Entertainment

vidhya balan speaks about house: മനസ്സിനിണങ്ങിയ വീട് കണ്ടെത്തുന്നതിനേക്കാൾ ദുഷ്കരമായ വേറൊരു സംഗതിയില്ല. ഇക്കാര്യം ശരിവെക്കുകയാണ് ബോളിവുഡ് താരം വിദ്യാബാലൻ. ഭാഗ്യത്തിന്റെ തുണ വേണം നമുക്കിഷ്ടമായ വീട് കണ്ടെത്താൻ എന്നാണ് താരത്തിന്റെ അഭിപ്രായം. സിഡ്നിയിൽ നടന്ന റിയൽ എസ്റ്റേറ്റ് ഡെവലപേഴ്സിൻ്റെ ഒരു പരിപാടിയിൽ സംസാരിക്കവേയാണ് വിദ്യാബാലൻ വീടിനെക്കുറിച്ച് സംസാരിച്ചത്. ഒരു വീട്ടിലേക്ക് കടന്നുചെല്ലുമ്പോൾ തന്നെ നമുക്കിണങ്ങിയതാണോ അല്ലയോ എന്ന് അനുഭവിച്ചറിയാമെന്ന് താരം പറയുന്നു. അമ്മയോടൊപ്പം പതിനഞ്ച് കൊല്ലം മുമ്പ് വീടന്വേഷിച്ച് നടന്നതിനെ കുറിച്ച് വിദ്യാബാലൻ ഓർമിച്ചു.