ താരമായ നോഹ സദോയിയുടേത്. എഫ്‌സി ഗോവക്ക് (F C Goa) വേണ്ടി രണ്ടു സീസണുകളായി മികച്ച പ്രകടനം നടത്തുന്ന താരം ബ്ലാസ്റ്റേഴ്‌സിലേക്ക് ചേക്കേറുമെന്ന് കഴിഞ്ഞ സീസണിനിടയിൽ തന്നെ അഭ്യൂഹങ്ങൾ ഉണ്ടായിരുന്നെങ്കിലും ട്രാൻസ്‌ഫർ ജാലകം ആരംഭിച്ചതിനു ശേഷമാണ് അത് ഔദ്യോഗികമായി പ്രഖ്യാപിക്കപ്പെട്ടത്. (Noah Sadaoui has 6 Player Of The Match Award in 9 matches for Kerala Blasters)
ആരാധകരുടെ കാത്തിരിപ്പ് വെറുതെയായില്ല. കേരള ബ്ലാസ്റ്റേഴ്‌സിൽ (Kerala Blasters ) എത്തിയതിനു ശേഷം ടീമിന്റെ ഏറ്റവും പ്രധാനപ്പെട്ട കളിക്കാരനായി മൊറോക്കൻ താരം മാറിയിരിക്കുന്നു. എഫ്‌സി ഗോവയിൽ ഉണ്ടായിരുന്നതിനേക്കാൾ മികച്ച ഫോമിലാണ് കേരള ബ്ലാസ്റ്റേഴ്‌സിൽ, പുതിയ പരിശീലകനായ മൈക്കൽ സ്റ്റാറെക്കു കീഴിൽ നോഹ സദോയി കളിച്ചു കൊണ്ടിരിക്കുന്നത്.
കേരള ബ്ലാസ്റ്റേഴ്‌സിൽ എത്തിയതിനു ശേഷം ഡ്യൂറൻഡ് കപ്പ്, ഐഎസ്എൽ (ISL) എന്നീ ടൂർണമെന്റുകളിലായി ഒമ്പത് ഔദ്യോഗിക മത്സരങ്ങളാണ് നോഹ കളിച്ചിരിക്കുന്നത്. ഇത്രയും മത്സരങ്ങൾ കളിച്ച താരം അതിൽ ആറെണ്ണത്തിലും മാൻ ഓഫ് ദി മാച്ച് പുരസ്‌കാരം സ്വന്തമാക്കുകയും ചെയ്‌തു. കേരള ബ്ലാസ്റ്റേഴ്‌സിൽ ആദ്യത്തെ സീസൺ കളിക്കുന്ന മറ്റൊരു താരവും ഇതുപോലെയൊരു നേട്ടം സ്വന്തമാക്കിയിട്ടുണ്ടാകില്ല.
Noah Sadaoui has 6 Player Of The Match Award in 9 matches for Kerala Blasters. 🤯 #KBFC pic.twitter.com/5cqywFSTXo
— KBFC XTRA (@kbfcxtra) October 20, 2024
Noah Sadaoui has 6 Player Of The Match Award in 9 matches for Kerala Blasters
ഡ്യൂറൻഡ് കപ്പിൽ (Durand Cup) ആറു ഗോളുകൾ അടിച്ചുകൂട്ടി ഗോൾഡൻ ബൂട്ട് സ്വന്തമാക്കിയാണ് നോഹ വരവറിയിച്ചത്. ഇപ്പോൾ ഐഎസ്എല്ലിൽ അഞ്ചു മത്സരങ്ങളിൽ നിന്നും അഞ്ചു ഗോളുകളിൽ താരം പങ്കാളിയായിട്ടുണ്ട്. പഞ്ചാബിനെതിരെ നടന്ന മത്സരത്തിൽ ഒഴികെ ബാക്കിയെല്ലാ കളിയിലും ഗോളോ അസിസ്റ്റോ സ്വന്തമാക്കിയ നോഹയുടെ പേരിൽ മൂന്നു ഗോളും രണ്ട് അസിസ്റ്റുമാണുള്ളത്.
ടീമിന് വേണ്ടി അവസാനം വരെ പൊരുതാനുള്ള മനോവീര്യമാണ് നോഹയെ വ്യത്യസ്‌തനാക്കുന്നത്. എതിരാളികൾ എത്ര കരുത്തരാണെങ്കിലും അവരെ മറികടന്നു ഗോൾ നേടാനും ടീമിന് വിജയം നേടിക്കൊടുക്കാനുമുള്ള നിരന്തരമായ ശ്രമം നോഹ നടത്തിക്കൊണ്ടേയിരിക്കും. ഇത് ടീമിലെ മറ്റുള്ള താരങ്ങളുടെ ആത്മവിശ്വാസം വർധിപ്പിക്കാനും സഹായിക്കുന്നുണ്ട്.
Read Also : അമ്മയെ ആണോ മകളെ ആണോ കൂടുതൽ ഇഷ്ട്ടം? മനസ്സ് തുറന്നു സുജാത മോഹൻ
Harsha .C. Rajan is a versatile content writer passionate about creating engaging stories. With 2+ years of experience in d website content creation. Harsha specializes in healthcare, entertainment and lifestyle topics. Her writing style is informative, yet conversational, making complex content easy to understand.
